تۆڕی مافەکانی مرۆڤی کوردستان لە ڕاپۆرتی مانگانەی خۆیدا ئاوڕ لە حاڵەتەکانی پێشێلکردنی مافەکانی مرۆڤ لە کوردستان و پێشێلکردنی مافی هاووڵاتیانی کورد لە ناوچە و شارەکانی ئێران لە یەک مانگی ڕابردوودا دەداتەوە. ئەم ڕاپۆرتە لەسەر بنەمای هەواڵ و ڕاپۆرتە بڵاوکراوەکانی تۆڕی مافەکانی مرۆڤی کوردستان و هەروەها لێکۆڵینەوە و پشتڕاستکردنەوەی ڕاپۆرت و هەواڵی ڕێکخراوە و ماڵپەڕە چالاکەکانی تر لەم بوارەدا ئامادە کراوە.

بە هۆی قەدەغەبوونی چالاکیی ڕێکخراوە سەربەخۆکانی مافی مرۆڤەوە لە ئێراندا و گوشاری سەر بنەماڵەی قوربانیانی پێشێلکردنی مافەکانی مرۆڤ، ئامادەکردنی ڕاپۆرتی بەڵگەدار و ورد سەبارەت بە هەموو حاڵەتەکانی پێشێلکردنی مافەکانی مرۆڤ ڕووبەڕووی گرفتی فراوان دەبێتەوە. هەر بۆیە ئامار و زانیارییەکانی ناو ئەم ڕاپۆرتە سەرجەم حاڵەتەکانی پێشێلکردنی مافەکانی مرۆڤ ناگرێتەوە.

بەپێی ئامارە تۆمارکۆکراوەکانی تۆڕی مافەکانی مرۆڤی کوردستان، لە گەڵاڕێزانی ١٤٠٤دا (ئۆکتۆبەر و نۆڤامبەری ٢٠٢٥)، کۆڵبەرێک کوژراوە و دوو کۆڵبەریش بریندار بوون؛ لانیکەم ٩ بەندکراوی کورد لە سێدارە دراون؛ ١٠ کەس سزایان بەسەردا سەپاوە و سزای لەسێدارەدانی ٥ زیندانیی سیاسییش هەڵوەشاوەتەوە؛ لانیکەم ٣٥ کەس بە تۆمەتی سیاسی دەستبەسەر کراون و سێ هاووڵاتی بە دەستی هێزە چەکدارەکانی ئێران کوژراون.

·      کۆڵبەران

کۆڵبەرێک بە ناوی ئیبراهیم پیرانزاد لە ناوچە سنوورییەکانی بانە بە دەسڕێژی هێزە سنوورپارێزەکانی ئێران کوژرا. هەروەها کۆڵبەرێکی تریش لە ناوچە سنوورییەکانی نەوسوود بە تەقینەوەی مین ئەندامێکی جەستەی لە دەست دا. هەر لەم ناوچە سنوورییەدا کۆڵبەرێکی دیکە بە دەسڕێژی هێزە سنوورپارێزەکانی ئێران بریندار بوو.

·      لەسێدارەدان

سزای لەسێدارەدانی لانیکەم ٩ بەندکراوی کورد کە پێشتر بە تۆمەتی «مادەی هۆشبەر» و «کوشتنی بەئەنقەست» بۆیان دەرچووبوو، لە زیندانەکانی ئەسفەراین، یەزد، کرماشان و ورمێ جێبەجێ کرا.

