له درێژه‌ی شه‌پۆلی ده‌ستبه‌سه‌ركردنی هاووڵاتییانی كورددا، چوار هاووڵاتیی‌تر له شاره‌كانی پیرانشار و سنه له لایه‌ن هێزه ئه‌منیه‌تییه‌كانه‌وه ده‌ستبه‌سه‌ر كراون.
به‌پێی زانیارییه‌كانی تۆڕی مافه‌كانی مرۆڤی كوردستان، ڕۆژی ٢٢ی پووشپه‌ڕ هێزه ئه‌منیه‌تییه‌كان دوو هاووڵاتیی كوردیان به ناوه‌كانی عادڵ شێخه و دیاكۆ تارا له گوندەکانی پسوێ و كێله‌سیپانی سه‌ر به پیرانشار ده‌ستبه‌سه‌ر و ڕه‌وانه‌ی شوێنێكی نادیار كردووە.
هه‌روه‌ها ڕۆژی ٢١ی پووشپه‌ڕ هاووڵاتییه‌كی‌تریش به ناوی «عه‌لی زواری»، خه‌ڵكی پیرانشار، ده‌ستبه‌سه‌ر و ڕه‌وانه‌ی شوێنێكی نادیار كراوه.
له چاره‌نووسی ئه‌م كه‌سانه و هۆکاری ده‌ستبه‌سه‌ركردنیان، هێشتا هیچ زانیارییه‌ك له به‌رده‌ستدا نییه.
به‌پێی ڕاپۆرتێكی دیكه، ڕۆژی ١٤ی پووشپه‌ڕ له یه‌كێك له شەقامه‌كانی شاری سنەدا هێزه ئه‌منیه‌تییه‌كان هاووڵاتییه‌كی كوردیان به ناوی سه‌ی كامیل شێخ ئه‌حمه‌دی»ده‌ستبه‌سه‌ر و ڕه‌وانه‌ی ده‌ستبه‌سه‌رگه‌ی ئیداره‌ی ئیتلاعاتی ئه‌م شاره كردووە.
به‌پێی ئه‌و ئامارانه‌ی له لایه‌ن تۆڕی مافەکانی مرۆڤی كوردستانه‌وه كۆ كراوه‌ته‌وه، له سەرەتای مانگی پووشپه‌ڕەوە تا ئێستا، لانیكه‌م ٢٠ چالاك و هاووڵاتیی كورد له شاره‌كانی ئیسلام ئاوای ڕۆژئاوا، سنه، مه‌ریوان، نه‌غه‌ده، سنه، پیرانشار. شنۆو مه‌هاباد له لایه‌ن هێزه ئه‌منیه‌تییه‌كانه‌وه ده‌ستبه‌سه‌ر كراون.
ڕەوتی ده‌ستبه‌سه‌ركردنی هاووڵاتییانی كورد بەردەوامە؛ چوار هاووڵاتیی دیكه ده‌ستبه‌سه‌ر كران
ناڕەزایەتیی خەیروڵڵا حەقجوویان، چالاکی مەدەنیی یارسان، دژ بە سەپاندنی سزای لەسێدارەدان بەسەر ڕەزا ڕەساییدا
خەیروڵڵا حەقجوویان، چالاکی مەدەنیی یارسان و زیندانیی سیاسیی پێشوو، بە بڵاوکردنەوەی گرتەیەکی ڤیدیۆیی ناڕەزایەتیی خۆی لە ئاست دۆسیەسازی، ڕەوتی نادادپەروەرانەی دادگاییکردن و دەرکردنی سزای...
زیاتر بخوێنەوەکوژرانی کۆڵبەرێک بە دەسرێژی هێزە سنوورپارێزەکان لە مەریوان
بەرەبەیانی ئەمڕۆ چوارشەممە ٢٦ی ڕەزبەر (١٨ی ئۆکتۆبەر) کۆڵبەرێکی ٣٤ ساڵان بە ناوی فەرید وەتەنی ڕەسوول لە ناوچەی سنووریی «دەرەوەران»ی شاری مەریوانی پارێزگای کوردستان کەوتە...
زیاتر بخوێنەوەتەوحید دەروێش، زیندانیی سیاسیی کورد، لە زیندانی تەورێز هەوڵی خۆکوشتنی دا
لە ڕۆژانی ڕابردوودا تەوحید دەروێش، زیندانیی سیاسیی کورد کە لە خۆپیشاندانە جەماوەرییەکانی تەورێز لە ڕەزبەری ساڵی ڕابردوودا (سێپتامبری ٢٠٢٢) دەستبەسەر کرا و تۆمەتی «موحارەبە»ی...
