تۆڕی مافه‌كانی مرۆڤی کوردستان

پووریا جەواهێری، هاووڵاتیی خەڵکی کامێران کە ڕۆژی ٨ی سەرماوەزی ١٤٠١ (٢٩ی نۆڤامبەری ٢٠٢٢) لە ڕەوتی سەرهەڵدانی ژن، ژیان، ئازادیدا دوای بانگهێشتکران بۆ بنکەی هەواڵگریی دەزگای ئیتلاعاتی سوپای پاسداران دەستبەسەر کرابوو، وەک ناڕەزایەتییەک لە بەرانبەر بەردەوامیی دەستبەسەربوونی نایاسایی خۆیدا لە زیندانی ناوەندیی سنە مانی لە خواردن گرتووە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم زیندانییە سیاسییە کە زیاتر لە ٢٥ مانگە لە دۆخێکی...

عەبدولعەزیز گوڵمحەممەدی، زیندانیی سیاسیی کورد کە سزای ١٠ ساڵ و ڕۆژێک بەندکران لە زیندانی ناوەندیی ورمێدا تێدەپەڕێنێت، وەک ناڕەزایەتییەک لە بەرانبەر ڕەتکردنەوەی داوای هەڵپەساردنی سزاکەیدا لە لایەن ساریخانلووی جێگری داواکاری گشتی و شۆڕشی ئەم شارەوە، مانی لە خواردن گرت. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی شەممە ١٠ی سەرماوەزی ١٤٠٣ (٣٠ی نۆڤامبەری ٢٠٢٤) ئەم زیندانییە سیاسییە کە لە بەندی زیندانیانی سیاسی و...

وریشە مورادی، زیندانیی سیاسیی کورد، دوای ٢٠ ڕۆژ کۆتایی بە مانگرتنەکەی هێنا. ئەم زیندانییە سیاسییە پاش داواکاریی چالاکان، دامەزراوەکانی ناوخۆ و دەرەوەی ئێران و هاوبەندییەکانی لە بەندی ژنانی زیندانی ئێڤیندا، دوانیوەڕۆی ئەمڕۆ سێشەممە ٨ی گەڵاڕێزانی ١٤٠٣ (٢٩ی ئۆکتۆبەری ٢٠٢٤) کۆتایی بە مانگرتنەکەی هێناوە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەمڕۆ سێشەممە ٨ی گەڵاڕێزانی ١٤٠٣ (٢٩ی ئۆکتۆبەری ٢٠٢٤) ئەم زیندانییە سیاسییە کە لە...

دۆخی تەندروستیی وریشە مورادی، ئەندامی کۆمەڵگەی ژنانی ئازادی ڕۆژهەڵاتی کوردستان (کەژار) کە لە پەرچەکردارێکی ناڕەزاییانە لە بەرانبەر دەرکردن و جێبەجێکردنی سزای لەسێدارەدان لە ئێراندا پازدەهەم ڕۆژی مانگرتنی بێسنووری خۆی تێدەپەڕێنێت، ناجێگیر و خراپە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، کێشی ئەم زیندانییە سیاسییە لەم ماوەیەدا ٧ کیلۆ دابەزیوە و دۆخی تەندروستیشی بە هۆی دابەزینی زەخت، میگرێن، ئازاری جومگەکان و کەمەرەوە چووەتە حاڵەتێکی...

وریشە مورادی، ئەندامی کۆمەڵگەی ژنانی ئازادی ڕۆژهەڵاتی کوردستان (کەژار) لە یازدەهەم ڕۆژی مانگرتنی بێسنووردا دژ بە سەپاندن و جێبەجێکردنی سزای لەسێدارەدان لە ئێراندایە. ئەم زیندانییە سیاسییە کوردە لەم ماوەیەدا تووشی دابەزینی زەخت، ئێشی جومگەکان و بێخەوی بووە و سەرەڕای ڕاسپاردەی پزیشکەکانی نەخۆشخانەی زیندانی ئێڤین، تا ئێستا ئامادە نەبووە کانوولە وەربگرێت. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، وریشە مورادی کە بە تۆمەتی «بەغی»...

وریشە مورادی، ئەندامی کۆمەڵگەی ژنانی ئازادی ڕۆژهەڵاتی کوردستان (کەژار) کە بە تۆمەتی «بەغی» لە دۆخێکی هەڵپەسێردراو لە بەندی ژنانی زیندانی ئێڤینی تاراندایە، لە ڕۆژی ١٩ی ڕەزبەری ١٤٠٣وە (١٠ی ئۆکتۆبەری ٢٠٢٤) هاوکات لەگەڵ ڕۆژی جیهانیی ڕووبەڕوبوونەوەی سزای لەسێدارەداندا بە شێوەی بێسنوور مانی لە خواردن گرتووە. ئەم زیندانییە سیاسییە ڕایگەیاندووە کە وەک ناڕەزایەتییەک لە بەرانبەر سەپاندن و جێبەجێکردنی سزای لەسێدارەدان لە ئێراندا دەستی داوەتە مانگرتن لە...

وریشە مورادی، ئەندامی کۆمەڵگەی ژنانی ئازادی ڕۆژهەڵاتی کوردستان (کەژار) کە بە تۆمەتی «بەغی» لە دۆخێکی هەڵپەسێردراو لە بەندی ژنانی زیندانی ئێڤینی تاراندایە، هاوکات لەگەڵ ڕۆژی جیهانیی ڕووبەڕووبوونەوەی سزای لەسێدارەداندا ڕایگەیاندووە کە بۆ ماوەیەکی بێسنوور و نادیار مان لە خواردن دەگرێت. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی پێنجشەممە ١٩ی ڕەزبەری ١٤٠٣ (١٠ی ئۆکتۆبەری ٢٠٢٤) ئەم زیندانییە سیاسییە هاوکات لەگەڵ ڕۆژی جیهانیی ڕووبەڕووبوونەوەی...

هادی ڕوستەمی، ڕەزا ڕەمەزانی و سەلاح کەریمی، سێ بەندکراوی خەڵکی شارەکانی ئیلام و بۆکان، لە ژوورە تاکەکەسییەکانی زیندانی ناوەندیی ورمێدا مانیان لە خواردن گرتووە. ئەم سێ بەندکراوە کە لە دوازدەهەم و سێزدەهەم ڕۆژی مانگرتندان، لە مافی پێوەندیگرتن و دیداری بنەماڵە بێبەش کراون. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، هادی ڕوستەمی، بەندکراوی سزادراو بە بڕینەوەی ئەندامی جەستە کە ڕۆژی ٦ی ڕەزبەری ١٤٠٣ (٢٧ی...

مامۆستا محەممەد خزرنژاد، مامۆستای ئایینیی کورد و لە دەستبەسەرکراوانی سەرهەڵدانی ژن، ژیان، ئازادی کە لە زیندانی ناوەندیی ورمێ سزای ٢٥ ساڵ بەندکران تێدەپەڕێنێت، لەم حەفتانەی ڕابردوودا بۆ ماوەی ١٢ ڕۆژ مانی لە خواردن گرتووە. ئەم زیندانییە سیاسییە لە گەڵاڕێزانی ١٤٠٢دا (نۆڤامبەری ٢٠٢٣) لە لایەن لقی ٣ی دادگای شۆڕشی ئیسلامیی ورمێوە سزای لەسێدارەدان و ١٦ ساڵ بەندکرانی بەسەردا سەپابوو، بەڵام سزای لەسێدارەدانەکەی لە جۆزەردانی ئەمساڵدا (ژوەنی...