سه‌رله‌به‌یانیی ڕۆژی ٥ی خه‌رمانان هێزه‌كانی پاسه‌وانی سنوور له ناوچه‌ی سنووریی نه‌وسوود له پارێزگای كرماشان، به چه‌كی ساچمه‌زه‌ن ته‌قه‌یان له كاروانێكی كۆڵبه‌ران كردووه و چوار كۆڵبه‌ریان بریندار کردووە.
كۆڵبه‌رێك له ناوچه‌ی نه‌وسوود دوای پشتڕاستكردنه‌وه‌ی ئه‌م هه‌واڵه به تۆڕی مافه‌كانی مرۆڤی كوردستانی ڕاگه‌یاند: «كاتژمێر یه‌كی سه‌رله‌به‌یانیی ڕۆژی چوارشه‌ممه ٥ی خه‌رمانان، هێزه‌كانی پاسه‌وانی سنوور له مه‌ودایه‌كی نزیكه‌وه به چه‌كی ساچمه‌زه‌ن كاروانێكی كۆڵبه‌رانیان دایه به‌ر ته‌قه و به‌هۆی ئه‌و ته‌قه‌لێكردنه‌وە چوار كۆڵبه‌ر به ناوه‌كانی قانێع به‌هرامی، فه‌رزاد له‌تیف، عه‌لی ڕه‌نجبه‌ر و ناجێح كورده بریندار بوون».
ئه‌م كۆڵبه‌ره له درێژه‌ی قسه‌كانیدا وتی: «ژماره‌یه‌ك له كۆڵبه‌ره‌كان کە بریندار ببوون، لە تاریکیی شەو کەڵکیان وەرگرتووە و له ترسی ئه‌وه‌ی ده‌ستبه‌سه‌ر نه‌كرێن له ناوچه‌كه دوور كه‌وتوونه‌ته‌وه، هەر بۆیە ئه‌گه‌ری ئه‌وه هه‌یه كه ژماه‌ی برینداره‌كان زیاتر له‌وه‌ش بێ كه ڕاگه‌یه‌نراوه».
به‌وته‌ی ئه‌م سه‌رچاوه‌یە كۆڵبه‌ره برینداره‌كان خه‌ڵكی گونده‌كانی سه‌ر به سه‌لاسی باوه‌جانی و مه‌ریوانن كه به هۆی بێكارییه‌وه، له ناوچه سنوورییەکانی هه‌وراماندا کاری كۆڵبه‌ری دەکەن.
تۆری مافه‌كانی مرۆڤی كوردستان، ٢ی خه‌رمانانیش هه‌واڵێکی هاوشێوەی بڵاو کردەوە کە هێزه‌كانی پاسه‌وانی سنوور به چه‌كی ساچمه‌زه‌ن تەقەیان له كاروانێكی كۆڵبه‌ران كردووە و به هۆی ئەم تەقەکردنەوە كۆڵبه‌رێك به ناوی بێهروز مورادی بریندار بووه.
نه‌وسوود؛ برینداربوونی چوار كۆڵبه‌ر به ته‌قه‌ی هێزه‌كانی پاسه‌وانی سنوور
ڕاپۆرتی ساڵانەی تۆڕی مافەکانی مرۆڤی کوردستان ـ ١٤٠٣ی هەتاوی
ڕاپپۆرتی ساڵی ١٤٠٣ کۆماری ئیسلامیی ئێران دوای مردنی ئیبراهیم ڕەییسی، سەرکۆماری پێشووی ئێران و لە ئەندامانی «لیژنەی مەرگ» بۆ بەکۆمەڵکوشتنی زیندانیانی سیاسی لە هاوینی...
زیاتر بخوێنەوەبەیاننامەی هاوبەشی ڕێکخراوەکانی مافی مرۆڤی ئازەربایجان و کوردستان: بەرەنگاری شەڕنانەوەکانی کۆماری ئیسلامی لە ورمێ ببینەوە
ڕۆژی ٢٨ی ڕەشەمەی ١٤٠٣ (١٨ی مارسی ٢٠٢٥) ڕێوڕەسمێک بە بۆنەی نەورۆزەوە لە لایەن هاووڵاتیانی کوردی ورمێوە لەم شارەدا بەڕێوە چوو. لەم ڕێوڕەسمەدا دەیان هەزار...
زیاتر بخوێنەوەڕاپۆرتێک لەسەر دوایین دۆخی مێحراب عەبدوڵڵازادە، زیندانیی سیاسیی کوردی سزادراو بە لەسێدارەدان و لە دەستبەسەرکراوانی سەرهەڵدانی ژن، ژیان، ئازادی
دۆسیەی مێحراب عەبدوڵڵازاده، زیندانیی سیاسیی ٢٦ ساڵانی سزادراو بە لەسێدارەدان و لە دەستبەسەرکراوانی سەرهەڵدانی ژن، ژیان، ئازادی، دوای تانەدان لە بڕیارەکەی دادگای یەکەم بۆ...
