بەردوامبوونی ڕەوتی دەستبەسەرکردنی هاووڵاتیان و چالاکانی کورد؛ دوو کەسی دیکە لە مەهاباد و شنۆ دەستبەسەر کران
سەرچاوە: تۆڕی مافەکانی مرۆڤی کوردستان — https://kurdistanhumanrights.org/ku/news-ku/arrests/2024/12/30/p39025
دوو هاووڵاتیی کورد بە ناوەکانی فایەق قادرزاده و ڕەسوول پوورخزری لە لایەن هێزە ئەمنییەکانەوە لە شارەکانی مەهاباد و شنۆ دەستبەسەر کران و گوازرانەوە بۆ دەستبەسەرگە ئەمنییەکانی ورمێ.
بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، بەرەبەیانی ڕۆژی یەکشەممە ٩ی بەفرانباری ١٤٠٣ (٢٩ی دیسامبەری ١٤٠٣) فایەق قادرزادە، لاوی ٢٢ ساڵان و شۆفیری تەکسی، بەبێ مۆڵەتی یاسایی لە لایەن هێزەکانی وەزارەتی ئیتلاعاتەوە لە شوێنی کارەکەی لە مەهاباد دەستبەسەر کراوە.
هەر هەمان ڕۆژ ڕەسوول پوورخزرییش لە ماڵەکەی خۆی لە شاری شنۆ بەبێ مۆڵەتی یاسایی لە لایەن هێزە ئەمنییەکانەوە دەستبەسەر کراوە.
دوای دەستبەسەرکردنی ئەم دوو کەسە ژمارەی دەستبەسەرکراوانی کوردستان لە سەرەتای ئەم مانگەوە تا ئێستا گەیشتە لانیکەم ٢١ هاووڵاتی و چالاکوان کە لە شارەکانی بۆکان، پیرانشار، مەهاباد و کرماشان دەستبەسەر کراون. ئەم کەسانە کە هەرهەموویان لە لایەن هێزە ئەمنییەکانەوە دەستبەسەر کراون گوازراونەتەوە بۆ دەستبەسەرگەکانی دامودەزگا ئەمنییەکان لە شارەکانی ورمێ و کرماشان.
بابەتی پەیوەندیدار
هەواڵی زیاتر لە مەهاباد هەموو بابەتەکانی «دهستبهسهركردنەکان»
-
بەردەوامبوونی دەستبەسەرکردنی هاووڵاتیانی کورد لە سەروبەندی دووەم ساڵڕۆژی سەرهەڵدانی ژن، ژیان، ئازادیدا؛ چوار هاووڵاتی لە مەهاباد و شنۆ دەستبەسەر کران
-
پەرەسەندنی کەشی ئەمنی لە کوردستاندا؛ بەردەوامیی بانگهێشتکردن و دەستبەسەرکردنی هاووڵاتیان و چالاکانی کورد لە شارە جیاوازەکاندا
-
سەرکوتکردن لە کوردستاندا؛ دەستبەسەرکردنی چواردە هاووڵاتی و چالاکوانی کورد لە لایەن هێزەکانی وەزارەتی ئیتلاعاتەوە
-
بەردەوامیی دەستبەسەرکردنەکان لە کوردستاندا؛ نادیاربوونی چارەنووسی حەوت هاووڵاتیی دەستبەسەرکراو لە شارەکانی بۆکان، پیرانشار، مەهاباد، شنۆ و مەریوان
-
دەستبەسەرکردنی شەش هاووڵاتیی کورد لە بۆکان، مەهاباد و شنۆ
-
دەستبەسەرکردنی شەش هاووڵاتیی کورد لە لایەن هێزە ئەمنییەکانەوە لە شارەکانی شنۆ، سەردەشت و مەهاباد