سزای لەسێدارەدانی ڕەحیم فەقیری، بەندکراوی خەڵکی سەڵماس کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ دەرچوبوو، لە زیندانی ناوەندیی بیرجەند جێبەجێ کرا.
بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕەحیم فەقیری، ٣٤ ساڵان، باوکی سێ منداڵ و خەڵکی گوندی «سێوەدەر»ی سەڵماس، نزیکەی ٢ ساڵ لەمەوپێش بە تۆمەتی پێوەندیدار بە «مادە هۆشبەرەکان»ـەوە دەستبەسەر کرابوو و سزای لەسێدارەدانی بۆ دەرچوبوو.
ئەم بەندکراوە بەرەبەیانی ڕۆژی یەکشەممە ٢٧ی گەڵاڕێزانی ١٤٠٣ (١٧ی نۆڤامبەری ٢٠٢٤) لە زیندانی ناوەندیی بیرجەند لە سێدارە درا.
