به‌ پێی زانیارییه‌كانی تۆڕی مافه‌كانی مرۆڤی كوردستان، «شه‌هرام سه‌فه‌ری» رۆژنامه‌نووس و به‌ڕێوه‌به‌ری كاناڵی تێلگرامی «ڕاوێژپرێس»، به‌ تۆمه‌تی «بڵاوکردنەوەی زانیاریی درۆ و تێکدانی بیروڕای گشتی» لە ڕێگەی بڵاوكردنه‌وه‌ی ڕێژه‌ی هاووڵاتیانی تووشبوو به‌ ڤایرۆسی كۆرۆنا، حوکمی ٩١ ڕۆژ زیندانی بۆ بڕایەوە.
شه‌هرام سه‌فه‌ری خه‌ڵكی “سه‌رپێڵ زه‌هاو”ی سه‌ر به‌ پارێزگای كرماشانه‌ كه‌ له‌ مانگی گۆڵانی ئه‌مساڵدا زانكۆی زانسته‌ پزیشكییه‌كانی كرماشان سكاڵای له‌ سه‌ر تۆمار كردبوو و بانگ كرابووه‌‌ دادگا کە دواتر و تا كۆتاییهاتنی لێکۆڵینه‌وه‌كان به‌ دانانی بارمته‌ ئازاد كرابوو.