ژمارەناوخەڵکیتۆمەتبەرواری لەسێدارەدانشوێنی لەسێدارەدانڕوونکردنەوە
1عەلی ساعیدپەنائەسفەراین، پارێزگای خوراسانی باکوورکوشتنی بەئەنقەست٤ی گەڵاڕێزانی ١٤٠٤زیندانی ئەسفەراین
2وەحید ئارمانکرماشان، پارێزگای کرماشانمادەی هۆشبەر١٤ی گەڵاڕێزانی ١٤٠٤زیندانی ناوەندیی یەزد٣٤ ساڵان، ساڵێک لەمەوپێش دەستبەسەر کرابوو
3عەلی کەریمیکرماشان، پارێزگای کرماشانکوشتنی بەئەنقەست١٤ی گەڵاڕێزانی ١٤٠٤زیندانی ناوەندیی کرماشان٣٤ ساڵان، خێزاندار، ٥ ساڵ لەمەوپێش دەستبەسەر کرابوو
4شەمسەدین عەباسیی کایورمێ، پارێزگای ئازەربایجانی ڕۆژئاوامادەی هۆشبەر١٦ی گەڵاڕێزانی ١٤٠٤زیندانی ناوەندیی ورمێ
5هاوڕێ جیهانئاراسەردەشت، پارێزگای ئازەربایجانی ڕۆژئاوامادەی هۆشبەر١٦ی گەڵاڕێزانی ١٤٠٤زیندانی ناوەندیی ورمێ
6ڕەزا مەولاییورمێ، پارێزگای ئازەربایجانی ڕۆژئاوامادەی هۆشبەر١٨ی گەڵاڕێزانی ١٤٠٤زیندانی ناوەندیی ورمێ٤٨ ساڵان
7محەممەدڕەزا بەدەویورمێ، پارێزگای ئازەربایجانی ڕۆژئاوامادەی هۆشبەر١٨ی گەڵاڕێزانی ١٤٠٤زیندانی ناوەندیی ورمێ٤٧ ساڵان
8زابتەدین (عادڵ) جەنگنجووسەڵماس، پارێزگای ئازەربایجانی ڕۆژئاوامادەی هۆشبەر٢٣ی گەڵاڕێزانی ١٤٠٤زیندانی ناوەندیی ورمێ
9پەیمان عەزیزیسەلاسی باوەجانی، پارێزگای کرماشانکوشتنی بەئەنقەست٢٨ی گەڵاڕێزانی ١٤٠٤زیندانی ناوەندیی کرماشان

·      سزاکان

لانیکەم ١٠ هاووڵاتی، زیندانیی سیاسیی پێشوو و چالاکوانی فەرهەنگیی کورد لە لایەن دادگاکانی شۆڕشی ئیسلامی، تاوان (کەیفەری) و دیوانی دادی ئیدارییەوە لە شارەکانی بۆکان، مەهاباد، میاندواو، ورمێ، سەقز، سنە و دێولان بە تۆمەتی سیاسی سزای وەک لەسێدارەدان، بەندکران، دابڕان لە خزمەت، دوورخستنەوە، خانەنشینکردنی زۆرەملێ بە دابەزاندنی پلەی پیشەیی، دەرکردنی هەمیشەیی لە کار و بێبەشکردنی هەمیشەیی لە خزمەتگوزاریی دەوڵەتییان بەسەردا سەپا.

سزای لەسێدارەدانی پێنج دەستبەسەرکراوی سەرهەڵدانی «ژن، ژیان، ئازادی» لە بۆکان بە ناوەکانی عەلی (سۆران) قاسمی، پژمان سوڵتانی، کاوە ساڵحی، ڕزگار بەیگزادەی بابامیری و تەیفوور سەلیمیی بابامیری لە لایەن دیوانی باڵای ئێرانەوە هەڵوەشایەوە و دۆسیەکەیان بە مەبەستی لێکۆڵینەوەی دووبارە ڕادەستی دادگای شۆڕشی ئیسلامیی مەهاباد کرا.

