سزای لەسێدارەدانی شێرعەلی تەرکشبەند، بەندکراوی خەڵکی سەحنەی کرماشان کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ دەرچوبوو، لە زیندانی لاکانی ڕەشت جێبەجێ کرا.
بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم بەندکراوە ٥٥ ساڵەیەی خەڵکی گوندی «سیاچەقا»ی سەحنە، نزیکەی ٤ ساڵ لەمەوپێش بە تۆمەتی پێوەندیدار بە «مادە هۆشبەرەکان»ـەوە دەستبەسەر کرابوو و سزای لەسێدارەدانی بۆ دەرچوبوو.
ئەم بەندکراوە بەرەبەیانی ڕۆژی چوارشەممە ٣٠ی گەڵاڕێزانی ١٤٠٣ (٢٠ی نۆڤامبەری ٢٠٢٤) لە زیندانی لاکانی ڕەشت لە سێدارە درا.
