فەرزاد ئەحمەدپوور، بەندکراوی خەڵکی سەقز، لە جیرۆفت لە سێدارە درا

فەرزاد ئەحمەدپوور، بەندکراوی خەڵکی سەقز کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ دەر چووبوو، لە زیندانی جیرۆفت لە سێدارە درا.

بەپێی زانیارییەکانی تۆڕی مافەکانی مرۆڤی کوردستان، ئەم بەندکراوە نزیکەی ٣ ساڵ لەمەوپێش بە تۆمەتی پێوەندیدار بە «مادە هۆشبەرەکان»ـەوە دەستبەسەر کرابوو و لە لایەن دادگای شۆڕشی ئیسلامییەوە سزای لەسێدارەدانی بۆ دەر چووبوو.

سزای لەسێدارەدانی ئەم بەندکراوە بەرەبەیانی ڕۆژی یەکشەممە ٢٢ی خەرمانانی ١٤٠٥ (١٣ی سێپتامبەری ٢٠٢٦) لە زیندانی جیرۆفت جێبەجێ کرا.

فەرزاد ئەحمەدپوور ٣٥ ساڵان، باوکی دوو منداڵ و خەڵکی شاری سەقز بوو.