ژمارەناوخەڵکیبواری چالاکیتۆمەتسزابەرواری دەرکردندادگای بڕیاردەرڕوونکردنەوە
1عەلی (سۆران) قاسمیبۆکان، پارێزگای ئازەربایجانی ڕۆژئاوانادیارهەڵوەشانەوەی سزاسەرەتای گەڵاڕێزانی ١٤٠٤لقی ٣٩ی دیوانی باڵای ئێران.
2پژمان سوڵتانیبۆکان، پارێزگای ئازەربایجانی ڕۆژئاوانادیارهەڵوەشانەوەی سزاسەرەتای گەڵاڕێزانی ١٤٠٤لقی ٣٩ی دیوانی باڵای ئێران.
3کاوه ساڵحیبۆکان، پارێزگای ئازەربایجانی ڕۆژئاوانادیارهەڵوەشانەوەی سزاسەرەتای گەڵاڕێزانی ١٤٠٤لقی ٣٩ی دیوانی باڵای ئێران.
4ڕزگار بەیگزادەی بابامیریبۆکان، پارێزگای ئازەربایجانی ڕۆژئاوانادیارهەڵوەشانەوەی سزاسەرەتای گەڵاڕێزانی ١٤٠٤لقی ٣٩ی دیوانی باڵای ئێران.
5تەیفوور سەلیمیی بابامیریبۆکان، پارێزگای ئازەربایجانی ڕۆژئاوانادیارهەڵوەشانەوەی سزاسەرەتای گەڵاڕێزانی ١٤٠٤لقی ٣٩ی دیوانی باڵای ئێران.
6کاوەیس عەبدوڵڵازادهمەهاباد، پارێزگای ئازەربایجانی ڕۆژئاوانادیاربەغی لە ڕێگەی چالاکیی چەکدارییەوە دژ بە حکومەتلەسێدارەدان٣ی گەڵاڕێزانی ١٤٠٤لقی یەکەمی دادگای شۆڕشی ئیسلامیی مەهاباد.
7همن مام قادریبۆکان، پارێزگای ئازەربایجانی ڕۆژئاوانادیاربەغی پێش دەستگەیشتن بە چەک ١٠ ساڵ و ڕۆژێک بەندکران٣ی گەڵاڕێزانی ١٤٠٤لقی یەکەمی دادگای شۆڕشی ئیسلامیی مەهاباد.
8هێمن مام قادریبۆکان، پارێزگای ئازەربایجانی ڕۆژئاوانادیاربەغی پێش دەستگەیشتن بە چەک ١٠ ساڵ و ڕۆژێک بەندکران٣ی گەڵاڕێزانی ١٤٠٤لقی یەکەمی دادگای شۆڕشی ئیسلامیی مەهاباد.
9مەنسوور کەربەلاییبۆکان، پارێزگای ئازەربایجانی ڕۆژئاوانادیاربەغی پێش دەستگەیشتن بە چەک ١٠ ساڵ و ڕۆژێک بەندکران٣ی گەڵاڕێزانی ١٤٠٤لقی یەکەمی دادگای شۆڕشی ئیسلامیی مەهاباد.
10سالار سەیدڕەحیمیبۆکان، پارێزگای ئازەربایجانی ڕۆژئاوانادیاربەغی پێش دەستگەیشتن بە چەک ١٠ ساڵ و ڕۆژێک بەندکران٣ی گەڵاڕێزانی ١٤٠٤لقی یەکەمی دادگای شۆڕشی ئیسلامیی مەهاباد.
11سالار بایەزیدی ئازەرمیاندواو، پارێزگای ئازەربایجانی ڕۆژئاوانادیاربەغی پێش دەستگەیشتن بە چەک ١٠ ساڵ و ڕۆژێک بەندکران٣ی گەڵاڕێزانی ١٤٠٤لقی یەکەمی دادگای شۆڕشی ئیسلامیی مەهاباد.
12حەسەن مامیل ئازەرمیاندواو، پارێزگای ئازەربایجانی ڕۆژئاوانادیاربەغی پێش دەستگەیشتن بە چەک ١٠ ساڵ و ڕۆژێک بەندکران٣ی گەڵاڕێزانی ١٤٠٤لقی یەکەمی دادگای شۆڕشی ئیسلامیی مەهاباد.
13ناسر بەکرزادهورمێ، پارێزگای ئازەربایجانی ڕۆژئاوازیندانیی سیاسیی پێشووسیخوڕیکردن بۆ ئیسراییلهەڵوەشانەوەی سزای لەسێدارەدان بۆ دووەم جار١٠ی گەڵاڕێزانی ١٤٠٤لقی ٣٩ی دیوانی دادی ئیداریی ئێران.
14شەهرام کەریمیسەقز، پارێزگای کوردستانفەرهەنگی٦ مانگ دابڕاندن لە خزمەت١٣ی گەڵاڕێزانی ١٤٠٤دیوانی دادی ئیداریی ئێران.
15نەسرین کەریمیسنە، پارێزگای کوردستانفەرهەنگیخانەنشینکردنی زۆرەملێ بە کەمکردنەوەی دوو پلەی پیشەیی١٣ی گەڵاڕێزانی ١٤٠٤دیوانی دادی ئیداریی ئێران.
16فەیسەڵ نووریسنە، پارێزگای کوردستانفەرهەنگی٥ ساڵ دوورخستنەوە١٣ی گەڵاڕێزانی ١٤٠٤دیوانی دادی ئیداریی ئێران.
17عیاس نیعمەتیسنە، پارێزگای کوردستانفەرهەنگیدەرکردنی هەمیشەیی لە پەروەردە و فێرکاری١٣ی گەڵاڕێزانی ١٤٠٤دیوانی دادی ئیداریی ئێران.
18مەجید کەریمیسنە، پارێزگای کوردستانفەرهەنگیدەرکردن و دابڕاندنی هەمیشەیی لە خزمەتگوزاریی دەوڵەتی١٣ی گەڵاڕێزانی ١٤٠٤دیوانی دادی ئیداریی ئێران.
19محەممەد ڕەزاییدێولان، پارێزگای کوردستانفەرهەنگیبانگەشەی دژ بە حکومەتساڵێک بەندکرانناوەڕاستی گەڵاڕێزانی ١٤٠٤لقی ١٠٢ی دادگای تاوان (کەیفەری)ی ٢ی دێولان .

