تۆڕی مافه‌كانی مرۆڤی کوردستان

حوسێن کەمانگەر چالاکوانی کورد کە لە ١٥ی بەفرانباری ساڵی رابردوو لە ده‌سبه‌سه‌رگه‌ی ئیدارەی ئیتلاعات راگیراوە، رۆژی رابردوو توانی دوای شەس مانگ بێ هەواڵی له‌گه‌ڵ بنەماڵەكه‌ی پەیوەندییه‌کی تەلەفوونی هەبێت.
سەرچاوەیەکی ئاگادار لە شاری کامیاران وێڕای پشتڕاست کردنەوەی ئەو هەواڵە بە تۆڕی مافەکانی مرۆڤی کوردستانی وت « دوایین په‌یوه‌ندی ته‌له‌فونی حوسێن كه‌مانگه‌ر لە ۱۷ی بەفرانباری/06.02.2019 ساڵی ڕابردوو بووه‌، له‌و ماوه‌یه‌ به‌دواوه‌وه‌  بنەماڵەی هیچ ئاگاداریان لە باروودۆخی ئەو نەبووه‌ و هەر ئه‌وه‌یش نێگه‌رانی بنه‌ماڵه‌ی له‌گه‌ڵ خۆی به‌دوا هێنا بوو.»
حوسێن کەمانگەر لەو پەیوەندییەدا هەواڵی راگواستنی لە ده‌سبه‌سه‌رگه‌ی ئیدارەی ئیتلاعاتی سنە بۆ کامیاران و ئەگەری بەرێوەچوونی دانیشتنی دادگایەکەی لە حەفتەی داهاتوو ڕاگه‌یاندووه‌. ئەو هەروەها لەو پەیوەندیبە تەلەفوونێدا وتوویه‌تی کە کۆتایی بە مانگرتن لە خواردنی هێناوە. ئه‌م چالاكه‌ كورده‌ پێشتر راگەیەندرابوو کە ئەو بۆ نارەزایەتی دەربڕین بە بەردەوامی دەسبەسەرکرانی و زەخت و گوشار خستنە سەری مانی له‌ خواردن گرتووه‌، بەو شێوە ئەو سێ حەفتە لە مانگرتندابوو.
لە چەند رۆژی رابردوو و بە تایبەتی لە رۆژی دووشەممەی ئەو حەفتەیە ئەندامانی تۆرە کۆمەڵایەتی تویتێرلە کردەوەیەکی بە کۆمەڵی تووفانی تویتەری وێڕایپشتیوانی لەحوسێن کەمانگەر خوازیار ئاگاداری لە باروودوخی ئەو ئازاد کردنی بوون.