لەسەر چاره‌نووسی دوو کەسی تازه‌مه‌سیحی به ‌ناوه‌كانی مێهدی ئیبراهیمزاده ‌و شێركۆ سیاوه‌شی كه‌ سەرەتای مانگی خه‌رمانان لە لایەن هێزه‌ ئه‌منییه‌كان له‌ سه‌رده‌شت و شیراز ده‌ستبه‌سه‌ر كرابوون، هێشتا هیچ زانیارییه‌ك له‌ به‌رده‌ستدا نییه‌.
به‌پێی زانیارییه‌كانی تۆڕی مافەکانی مرۆڤی كوردستان، شێركۆ سیاوه‌شی ڕۆژی شه‌ممه‌ ١ی خه‌رمانان له‌ ماڵه‌كه‌ی خۆیدا له ‌سه‌رده‌شت لە لایەن هێزه‌ ئه‌منییه‌كانی ڕێكخراوی ئیتلاعاتی سپای پاسداران ده‌ستبه‌سه‌ر و ڕه‌وانه‌ی شوێنێكی نادیار كراوه‌. هه‌روه‌ها تازەمەسیحییەکی دیکەی خەڵکی سەردەشتیش به ‌ناوی مێهدی ئیبراهیمزاده ڕۆژی ٧ی خه‌رمانان له‌ شاری شیراز لە لایەن هێزه‌ ئه‌منییه‌كان ده‌ستبه‌سه‌ر و ڕه‌وانه‌ی شوێنه‌كی نادیار كراوه‌.
له‌ ڕۆژانی ڕابردوودا سه‌ره‌ڕای به‌دواداچوونی بنه‌ماڵه‌ی ئه‌م دوو هاووڵاتییه‌ كورده،‌ هێشتا هێچ زانیارییه‌ك لەسەر چارەنووسیان بەردەست نەکەوتووە.