·      دەستبەسەرکردنەکان

لانیکەم ٣٥ هاووڵاتیی کورد، لەوانە زیندانیانی سیاسیی پێشوو، چالاکوانانی سیاسی، فەرهەنگی و ژینگەپارێز، لە شارە جیاوازەکانی پارێزگاکانی کوردستان، ئازەربایجانی ڕۆژئاوا و گیلان بە هۆکاری سیاسی لە لایەن دامودەزگا ئەمنی و دادوەرییەکانەوە دەستبەسەر کران.

لە کۆی ئەم هاووڵاتیانە شەش کەس بە مەبەستی جێبەجێکردنی سزای بەندکران ڕەوانەی زیندانەکانی مەهاباد، سنە و نەغەدە کراون. زۆربەی دەستبەسەرکراوانی ئەم مانگە تا ئێستایش هەر دەستبەسەرن و لەسەر چارەنووس و شوێنی ڕاگرتنی هەندێکیان هیچ زانیارییەکی ورد بەردەست نەکەوتووە.

ژمارەناوخەڵکیبواری چالاکیبەرواری دەستبەسەرکردنشوێنی دەستبەسەرکردنڕوونکردنەوە
1سرووش یووسفزادهمەهاباد، پارێزگای ئازەربایجانی ڕۆژئاوانادیار٣ی گەڵاڕێزانی ١٤٠٤مەهاباد، پارێزگای ئازەربایجانی ڕۆژئاوابە مەبەستی جێبەجێکردنی سزای ٦ مانگ بەندکران ڕەوانەی زیندانی مەهاباد کرا
2دانیال دارابخانیکرماشان، پارێزگای کرماشانزیندانیی سیاسیی پێشووسەرەتای گەڵاڕێزانی ١٤٠٤لاهیجان٬ پارێزگای گیلان.
3ئارام وەفاییبۆکان، پارێزگای ئازەربایجانی ڕۆژئاوانادیار٤ی گەڵاڕێزانی ١٤٠٤بۆکان، پارێزگای ئازەربایجانی ڕۆژئاوا.
4هیوا حسەینیسەقز، پارێزگای کوردستاننادیار٤ی گەڵاڕێزانی ١٤٠٤سەقز، پارێزگای کوردستان.
5هادی ئیبراهیمپوورسەقز، پارێزگای کوردستاننادیار٤ی گەڵاڕێزانی ١٤٠٤سەقز، پارێزگای کوردستان.
6فەتاح یووسفپووربۆکان، پارێزگای ئازەربایجانی ڕۆژئاوانادیار٦ی گەڵاڕێزانی ١٤٠٤بۆکان، پارێزگای ئازەربایجانی ڕۆژئاوا.
7کەیوان سەیدئەحمەدیمەهاباد، پارێزگای ئازەربایجانی ڕۆژئاوانادیار٦ی گەڵاڕێزانی ١٤٠٤مەهاباد، پارێزگای ئازەربایجانی ڕۆژئاوا.
8ئەیوب ڕەشیسەردەشت، پارێزگای ئازەربایجانی ڕۆژئاوانادیار٦ی گەڵاڕێزانی ١٤٠٤سەردەشت، پارێزگای ئازەربایجانی ڕۆژئاوا.
9خزر (شەماڵ) ڕەسوول موروەتمەهاباد، پارێزگای ئازەربایجانی ڕۆژئاواسیاسی٧ی گەڵاڕێزانی ١٤٠٤مەهاباد، پارێزگای ئازەربایجانی ڕۆژئاوا.
