به‌پێی زانیارییه‌كانی تۆڕی مافه‌كانی مرۆڤی كوردستان، دوابەدوای گەڕاندنەوەی سالار خەلیل سدێق هەمەدانی لە دەستبەسەرگەی ئیدارەی ئیتلاعاتی ورمێوە بۆ بەندیخانەی ئەم شارە، ڕۆژی ٣٠ گەلاوێژ ئیبراهیم خەلیل سدێق هەمەدانی، باوکی ناوبراو، کۆتایی بە مانگرتنەکەی هێنا.
ئەم زیندانییە سیاسییە لە ڕۆژی یەکشەممە ١٩ی گەلاوێژەوە بە مەبەستی دەربڕینی ناڕەزایەتی لە ئاست مانەوەی منداڵەکەیدا لە دەستبەسەرگەی ئیدارەی ئیتلاعاتی ورمێدا مانی لە خواردن گرتبوو. ئیبراهیم و سالار خەلیل سدێق هەمەدانی لە ١٤ی گەلاوێژدا لە زیندانی ورمێوە گواسترابوونەوە بۆ دەستبەسەرگەی ئیدارەی ئیتلاعات و ئیبراهیم دوای سێ ڕۆژ گەڕێنرایەوە بەندی ڕاوێژکاریی زیندان، بەڵام منداڵەکەی تا ٣٠ گەلاوێژ لەم دەستبەسەرگە ئەمنییەدا لە ژێر لێپرسینەوەدا مابوویەوە.
. ئیبراهیم خەلیل سدێق هەمەدانی نەخۆشیی دیابێتی هەیە و دەبێ هەموو ڕۆژ سێ ژار ئەنسۆلین لە خۆی بدات، بەپێی بۆچوونی پزیشکە پسپۆڕەکان ناوبراو لەبەر کەمبوونی پێداویستییە پزیشکی و تەندروستییەکانی زیندان، توانای زیندانیبوونی نییە.
ئیبراهیم خه‌لیل سدێق هه‌مه‌دانی له‌گه‌ڵ دوو منداڵه‌كه‌یدا به ناوه‌كانی سالار و مریه‌م (مه‌هسا) خه‌لیل سدێق هه‌مه‌دانی، ٤ی ڕه‌شه‌مه‌ی ١٣٩٧ له لایه‌ن هێزه ئه‌منییه‌كانه‌وه له ورمێ ده‌ستبه‌سه‌ر كران، ئه‌م هاووڵاتییانه دوای دوو مانگ لێپرسینه‌وه له ده‌ستبه‌سه‌رگه‌ی ئیداره‌ی ئیتلاعاتی ورمێوه گواسترانەوە بۆ به‌ندیخانه‌ی ناوه‌ندیی ئه‌م شاره. مه‌ریه‌م خه‌لیل سدیق هه‌مه‌دانی ڕۆژی ٥ی گوڵانی ١٣٩٨ به دانانی بارمته‌ی ٢٥٠ میلیۆن تمه‌نی ئازاد كرا.
یەکەمین دانیشتی دادگای ئیبراهیم و سالار خەلیل سدێق هەمەدانی لە حاڵێکدا رۆژی ٢٧ی خەرمانان لە دادگای ئینقلابی ئیسلامیی ورمێ بەڕێوەچوو کە مافی گرتنی پارێزەریان لێ زەوت کرابوو. دواجار بە تۆمەتی ئەندامبوون لە ڕێکخراوی موجاهیدینی خەلقی ئێراندا، هەر کام لەم هاووڵاتییانە مەحکووم کران بە ١٥ ساڵ بەندکران، هەروەها بە تۆمەتی پڕوپاگەندە دژی کۆماری ئیسلامیش حوکمی ساڵێک بەندکرانی دیکەیان بە سەردا سەپا.
ئەم دوو هاووڵاتییە چەند رۆژ دواتر لە لقی ٣ی دادگای ئینقلابی ورمێ بە تۆمەتی گرتنی وێنە و فیلم لە ناوەندە سەربازییەکان، هەر کامیان بە سێ ساڵ بەندکران مەحکوم کران. هەر یەک لەم دوو بەندکراوە سەرجەم ١٩ ساڵ بەندکرانیان بەسەردا سەپاوە کە بەپێی مادەی ١٣٤ی یاسای سزادانی ئێران، ١٥ ساڵ بەندکران بۆ هەرکامیان دەچێتە بواری جێبەجێکردنەوە.
ورمێ؛ کۆتاییهاتنی مانگرتنەکەی ئیبراهیم خەلیل سدیق‌هەمەدانی دوای گەڕاندنەوەی کوڕەکەی بۆ بەندیخانە
ڕاپۆرتی ساڵانەی تۆڕی مافەکانی مرۆڤی کوردستان ـ ١٤٠٣ی هەتاوی
ڕاپپۆرتی ساڵی ١٤٠٣ کۆماری ئیسلامیی ئێران دوای مردنی ئیبراهیم ڕەییسی، سەرکۆماری پێشووی ئێران و لە ئەندامانی «لیژنەی مەرگ» بۆ بەکۆمەڵکوشتنی زیندانیانی سیاسی لە هاوینی...
زیاتر بخوێنەوەبەیاننامەی هاوبەشی ڕێکخراوەکانی مافی مرۆڤی ئازەربایجان و کوردستان: بەرەنگاری شەڕنانەوەکانی کۆماری ئیسلامی لە ورمێ ببینەوە
ڕۆژی ٢٨ی ڕەشەمەی ١٤٠٣ (١٨ی مارسی ٢٠٢٥) ڕێوڕەسمێک بە بۆنەی نەورۆزەوە لە لایەن هاووڵاتیانی کوردی ورمێوە لەم شارەدا بەڕێوە چوو. لەم ڕێوڕەسمەدا دەیان هەزار...
