تۆڕی مافه‌كانی مرۆڤی کوردستان

هیوا بەهین، زیندانیی سیاسیی کورد کە سزای ٦ مانگ بەندکرانی لە زیندانی بۆکاندا تێدەپەڕاند، لەم ڕۆژانەی دواییدا دوور لە هەرجۆرە هۆکار و ڕێکارێکی یاسایی و بەبێ ئاگادارکردنەوەی پێشوەخت، ڕەوانەی زیندانی ناوەندیی ورمێ کراوە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم دوورخستنەوەیە نزیکەی ١٠ ڕۆژ لەمەوپێش ڕووی داوە و ئەم زیندانییە سیاسییە لە پێوەندییەکی کورتی تەلەفۆنیدا بە بنەماڵەکەی ڕاگەیاندووە کە گوازراوەتەوە بۆ زیندانی...

لە ڕۆژانی ڕابردوودا پەروین ئەدوایی، چالاکی مەدەنی و زیندانیی سیاسیی پێشووی خەڵکی مەریوان، بە دانانی بارمتە و بە شێوەی کاتی لە بەندی ژنانی کانوونی ئیسڵاح و تەربیەتی سنە (چاکسازیی ژنان) ئازاد کرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم چالاکە مەدەنییە ڕۆژی ١ی ڕێبەندانی ١٤٠٣ (٢٠ی ژانڤییەی ٢٠٢٥) دوای بانگهێشتکرانی تەلەفۆنی بۆ بنکەی هەواڵگریی ئیدارەی ئیتلاعاتی مەریوان دەستبەسەر کرا و گوازرایەوە بۆ...

زه‌ینه‌ب جه‌لالیان، لەدایکبووی ساڵی ١٣٦١ی هه‌تاوی (١٩٨٣) له‌ گۆندی سنووریی «دێم قشڵاق»ی سه‌ر به‌ شاری ماكۆ، کۆنترین و تاکەژنی زیندانیی سیاسییە لە ئێراندا کە سزای بەندکرانی هەتاهەتایی بەسەردا سەپاوە. زەینەب لە ٧ی ڕەشەمەی ١٣٨٦ـەوە (٢٥ی فێبرییەی ٢٠٠٨) لە زینداندایە و نەک تەنها تا ئێستا لە مافی پشووی کاتی بێبەش کراوە، بەڵکوو زۆربەی ئەم ساڵانە تەنانەت مۆڵەتی دیداری بنەماڵەیشی پێ نەدراوە. هەروەها سەرەڕای تووشبوون بە...

ئەنوەر چالشی (چالیشی)، زیندانیی سیاسیی کوردی خەڵکی ورمێ کە ماوەیەک لەمەوپێش لە زیندانی ناوەندیی ئەم شارە ئازاد کرابوو، بە هۆی وەرنەگرتنی خزمەتگوزاریی پزیشکی و پەرەسەندنی شێرپەنجەی ڕیخۆڵەوە لە قۆناغی بەندبووندا، ڕۆژی چوارشەممە ١ی ڕەشەمەی ١٤٠٣ (١٩ی فێبرییەی ٢٠٢٥) لە نەخۆشخانە گیانی لە دەست دا. هاوزیندانییەکی پێشووی ئەم زیندانییە سیاسییە لە وتووێژ لەگەڵ تۆڕی مافەکانی مرۆڤی کوردستاندا ڕایگەیاند کە ئەنوەر چالشی لە چەند ساڵی ڕابردوودا بە...

زیندانیی سیاسیی کورد سوعدا خەدیرزادە کە لەگەڵ منداڵە ساواکەیدا سۆلینا ئیسماعیلی ٤٠ مانگە لە بەندی ژنانی زیندانی ناوەندیی ورمێدا بەند کراون، مۆڵەتی پشووی کاتیی وەرگرت. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی سێشەممە ٢٣ی ڕێبەندانی ١٤٠٣ (١١ی فێبرییەی ٢٠٢٥) ئەم زیندانییە سیاسییە لەگەڵ منداڵە ساواکەیدا بە بارمتەی ٢ میلیارد و ٥٠٠ میلیۆن تمەن بۆ یەکەم جار مۆڵەتی پشووی کاتیی وەرگرت و بۆ...