تۆفیق سەرئەفراز، بەرێوەبەری رێکخراوی گۆڕستانەکانی شارەوانی سنە کە لە نزیک سێ هەفتە لەمەوبەرەوە لەلایەن بەشی ئیتلاعاتی هێزە ئینتزامییەکانەوە دەستبەسەر کرابوو، لە دەستبەسەرگەی ئەم ناوەندە ئەمنییەوە بۆ نەخۆشخانەی تەوحیدی سنە گواسترایەوە.
بە پێی زانیارییەکانی تۆڕی مافەکانی مرۆڤی کوردستان، تۆفیق سەرئەفراز لە دەستبەسەرگەدا توشی جەڵدەی دڵ بووە و ئێستا لە نەخۆشخانەی تەوحیدی سنە لە بەشی چاودێری تایبەتدایە.
ئەو هاووڵاتییە لە ئەندامانی ستادی هەڵبژاردنەکانی حەسەن روحانی لە شاری سنە بووە و لە نزیک سێ هەفتە لەمەوبەرەوە وێڕای چەند هاووڵاتی دیکە بە تۆمەتی پەیوەندی لەگەڵ کەناڵێکی تێلێگرامی لەلایەن بەشی ئیتلاعاتی هێزە ئینتزامییەکانەوە دەستبەسەر کراوە.