10ئاکۆ عەزیزیڕەبەت، پارێزگای ئازەربایجانی ڕۆژئاوانادیار٧ی گەڵاڕێزانی ١٤٠٤ڕەبەت، پارێزگای ئازەربایجانی ڕۆژئاوا.
11زیلان کەمانگەرکامێران، پارێزگای کوردستاننادیار٧ی گەڵاڕێزانی ١٤٠٤کامێران، پارێزگای کوردستان.
12سیروان شاولهمەهاباد، پارێزگای ئازەربایجانی ڕۆژئاوانادیار٧ی گەڵاڕێزانی ١٤٠٤مەهاباد، پارێزگای ئازەربایجانی ڕۆژئاوا.
13ڕەوف فەڕوخیپیرانشار، پارێزگای ئازەربایجانی ڕۆژئاوانادیار٨ی گەڵاڕێزانی ١٤٠٤پیرانشار، پارێزگای ئازەربایجانی ڕۆژئاوا.
14ڕەحیم ڕەحمانیپیرانشار، پارێزگای ئازەربایجانی ڕۆژئاوانادیار٨ی گەڵاڕێزانی ١٤٠٤پیرانشار، پارێزگای ئازەربایجانی ڕۆژئاوا.
15وەهاب محەممەدپوورپیرانشار، پارێزگای ئازەربایجانی ڕۆژئاواسیاسی٨ی گەڵاڕێزانی ١٤٠٤پیرانشار، پارێزگای ئازەربایجانی ڕۆژئاوا.
16ئەمجەد ساڵحزادهسەقز، پارێزگای کوردستانزیندانیی سیاسیی پێشوو١٠ی گەڵاڕێزانی ١٤٠٤سەقز، پارێزگای کوردستان.
17ئیدریس مینبەریسنە، پارێزگای کوردستانفەرهەنگی١٣ی گەڵاڕێزانی ١٤٠٤سنە، پارێزگای کوردستانبە مەبەستی جێبەجێکردنی سزای ساڵێک بەندکران ڕەوانەی زیندانی سنە کرا
18فەرشاد سووریورمێ، پارێزگای ئازەربایجانی ڕۆژئاوانادیار١٤ی گەڵاڕێزانی ١٤٠٤ورمێ، پارێزگای ئازەربایجانی ڕۆژئاوا.
19محەممەدعەلی وەیسیسەقز، پارێزگای کوردستانژینگەپارێز١٨ی گەڵاڕێزانی ١٤٠٤سەقز، پارێزگای کوردستان.
20سیروان خوداکەرەمیسەقز، پارێزگای کوردستانژینگەپارێز١٨ی گەڵاڕێزانی ١٤٠٤سەقز، پارێزگای کوردستان.
21لوقمان ساڵحیزادهسەوڵاوا، پارێزگای کوردستاننادیار١٨ی گەڵاڕێزانی ١٤٠٤سەوڵاوا، پارێزگای کوردستان.
22عەلی حسەینیسەوڵاوا، پارێزگای کوردستاننادیار١٨ی گەڵاڕێزانی ١٤٠٤سەوڵاوا، پارێزگای کوردستان.
23ڕامین محەممەدیکامێران، پارێزگای کوردستاننادیار١٩ی گەڵاڕێزانی ١٤٠٤کامێران، پارێزگای کوردستان.
24محەممەد دەشتیکامێران، پارێزگای کوردستاننادیار١٩ی گەڵاڕێزانی ١٤٠٤کامێران، پارێزگای کوردستان.
