چوار زیندانیی سیاسیی کورد هاوکات لەگەڵ مانگرتنی گشتیی خەڵکی کوردستاندا مان لە خواردن دەگرن

زەینەب جەلالیان، وریشە مورادی، سەکینە پەروانە و موتەلیب ئەحمەدیان، زیندانیانی سیاسیی کورد کە لە زیندانەکانی ئێڤین و یەزد بەند کراون، ڕایانگەیاند کە ڕۆژی چوارشەممە ٢٥ی خەرمانانی ١٤٠٥ (١٦ی سێپتامبەری ٢٠٢٦) وەک پاڵپشتی لە بانگەوازی مانگرتنی گشتی لە کوردستاندا، مان لە خواردن دەگرن.

بەپێی زانیارییەکانی تۆڕی مافەکانی مرۆڤی کوردستان، ئەم چوار زیندانییە سیاسییە لە پەیامێکدا ڕایانگەیاندووە، بە لەبەرچاوگرتنی ئەوەی کە مانگرتن بە «مەدەنیترین شێوازی دەربڕینی ناڕەزایەتی» دەزانن، ڕۆژی ٢٥ی خەرمانان مان لە خواردن دەگرن و پەیوەستی مانگرتنی گشتیی کوردستان دەبن.

لەسەر داوای هاوپەیمانیی هێزە سیاسییەکانی کوردستانی ئێران، ڕۆژی چوارشەممە ٢٥ی خەرمانانی ١٤٠٥ (١٦ی سێپتامبەری ٢٠٢٦) بە بۆنەی چوارەم ساڵیادی کوشتنی حکومەتیی ژینا ئەمینی و سەرهەڵدانی «ژن، ژیان، ئازادی»یەوە مانگرتنی گشتی لە کوردستاندا بەڕێوە دەچێت.