زیاتر بخوێنەوەهەواڵی پەیوەندیدارە
سینا ڕوستەمپوور، کۆڵبەری خەڵکی بانە، بە دەسڕێژی هێزە سنوورپارێزەکان کوژرا
سینا ڕوستەمپوور، کۆڵبەری لاوی خەڵکی بانە، لە ناوچە سنوورییەکانی ئەم شارە بە دەسڕێژی هێزە سنوورپارێزەکانی ئێران کوژرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، بەرەبەیانی ڕۆژی پێنجشەممە ٣٠ی ڕەشەمەی ١٤٠٣ (٢٠ی مارسی ٢٠٢٥) ئەم کۆڵبەرە لە ناوچەی سنووریی «سوورکێو»ی بانە لە مەودای نزیکەوە و بەبێ ئاگادارکردنەوەی پێشوەخت کەوتە بەر دەسڕێژی هێزە سنوورپارێزەکانی ئێران و گیانی بەخت کرد. سینا ڕوستەمپوور باوکی منداڵێک و خەڵکی بانە...
ئەمین حسەینی، کۆڵبەری خەڵکی سەوڵاوا، بە هەرەسی بەفر لە هەورامان گیانی لە دەست دا
ئەمین حسەینی، کۆڵبەری ٤٧ ساڵانی خەڵکی گوندی «دەرەکێ»ی سەر بە سەوڵاوا، بە هەرەسی بەفر لە ناوچەی سنووریی ژاڵانەی هەورامان گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، لەم ڕووداوەدا کە ڕۆژی یەکشەممە ٢١ی ڕێبەندانی ١٤٠٣ (٩ی فێبرییەی ٢٠٢٥) لە کاتی کۆڵبەری لە «ملەی ژاڵانە» ڕووی دا، ئەم کۆڵبەرە دوابەدوای هەرەسی بەفر، بزر بوو و دوای چەند کاتژمێر گەڕان و هەوڵی...
کۆڵبەری لاو مەسعەب سەبزەواری بە هۆی سەختبوونی برینەکانیەوە گیانی لە دەست دا
مەسعەب سەبزەواری، کۆڵبەری لاوی خەڵکی گوندی «قشڵاق»ی ناوچەی شاهۆی ڕوانسەر، دوای دوو ڕۆژ مانەوە لە نەخۆشخانەی تاڵەقانیی کرماشان، بە هۆی سەختبوونی برینەکانیەوە گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم کۆڵبەرە لاوە بەرەبەیانی ڕۆژی چوارشەممە ٢١ی سەرماوەزی ١٤٠٣ (١١ی دیسامبەری ٢٠٢٤) لە ناوچە سنوورییەکانی نەوسوود لە مەودای نزیکەوە و بەبێ ئاگادارکردنەوەی پێشوەخت کەوتبووە بەر دەسڕێژی هێزە سنوورپارێزەکانی ئێران و...
برینداربوونی مەسعەب سەبزەواری، کۆڵبەری خەڵکی ڕوانسەر، بە دەسڕێژی هێزە سنوورپارێزەکان لە نەوسوود
مەسعەب سەبزەواری، کۆڵبەری خەڵکی گوندی «قشڵاق»ی ناوچەی شاهۆی ڕوانسەر، لە ناوچە سنوورییەکانی نەوسوود کەوتە بەر دەسڕێژی هێزە سنوورپارێزەکان و بە سەختی بریندار بوو. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی چوارشەممە ٢١ی سەرماوەزی ١٤٠٣ (١١ی دیسامبەری ٢٠٢٤) دەستەیەک کۆڵبەر لە ناوچە سنوورییەکانی نەوسوود لە مەودای نزیکەوە و بەبێ ئاگادارکردنەوەی پێشوەخت کەوتنە بەر دەسڕێژی هێزە سنوورپارێزەکانی ئێران و لە ئەنجامی ئەم دەسڕێژەدا مەسعەب...
لە نەوسوود کۆڵبەرێک بە جەڵدەی دڵ گیانی لە دەست دا
محەممەدکەریم ئەزەغ، کۆڵبەری خەڵکی گوندی «بڵبەر»ی سەوڵاوا، لە کاتی کۆڵبەریدا لە ناوچە سنوورییەکانی نەوسوود بە هۆی جەڵدەی دڵەوە گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی شەممە ٣ی سەرماوەزی ١٤٠٣ (٢٣ی نۆڤامبەری ٢٠٢٤) ئەم کۆڵبەرە لە کاتی کۆڵبەریدا لە نزیک گوندی «دزاوەر»ی سەر بە نەوسوود بە هۆی زەخت و گوشاری کۆڵبەرییەوە جەڵدەی دڵی کردووە و گیانی لە دەست داوە. محەممەدکەریم...