دوای تێپەڕینی ١٢ ڕۆژ لە دەستبەسەرکردنی خەبات ئێراندۆست، هاووڵاتیی کوردی خەڵکی بۆکان، تا ئێستا هیچ زانیارییەک لەسەر چارەنووسی بەردەست نەکەوتووە.
بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی ١١ی ڕەزبەری ١٤٠٣ (٢ی ئۆکتۆبەری ٢٠٢٤) هێزە ئەمنییەکان هەڵیانکوتاوەتە سەر شوێنی کاری ئەم هاووڵاتییە لە شاری بۆکان و بەبێ مۆڵەتی یاسایی دەستبەسەریان کردووە.
سەرەڕای بەدواداچوونی بنەماڵەکەی بۆ وەرگرتنی زانیارییەک لەسەر چارەنووس و بارودۆخی خەبات ئێراندۆست، دامودەزگا ئەمنی و دادوەرییەکان ئامادە نوبوون هیچ ڕوونکردنەوەیەکیان پێ بدەن.
تا ئێستا لەسەر شوێنی ڕاگرتن و تۆمەتەکانی سەر ئەم هاووڵاتییە هیچ زانیارییەک بەردەست نەکەوتووە.