زیاتر بخوێنەوەڕاپۆرتێک لەسەر دوایین دۆخی مێحراب عەبدوڵڵازادە، زیندانیی سیاسیی کوردی سزادراو بە لەسێدارەدان و لە دەستبەسەرکراوانی سەرهەڵدانی ژن، ژیان، ئازادی
دۆسیەی مێحراب عەبدوڵڵازاده، زیندانیی سیاسیی ٢٦ ساڵانی سزادراو بە لەسێدارەدان و لە دەستبەسەرکراوانی سەرهەڵدانی ژن، ژیان، ئازادی، دوای تانەدان لە بڕیارەکەی دادگای یەکەم بۆ...
زیاتر بخوێنەوەهەواڵی پەیوەندیدارە
خۆکوشتنی بەندکراوێک لە کرماشان بە هۆکاری ڕاگرتنی ڕەوتی پێدانی مۆڵەتی پشووی کاتییەوە
بەندکراوێکی خەڵکی کووهدەشتی لوڕستان بە ناوی حامید گەراوەند لە بەرچەکردارێکی ناڕەزاییانەدا دژ بە ڕاگرتنی ڕەوتی پێدانی مۆڵەتی پشووی کاتی، لە زیندانی قەیماسی مایدەشتی کرماشان لە هەوڵێکی خۆکوشتندا لە ڕێگای هەڵدانی حەبەوە گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی یەکشەممە ٧ی گوڵانی ١٤٠٤ (٢٧ی ئاوریلی ٢٠٢٥) ئەم بەندکراوە دوای ئەوەی بە مەبەستی وەرگرتنی دووبارەی مۆڵەتی پشووی کاتی لەگەڵ دادیارێکی...
گواستنەوەی هیوا بەهین، زیندانیی سیاسیی کورد، لە زیندانی بۆکانەوە بۆ زیندانی ورمێ
هیوا بەهین، زیندانیی سیاسیی کورد کە سزای ٦ مانگ بەندکرانی لە زیندانی بۆکاندا تێدەپەڕاند، لەم ڕۆژانەی دواییدا دوور لە هەرجۆرە هۆکار و ڕێکارێکی یاسایی و بەبێ ئاگادارکردنەوەی پێشوەخت، ڕەوانەی زیندانی ناوەندیی ورمێ کراوە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم دوورخستنەوەیە نزیکەی ١٠ ڕۆژ لەمەوپێش ڕووی داوە و ئەم زیندانییە سیاسییە لە پێوەندییەکی کورتی تەلەفۆنیدا بە بنەماڵەکەی ڕاگەیاندووە کە گوازراوەتەوە بۆ زیندانی...
پەروین ئەدوایی، چالاکی مەدەنیی کورد، بە بارمتە لە زیندانی سنە ئازاد کرا
لە ڕۆژانی ڕابردوودا پەروین ئەدوایی، چالاکی مەدەنی و زیندانیی سیاسیی پێشووی خەڵکی مەریوان، بە دانانی بارمتە و بە شێوەی کاتی لە بەندی ژنانی کانوونی ئیسڵاح و تەربیەتی سنە (چاکسازیی ژنان) ئازاد کرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم چالاکە مەدەنییە ڕۆژی ١ی ڕێبەندانی ١٤٠٣ (٢٠ی ژانڤییەی ٢٠٢٥) دوای بانگهێشتکرانی تەلەفۆنی بۆ بنکەی هەواڵگریی ئیدارەی ئیتلاعاتی مەریوان دەستبەسەر کرا و گوازرایەوە بۆ...
نامەی زەینەب جەلالیان: بە هەموو ئازار و تاسەکانەوە، حەڤدە ساڵ تێ پەڕی
زه‌ینه‌ب جه‌لالیان، لەدایکبووی ساڵی ١٣٦١ی هه‌تاوی (١٩٨٣) له گۆندی سنووریی «دێم قشڵاق»ی سه‌ر به شاری ماكۆ، کۆنترین و تاکەژنی زیندانیی سیاسییە لە ئێراندا کە سزای بەندکرانی هەتاهەتایی بەسەردا سەپاوە. زەینەب لە ٧ی ڕەشەمەی ١٣٨٦ـەوە (٢٥ی فێبرییەی ٢٠٠٨) لە زینداندایە و نەک تەنها تا ئێستا لە مافی پشووی کاتی بێبەش کراوە، بەڵکوو زۆربەی ئەم ساڵانە تەنانەت مۆڵەتی دیداری بنەماڵەیشی پێ نەدراوە. هەروەها سەرەڕای تووشبوون بە...
حەوتەم ڕۆژی مانگرتنی زیندانیی سیاسیی کورد کیانووش چراغی لە زیندانی ئیلامدا
کیانووش چراغی، زیندانیی سیاسیی کوردی خەڵکی دێلوڕانی ئیلام، لە پەرچەکردارێکی ناڕەزاییانەدا دژ بە هەڵوەشاندنەوەی بڕیاری ئازادبوون بە پێبەندی ئەلێکترۆنییەوە و لێدان و ئەشکەنجەکردن لە کاتی گواستنەوەیدا بۆ زیندانی ناوەندیی ئیلام، دەستی داوەتە مانگرتنی وشک لە خواردن و ڕۆژی پێنجشەممە ٢ی ڕەشەمەی ١٤٠٣ (٢٠ی فێبرییەی ٢٠٢٥) لە پێنجەم ڕۆژی مانگرتنەکەیدا لێوەکانیشی دووریوەتەوە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، کیانووش چراغی ماوەیەک لەمەوپێش و...