به‌پێی زانیارییه‌كانی تۆڕی مافه‌كانی مرۆڤی كوردستان، ڕۆژی سێشه‌ممه‌ ٧ی گه‌لاوێژ، مێعراج مورته‌زایی، هاووڵاتیی كوردی خه‌ڵكی دێوه‌زناوی سه‌ر به‌ شاری سه‌وڵاوا له ‌پارێزگای كوردستان (سنه‌)،له‌ یه‌كێك له‌شه‌قامه‌كانی شاری سه‌وڵاوا له‌لایه‌ن هێزه‌ ئه‌منییه‌كانه‌وه‌ ده‌ستبه‌سه‌رو ڕه‌وانه‌ی ده‌ستبه‌سه‌رگه‌ی ئیداره‌ی ئیتلاعاتی مه‌ریوان كراوه.
دەوترێت ئەم هاووڵاتییە كوردە كە لە كێڵگەی بەرهەمهێنانی ماسیی دێوەزناودا كار دەكات، دوای هاتنە دەرەوە لە ئیدارەی شیلاتی سەوڵاو، له‌لایه‌ن هێزێک کە جلی مەدەنیان لەبەربووە ده‌ستبه‌سه‌ر كراوه‌.‌
ئه‌م هاووڵاتییه‌ كورده‌ له‌ چه‌ند ساڵی ڕابردوودا به‌هۆی چالاكبوونی ئه‌ندامانی بنه‌ماڵه‌یەوە له‌ده‌ره‌وه‌ی وڵات چەندین جار بانگهێشتی دەزگا ئه‌منییه‌كان كراوه‌ و كه‌وتۆ‌ته‌ ژێر لێپرسینه‌وه‌.