ئازاد چەنگە، بەندکراوی خەڵکی سەردەشت کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ دەر چووبوو، لە زیندانی نەغەدە لە سێدارە درا.
بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم بەندکراوە جۆزەردانی ١٤٠٢ (ژوەنی ٢٠٢٣) لە پیرانشار دەستبەسەر کرا و دواتر لە لایەن دادگای شۆڕشی ئیسلامیی مەهابادەوە بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ دەر چوو.
ئەم بەندکراوە بەرەبەیانی ڕۆژی چوارشەممە ١٢ی سەرماوەزی ١٤٠٤ (٣ی دیسامبەری ٢٠٢٥) لە زیندانی نەغەدە لە سێدارە درا.
ئازاد چەنگە ٤٨ ساڵان و باوکی دوو منداڵ بوو.
