دوو هاووڵاتیی کورد بە ناوەکانی ڕەزا عێزەت تاج و شۆڕش مەحموودیان خەڵکی گوندی «شاوانە»ی شاری شنۆی پارێزگای ئازەربایجانی ڕۆژئاوا، لە لایەن هێزە ئەمنییەکانەوە دەستبەسەر کران و گواسترانەوە بۆ شوێنێکی نادیار.

بەپێی ئەو زانیارییانەی کەوتۆتە دەست تۆڕی مافەکانی مرۆڤی کوردستان، ڕۆژی یەکشەممە ٦ی پووشپەڕ هێزە ئەمنییەکان بەبێ ئەوەی هیچ حوکمێکی یاساییان پێ بێت، ڕەزا عێزەت تاج و شۆڕش مەحموودیانیان دەستبەسەر کردووە.

هیچ زانیارییەک لەسەر تۆمەت و شوێنی ڕاگرتنی ئەم دوو هاووڵاتییە کوردە بەردەست نەکەوتووە.