به‌ پێی زانیارییه‌كانی تۆڕی مافه‌كانی مرۆڤی كوردستان، سه‌رله‌به‌یانیی ڕۆژی سێشه‌ممه‌ ١٠ی پووشپه‌ڕ، سزای لەسێدارەدانی به‌ندكراوێك به ‌ناوی “موحه‌ممه‌د عەزیز مه‌حموودی” له‌ به‌ندیخانه‌ی ناوه‌ندیی سنه‌ جێبه‌جێ كرا.
ئه‌م به‌ندكراوه‌ کە خه‌ڵكی گوندی “دزڵی”ی سه‌ر به ‌شاری مه‌ریوان بوو، له‌ ساڵی ١٣٩٧ و له‌ كاتێكدا کە ته‌مه‌نی ٢٣ ساڵ بوو، به‌ تۆمه‌تی کوشتنی بەئەنقەست (قه‌تڵی عه‌مد)، ده‌ستبه‌سه‌ر كرا و سزای سێدارەی به‌سه‌ردا سه‌پا.
دوابه‌دوای گواستنه‌وه‌ی ئه‌م به‌ندكراوه‌ بۆ ژووری تاكه‌كه‌سی بە مەبەستی جێبه‌جێکردنی سزاكه،‌ له ‌چه‌ند ڕۆژی ڕابردوودا ژماره‌یه‌ك له‌ چالاكانی مه‌ده‌نی بۆ وه‌رگرتنی ڕه‌زایه‌ت و وه‌ستانی سزاكه‌، سه‌ردانی ماڵی كوژراوه‌كه‌یان كردبوو.