زیاتر بخوێنەوەRelated News
نادیاربوونی چارەنووسی محەممەد کەدخودا دوای تێپەڕینی ١٦ ڕۆژ بەسەر دەستبەسەرکردنیدا لە بۆکان
سەرەڕای تێپەڕینی ١٦ ڕۆژ بەسەر دەستبەسەرکردنی محەممەد کەدخودای هاووڵاتیی خەڵکی بۆکاندا، تا ئێستا هیچ زانیارییەک لەسەر چارەنووسی بەردەست نەکەوتووە. بەپێی ئەو زانیارییانەی کەوتووەتە دەست تۆڕی مافەکانی مرۆڤی کوردستان، هێزەکانی ئیدارەی ئەماکن و دەزگای ئیتلاعاتی سوپای پاسداران لە ڕێکەوتی ٢٢ی ڕەزبەردا (١٤ی ئۆکتۆبەر) هەڵیانکوتاوەتە سەر ماڵی ئەم هاووڵاتییە کوردە و دوای پشکنینی ماڵەکەی و بەبێ مۆڵەتی یاسایی دەستبەسەریان کردووە. سەرەڕای بەدواداچوون و سەردانکردنی بەردەوامی بنەماڵەی محەممەد کەدخودا...
ئازادکردنی هاووڵاتییەک بە بارمتە لە سنە / دوو هاووڵاتیی تر هێشتا لە دەستبەسەرگەی شەهرامفەری دەزگای ئیتلاعاتی سوپادا دەستبەسەرن
دیار ئەحمەدی، هاووڵاتیی دەستبەسەرکراوی خەڵکی گوندی «ئارەنان»ی سنە، دوای مانگێک دەستبەسەربوون بە دانانی بارمتە لە زیندانی ناوەندیی سنە ئازاد کرا. هاوکات دوو هاووڵاتیی دیکەی خەڵکی هەمان گوند بە ناوەکانی عەلی ئەحمەدی و ئەیووب ئەحمەدی هێشتا هەر لە دەستبەسەرگەی شەهرامفەری دەزگای ئیتلاعاتی سوپای پاسدارانی سنەدا دەستبەسەرن. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، دیار ئەحمەدی دوای مانگێک دەستبەسەربوون لە دەستبەسەرگەی شەهرامفەری دەزگای ئیتلاعاتی سوپای...
گواستنەوەی دوو چالاکی دەستبەسەرکراوی کورد بۆ زیندانەکانی مەهاباد و ورمێ
ئەشکان فەهیم و ڕەزا ئەندێشە، دوو چالاکوانی دەستبەسەرکراوی خەڵکی مەهاباد، دوای کۆتاییهاتنی لێپرسینەوەکان لە دەستبەسەرگەی دەزگای ئیتلاعاتی سوپای پاسدارانی ورمێوە ڕەوانەی زیندانەکانی مەهاباد و ورمێ کراون. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، ڕۆژی چوارشەممە ٢٦ی ڕەزبەر (١٨ی ئۆکتۆبەر) ئەشکان فەهیم دوای کۆتاییهاتنی لێپرسینەوەکان لە دەستبەسەرگەی دەزگای ئیتلاعاتی سوپای پاسدارانی ورمێوە گوازراوەتەوە بۆ زیندانی ناوەندیی ئەم شارە. هەروەها ڕەزا ئەندێشەیش دوای مانگێک دەستبەسەربوون لە...
ئازادکردنی کاتیی هەشت هاووڵاتی و چالاکی دەستبەسەرکراوی کورد بە بارمتە لە شارەکانی سەقز، سنە و تاران
هەشت هاووڵاتی و چالاکی دەستبەسەرکراوی کورد بە ناوەکانی هێرۆ قەدیمی، سەمیرا ئەحمەدی، سەفا عائیلی، ئازاد ئەمینی، ئومید موقەدەسی، هیوا تاتایی، هیوا جەهانی و پووریا ئەحمەدی بە دانانی بارمتە و بە شێوەی کاتی لە بەندی ژنانی کانوونی ئیسڵاح و تەربیەتی سنە، زیندانی سەقز و زیندانی ئێڤینی تاران ئازاد کران. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، ڕۆژی ڕابردوو ٢٥ی ڕەزبەر (١٧ی ئۆکتۆبەر) ٦ هاووڵاتیی...
نادیاربوونی چارەنووسی عادڵ میرزایی، هاووڵاتیی دەستبەسەرکراوی کورد
لەسەر چارەنووسی عادڵ (شاخەوان) میرزایی، هاووڵاتیی کوردی خەڵکی گوندی «نگڵ»ی ناوچەی کەڵاتەرزانی شاری سنە کە نزیکەی مانگێک لەمەوپێش لە لایەن هێزە ئەمنییەکانەوە لەم گوندەدا دەستبەسەر کرابوو و گوازرابوویەوە بۆ دەستبەسەرگەی ئیدارەی ئیتلاعاتی سنە، هیچ زانیارییەک لە بەردەستدا نییە. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، سەرەڕای سەردان و بەدواداچوونی بەردەوامی بنەماڵەی ئەم هاووڵاتییە کوردە بۆ دادگا و ئیدارەی ئیتلاعاتی سنە، تا ئێستا هیچ...