25ئەحەد خزرنژادپیرانشار، پارێزگای ئازەربایجانی ڕۆژئاوانادیار١٩ی گەڵاڕێزانی ١٤٠٤پیرانشار، پارێزگای ئازەربایجانی ڕۆژئاوابە مەبەستی جێبەجێکردنی سزای ٣ ساڵ بەندکران ڕەوانەی زیندانی نەغەدە کرا
26ئومێد خزرنژادپیرانشار، پارێزگای ئازەربایجانی ڕۆژئاوانادیار١٩ی گەڵاڕێزانی ١٤٠٤پیرانشار، پارێزگای ئازەربایجانی ڕۆژئاوابە مەبەستی جێبەجێکردنی سزای ٣ ساڵ بەندکران ڕەوانەی زیندانی نەغەدە کرا
27شوانه خزرنژادپیرانشار، پارێزگای ئازەربایجانی ڕۆژئاوانادیار١٩ی گەڵاڕێزانی ١٤٠٤پیرانشار، پارێزگای ئازەربایجانی ڕۆژئاوابە مەبەستی جێبەجێکردنی سزای ٣ ساڵ بەندکران ڕەوانەی زیندانی نەغەدە کرا
28کاوه عەبدیدیواندەرە، پارێزگای کوردستاننادیار٢٠ی گەڵاڕێزانی ١٤٠٤دیواندەرە، پارێزگای کوردستانگوازرایەوە بۆ دەستبەسەرگەی ئیدارەی ئیتلاعاتی سنە
٢٩زانیار مورادیدیواندەرە، پارێزگای کوردستاننادیار٢٠ی گەڵاڕێزانی ١٤٠٤دیواندەرە، پارێزگای کوردستانگوازرایەوە بۆ دەستبەسەرگەی ئیدارەی ئیتلاعاتی سنە
٣٠ئازاد سوبحانیدیواندەرە، پارێزگای کوردستاننادیار٢٠ی گەڵاڕێزانی ١٤٠٤دیواندەرە، پارێزگای کوردستانگوازرایەوە بۆ دەستبەسەرگەی ئیدارەی ئیتلاعاتی سنە
٣١یاسر ئەدواییسەوڵاوا، پارێزگای کوردستانزیندانیی سیاسیی پێشوو٢٢ی گەڵاڕێزانی ١٤٠٤سەوڵاوا، پارێزگای کوردستان.
٣٢سەلمان ئەدواییسەوڵاوا، پارێزگای کوردستاننادیار٢٢ی گەڵاڕێزانی ١٤٠٤سەوڵاوا، پارێزگای کوردستان.
٣٣فەرزاد (نەجمەدین) گەللەبانورمێ، پارێزگای ئازەربایجانی ڕۆژئاوانادیار٢٢ی گەڵاڕێزانی ١٤٠٤ورمێ، پارێزگای ئازەربایجانی ڕۆژئاوا.
٣٤هێرش زەندیی ناوگەرانسنە، پارێزگای کوردستانزیندانیی سیاسیی پێشوو٢٤ی گەڵاڕێزانی ١٤٠٤سنە، پارێزگای کوردستانبە مەبەستی جێبەجێکردنی سزای ٦ مانگ بەندکران ڕەوانەی زیندانی سنە کرا
٣٥هێمن خورشیدیبانە، پارێزگای کوردستاننادیار٢٦ی گەڵاڕێزانی ١٤٠٤بانە، پارێزگای کوردستان.

