دەستبەسەرکردنی لانیکەم ٧ کەس لە لایەن هێزە ئەمنییەکانەوە لە مووچش
سەرچاوە: تۆڕی مافەکانی مرۆڤی کوردستان — https://kurdistanhumanrights.org/ku/news-ku/arrests/2022/11/11/p12960
شەوی ڕابردوو بۆ یەکەم جار لە سەرەتای دەستپێکردنی سەرهەڵدانی سەرانسەریی خەڵکی ئێرانەوە، ژمارەیەک لە خەڵکی شارۆچکەی مووچشی پارێزگای کوردستان هاتنە سەر شەقام و دروشمی دژی حکوومەتیان بەرز کردەوە. هێزە سەربازی-ئەمنییەکان تەقەیان لە خۆپیشاندەران کرد و چەند هاووڵاتییەکیشیان دەستبەسەر کرد.
بەپێی ئەو زانیارییانەی کەوتۆتە دەست تۆڕی مافەکانی مرۆڤی کوردستان، شەوی ١٩ی گەڵاڕێزان (١٠ی نۆڤامبر) لە گردبوونەوەی ناڕەزاییانەی شارۆچکەی مووچشدا لانیکەم ٧ هاووڵاتی بە ناوەکانی ئومید ساعدمووچشی، جەمال ساعدمووچشی، ساڵح ساعدمووچشی،
شەهرام ساعدمووچشی، فەرشید ساعدمووچشی، زانکۆ ساعدمووچشی و میلاد ساعدمووچشی لە لایەن هێزە ئەمنییەکانەوە دەستبەسەر کراون و گوازراونەتەوە بۆ شوێنێکی نادیار.
دەوترێت شەهرام ساعدمووچشی لە حاڵێکدا دەستبەسەر کراوە کە پێش ئەوە بە تەقەی هێزە سەربازی-ئەمنییەکان بریندار ببوو.
بەپێی ئەو ڕاپۆرتانەی بەدەستی تۆڕی مافەکانی مرۆڤی کوردستان گەیشتووە، بەرەبەیانی ئەمڕۆ هەینی ٢٠ی گەڵاڕێزان (١١ی نۆڤامبر) هێزەکانی پۆلیسی دژەشۆڕش لە شەقامەکانی مووچشدا جێگیر کراون.

بابەتی پەیوەندیدار
-
دوو هاووڵاتیی بریندار بە هۆی قورسبوونی برینەکانیانەوە لە نەخۆشخانەکانی ورمێ و سنە گیانیان لەدەست دا
-
ئازادبوونی کاتیی سێ هاووڵاتیی دەستبەسەرکراو بە دانانی بارمتە لە سنە
-
سامان یاسین لە زیندانی ئێڤینی تاران مانی لە خواردن گرت
-
کوژرانی سێ کەس بە دەسڕێژ و لێدانی هێزە سەربازی- ئەمنییەکان لە سنە و مەهاباد
-
بەردەوامبوونی ڕەوتی دەستبەسەرکردنی هاووڵاتییان لە لایەن هێزە ئەمنییەکانەوە لە سەراوڵە
-
مانگرتن لە خواردنی سۆران ڕەشیدی و سامان غەزاڵی لە زیندانی چووبیندەری قەزوین و دەستبەسەرگەی دەزگای ئیتلاعاتی سپای ورمێ