به‌ پێی زانیارییه‌كانی تۆڕی مافه‌كانی مرۆڤی كوردستان، ڕۆژی یه‌كشه‌ممه‌ ١٨ی جۆزه‌ردان( 2020-6-7)، هێزه‌كانی پاسه‌وانی سنووری كۆماری ئیسلامیی ئێران له‌ ناوچه‌ی سنووریی «کانی دیناران»ی شاری سه‌رده‌شتی سه‌ر به‌ پارێزگای ئازه‌ربایجانی ڕۆژئاوا، كاروانێكی كۆڵبه‌رانیان دایه‌ به‌ر ته‌قه‌ی ڕاسته‌وخۆ و له‌ ئاكامدا چوار كۆڵبه‌ر به‌ناوه‌كانی “هاوبیر ئیبراهیمی، عوسمان ساڵحی، ئیبراهیم ڕه‌سووڵی و ئه‌رسه‌لان عه‌بدوڵڵاهی، بریندار بوون.
به‌پێی ڕاپۆرتی تۆری مافه‌كانی مرۆڤی كوردستان له‌ ڕۆژی ڕابردووه‌وه‌ تاكوو ئێستا له‌ ناوچه‌ی سنووریی سه‌رده‌شت له‌ ئاكامی ته‌قه‌كردنی هێزه‌كانی پاسه‌وانی سنووردا كوڵبه‌رێك كوژراوه‌ و شه‌ش كۆڵبه‌ری دیكه‌ش بریندار بوون