بانگهێشتکردن و ئەشکەنجەکردنی بنەماڵەی چالاکانی سیاسیی دانیشتووی ئەوروپا لە لایەن دەزگای ئیتلاعاتی سپای پاسدارانەوە
سەرچاوە: تۆڕی مافەکانی مرۆڤی کوردستان — https://kurdistanhumanrights.org/ku/news-ku/torture-ku/2022/02/18/p23252
لە چەند مانگی ڕابردوودا دەزگای ئیتلاعاتی سپای پاسداران لە شارەکانی سەڵماس و ورمێ بنەماڵەی هەندێ لە چالاکانی سیاسیی کوردی دانیشتووی ئەورووپایان بە تەلەفۆن بانگهێشت کردووە و لەسەر چالاکییە سیاسییەکانی منداڵەکانیان لە دەرەوەی وڵات هۆشدارییان پێ داون. لێپرسەوەکانی ئەم دەزگا سەربازی-ئەمنییە هەڕەشەی دەستبەسەرکردن و دۆسیەسازییان لە بنەماڵەکانی ئەم چالاکە سیاسییانە کردووە.
بەپێی ئەو ڕاپۆرتانەی بە دەست تۆڕی مافەکانی مرۆڤی کوردستان گەیشتووە، لە درێژەی ئەم گوشارانەدا، لە چەند ڕۆژی ڕابردوودا مەحکووم ئیسماعیلی شەیدان، هاووڵاتیی خەڵکی گوندی «دێرک»ی سەڵماس، بە تەلەفۆن بانگهێشت کراوە بۆ سپای سەڵماس و لەسەر بەشداریکردنی منداڵەکەی، عیمران ئیسماعیلی شەیدان، لە گردبوونەوەی ناڕەزاییانەی بەردەم سەفارەتخانەی کۆماری ئیسلامیی ئێران لە برۆکسێل خستوویانەتە ژێر لێپرسینەوە.
یەک لە لێپرسەوەکان کە بە ناوی محەممەدی باسی لێوە کراوە، لە کاتی لێپرسینەوەکاندا سووکایەتیی بەم هاووڵاتییە بەساڵاچووە کردووە و داویەتە بەر لێدان و ئەشکەنجە و وتوویەتی ئەگەر منداڵەکەت لە ئەورووپا درێژە بە چالاکییەکانی لە ئەورووپا بکات، دەستبەسەر و دۆسیەسازیت بۆ ئەکەن.
بابەتی پەیوەندیدار
-
مانگرتنی زیندانییەک لە ئیلام بە مەبەستی دەربڕینی ناڕەزایی لە ئاست ئەشکەنجەدران لە لایەن هێزەکانی زیندانەوە
-
لە ئیلام زیندانیی سیاسیی کورد خەدیجە مێهدیپوور کەوتە بەر پەلامار و لێدانی زیندانییە ئاساییەکان
-
سزای ٧٠ قامچی بۆ بهندكراوێكی سیاسیی كورد له بۆكان جێبهجێ كرا
-
دیاریکردنی بارمتەی ٨ میلیارد تمەنی بۆ ئازادکردنی کاتیی زیندانییەکی سیاسیی کورد لە مەهاباد
-
ڕێکخراوی لێبوردنی نێونەتەوەیی: حەوت زیندانیی ئەشکەنجەکراوی کورد لەژێر مەترسیی ئێعدامدان
-
پەرەسەندنی نیگەرانییەکان لە ئاست دۆخی تەندروستیی محەممەد هووشەنگی لە سێزدەهەمین ڕۆژی مانگرتنەکەیدا لە زیندانی ورمێ