تۆڕی مافه‌كانی مرۆڤی کوردستان

عارف محەممەدی هاووڵاتی کورد دانیشتووی”باوان”سه‌ر به‌ شاری ورمێ لە لایەن دادگای شۆڕشی ئیسلامی ورمێ حوكمی پێنج ساڵ به‌ندكران به‌سه‌ردا سه‌پێندرا.
بە پێی زانیارییه‌کانی تۆڕی مافەکانی مرۆڤی کوردستان ،دانیشتنی دادگای ئەو هاوڵاتییه‌ کوردە لە رێکەوتی ۱۳ی گەلاوێژ/04.08.2019 ئەمساڵ لە لقی دووی دادگای شۆڕشی ئیسلامی ورمێ بەرێوەچوو. نابراو لەم دادگاییەدا بە تاوانی”هەوڵدان دژ بە ئاسایشی نەتەوەیی” لە رێگای هاوکاریکردن له‌گه‌ڵ حیزبی دێموکڕاتی کوردستانی ئێران حوكمی پێنج ساڵ به‌ندكرانی به‌سه‌ردا سه‌پێندرا.
عارف محەممەدی لە رێکەوتی ۱۰ی پووشپەڕی/01.07.2019 ئەمساڵ وێڕای سێ هاووڵاتی تر بە ناوەکانی عابید محەممەدی، سەرهەنگ بابەکری وحەسەن بەراتی لە لایەن هێزە ئەمنییەکانەوە دەسبەسەر کران و دوای سێ حەفتە لێپرسین و لیکۆڵینەوە لە ده‌سبه‌سه‌رگه‌ی ئیدارەی ئیتلاعاتی ورمێ بۆ زیندانی ناوەندی ئەو شارە گواسترانەوە.
ئه‌و سێ هاووڵاتیه‌ دواتر به‌ دانانی بارمته‌ به‌ شێوه‌ كاتی ئازاد كران به‌ڵام عارد محه‌ممه‌دی هه‌تا ئێستا له‌ به‌ندیخانه‌ ماوه‌ته‌ و رۆژی رابردوو هاوکات له‌گه‌ڵ پێڕاگەیاندنی حوكمه‌كه‌ی لە به‌شی-۴ی زیندان گواستراوەته‌وه‌ بۆ بەندی زیندانیانی سیاسی.