تۆڕی مافه‌كانی مرۆڤی کوردستان

ئەمجەد گریاخیز، چالاکی کرێکاریی خەڵکی سنە، لە لایەن لقی یەکەمی دادگای شۆڕشی ئیسلامیی ئەم شارەوە سزای ٦ مانگ بەندکران و ٢ ساڵ بەندکرانی هەڵپەسێردراوی بەسەردا سەپا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، لقی یەکەمی دادگای شۆڕشی ئیسلامیی سنە کۆمەڵەتۆمەتێکی ڕووبەڕووی ئەم چالاکوانە کوردە کردووەتەوە کە یەک لەوانە تۆمەتی «بانگەشەی دژ بە حکومەت»ـە، بەو پێیەش سزای ٦ مانگ بەندکران و ٢ ساڵ بەندکرانی...

هێدی شادیخاە، هاووڵاتیی کوردی خەڵکی شنۆ، لە لایەن لقی ١٠١ی دادگای کەیفەریی دووی ئەم شارەوە سزای ٢٢ مانگ بەندکرانی بەسەردا سەپا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم هاووڵاتییە لە لایەن لقی ١٠١ی دادگای کەیفەریی دووی شنۆوە بە تۆمەتی «هەوڵدان بۆ تێکدانی ئاسایشی نیشتمانی» لە ڕێگای هاوکاریکردنەوە لەگەڵ حیزبی دیمۆکراتی کوردستانی ئێراندا سزای ٢٢ مانگ بەندکرانی بەسەردا سەپاوە و بڕیارەکەی لە ڕۆژانی...

لە ڕۆژانی ڕابردوودا بڕیاری دەرکردنی سومەییە ئەختەرشومار، مامۆستای ٣٧ ساڵانی خەڵکی مەریوان کە پێشینەی ١٧ ساڵ مامۆستایەتیی لە دەزگای پەروەردە و فێرکاریدا هەیە، لە لایەن لقی ٣١ی دیوانی دادی ئیداریی ئێرانەوە وەک خۆی پەسەند کرایەوە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم بڕیارە ڕۆژی ٧ی گوڵانی ١٤٠٤ (٢٧ی ئاوریلی ٢٠٢٥) لە لایەن لقی ٣١ی دیوانی دادی ئیداریی ئێرانەوە دەر کراوە و لەم...

دانیشتنی دادگاییکردنی هەشت چالاکی کرێکاری و مەدەنی بە ناوەکانی سووسەن ڕازانی، سەیدخالید حسەینی، جەمال ئەسەدی، فەرشید عەبدوڵڵاهی، ئێقباڵ شەعبانی، فەردین میرەکی، شەیس ئەمانی و ئارمان سەلیمی ڕۆژی سێشەممە ١٩ی خاکەلێوەی ١٤٠٤ (٨ی ئاوریلی ٢٠٢٥) لە لقی یەکەمی دادگای شۆڕشی ئیسلامیی سنە بەڕێوە چوو. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم چالاکانە بە تۆمەتەکانی «بانگەشەی دژ بە حکومەت» و «تێکدانی ئارامی و ئاسایشی...

بەپێی ڕاگەیاندننامەی جێگری داواکاری گشتیی ورمێ بۆ سێ بەندکراوی سزادراو بە بڕینەوەی ئەندامی جەستە بە ناوەکانی هادی ڕوستەمی، مێهدی شاهیوەند و مێهدی شەرەفیان، لە ئەگەری وەرنەگرتنی ڕەزامەندیی سکاڵاکاران لە ماوەی یەک مانگی داهاتوودا، سزاکەیان دەخرێتە بواری جێبەجێکردنەوە. تۆڕی مافەکانی مرۆڤی کوردستان زانیاریی بە دەست هێناوە کە ڕۆژی پێنجشەممە ٢٣ی ڕەشەمەی ١٤٠٣ (١٣ی مارسی ٢٠٢٥) ئەم سێ بەندکراوە بانگهێشت کراون بۆ نووسینگەی جێبەجێکردنی سزاکانی زیندانی ناوەندیی...