·      ژنکوشتن

لەیلا عەلیڕەمایی، ٤٢ ساڵان و خەڵکی مەریوان، بە دەستی پیاوێکی دراوسێ ماڵی بە دەسڕێژی گوللە کوژرا. دەوترێت هۆکاری ئەم ڕووداوە ڕەتکردنەوەی داوای هاوسەرگیریی بکوژ بووە.

فەرنووش نەمام، ٤٢ ساڵان و خەڵکی مەهاباد، بە دەستی هاوسەرەکەی و بە دەسڕێژی گوللە کوژرا. دەوترێت هۆکاری ئەم ڕووداوە «کێشەی قووڵی خێزانی و داوای جیابوونەوە لە لایەن فەرنووشەوە» بووە. لەم دەسڕێژەدا باوکی ژنەکەیش پێکراوە و گیانی لە دەست داوە.

. زیندانیانی سیاسی

محەممەد خزرنژاد دوای کۆتاییهاتنی مۆڵەتە ١٠ ڕۆژەکەی بۆ پشووی کاتی گەڕایەوە بۆ ناو زیندانی ناوەندیی سنە. ئەم بەندکراوە سیاسییە کە سزای ١٦ ساڵ بەندکرانی بەسەردا سەپاوە، دوای سێ ساڵ مانەوە لە زیندان بۆ یەکەم جار مۆڵەتی پشووی کاتیی پێ درابوو.

خالید بایەزیدی، زیندانیی سیاسیی سزادراو بە پێنج ساڵ بەندکران، تەنها ٩ ڕۆژ دوای گوازرانەوە بۆ زیندانی شنۆ و سەرباری هۆشداریدانی پزیشکی تایبەتمەند لەمەڕ نەگونجاوبوونی هەلومەرجی زیندان بۆ تەندروستیی ئەم زیندانییە سیاسییە، بە هۆی پەرەسەندنی نەخۆشیی دڵەوە کەوتە حاڵەتێکی خراپ و ناجێگیرەوە و ڕەوانەی نەخۆشخانە کرا و چەند ڕۆژێک لە بەشی چاودێرییە تایبەتەکاندا لەژێر چاودێریی پزیشکیدا بوو.

. کوشتنی هاووڵاتیان

خالس پەرویزی، ٣٥ ساڵان و یووسف پەرویزی، ٤٢ ساڵان، خەڵکی گوندی «قینلق»ی سەر بە ناوچەی قەتووری خۆی، ڕۆژی ٢٤ی گەڵاڕێزان (١٥ی نۆڤامبەر) بە دەسڕێژی هێزەکانی سوپای پاسداران لە نزیک گوندی «ئاڵماڵوو» گیانیان لە دەست دا.

میلاد کەرەمی، ٣٩ ساڵان و خەڵکی کامێران، ڕۆژی ٢٥ی گەڵاڕێزان (١٦ی نۆڤامبەر) لە بازگەی پشکنینی دەروازەی شاری تیکابدا کەوتە بەر دەسڕێژی هێزە چەکدارەکانی ئێران و گیانی لە دەست دا. بە گوێرەی ڕاپۆرتەکان، ئەم هاووڵاتییە بەڵگەنامە و مۆڵەتی پێویستی لێخوڕینی پێ نەبووە و ترساوە غەرامە بکرێت، هەر بۆیە گوێی بە فەرمانی وەستان نەداوە و هێزە چەکدارەکانیش بە گومانی «هەڵگرتنی کاڵای قاچاخ» لە مەودای نزیک و لە پشتەسەرەوە دەسڕێژیان لێ کردووە.

. مافی پیشەیی

هۆڵێکی وەرزشی «کیۆکۆشین» لە شاری بۆکان بە بیانووی ڕاهێنانی تێکەڵی ژن و پیاو لە لایەن ئیدارەی چاودێریکردنی شوێنە گشتییەکانی فەرماندەیی هێزەکانی پۆلیسی ئەم شارەوە داخرا.