تۆڕی مافه‌كانی مرۆڤی کوردستان

بەگوێرەی ئەو زانیارییانەی دەست تۆڕی مافەکانی مرۆڤی کوردستان کەوتوون، حەسەن ڕەستگاری مەجد، بەندکراوی سیاسیی کورد لە بەندیخانەی ناوەندیی ورمێدا بەمەبەستی دەربڕینی ناڕەزایی بەرامبەر بە بەتالکردنەوەی ناسنامەکەی لەلایەن دادگای گشتیی ورمێ و هەڕەشەی ناوەندە ئەمنییەکان بۆ سنوورداشکردنەوەی بۆ تورکیا، لە ڕۆژی دووشەممەوە دەستی داوەتە مانگرتن لە خواردن. سەرچاوەیەکی ئاگادار بە تۆڕی مافەکانی مرۆڤی کوردستانی گوت: "ناسنامەی حەسەن ڕەستگاری مەجد پێشتر لەلایەن دادگای گشتیی ورمێووە پوچه‌ڵ کرابووەوە، ناوەندە ئەمنییەکانیش لەم ماوەیەی ڕابردوودا...

دوو بەندکراو بە ناوەکانی وەحید کەربەلایی و عەلی عەمی زادە لە بەندیخانەکانی ورمێ و سەڵماس کۆتاییان بە ژیانی خۆیان هێنا. سەرچاوەیەکی ئاگادار بە تۆڕی مافەکانی مرۆڤی گوت: "رۆژی ٤ی رەزبەر/ 09.26 هاوڵاتییەک بە ناوی وەحید کەربەلایی لە به‌شی ١٠ی بەندیخانەی ناوەندیی ورمێ کۆتایی بە ژیانی خۆی هێنا. ئەو هاووڵاتییە هەفتەی رابردوو بە تۆمەتی ئەوەیکە 10 گەرەم مادەی سڕکەری پێ بووە، دەستبەسەر کرابوو و بۆ ئەم...

سێ بەندکراو کە بە تۆمەتەکانی پەیوەست بە مادە سڕکەرەکان بەندکرابوون، رۆژی ۳ی خەرمانان/ 09.25 لە بەندیخانەی ورمێ ئیعدام کران. بە پێی زانیارییەکانی تۆڕی مافەکانی مرۆڤی کوردستان، لە دوا کاتژمێرەکانی شەوی سێی خەرمانان، حوکمی سێ بەندکراو بە ناوەکانی رەئوف (ئازاد) ئازادیخواه، ئیبراهیم (شەمال) ئەحمەدی پور و سودین (شەهابەدین) محەمەدپور کە بۆ بەندی ۱۵غ بەندیخانەی ناوەندیی ورمێ گواسترابوونەوە، جێبەجێکرا. رەئوف ئازادیخواه و ئیبراهیم ئەحمەدی پور لە نزیک سێ...

بەرەبەیانی رۆژی سێی خەرمانان/ 09.25 سێ بەندکراو کە تۆمەتەکانی پەیوەست بە مادە سڕکەرەکان لێدراوە، بە مەبەستی جێبەجێکردنی سزای ئیعدام بۆ ژوورە تاکەکەسی بەندیخانەی ناوەندیی ورمێ گواسترانەوە. بە پێی زانیارییەکانی تۆڕی مافەکانی مرۆڤی کوردستان، رەئوف ئازادیخواه، شەهابەدین محەمەدپور و ئیبراهیم ئەحمەدی پور لە بەندی ١٥ی ئەم بەندیخانەیەوە بۆ ژوورە تاکەکەسییەکان گواستراوەتەوە. بنەماڵەی ئەم بەندکراوانە بۆ دوا دیدار بۆ بەندیخانە بانگ کراون و بە وتەی بەرپرسانی بەندیخانەکە حوکمی...

دوو هاووڵاتی تورک بە ناوەکانی ئیبراهیم خەلیل هەمەدانی و سالار خەلیل هەمەدانی (باوک و کوڕ) بە تۆمەتی ئەندام بووون لە رێكخراوی موجاهدینی خەڵق و پڕوپاگەندە دژی کۆماری ئیسلامی لەلایەن لقی دووی دادگای شۆڕشەوە هەر کامیان بە ١٦ ساڵ بەندکران مەحکوم کران. سەرچاوەیەکی ئاگادار بە تۆڕی مافەکانی مرۆڤی کوردستانی گوت،ئەم بڕیارە رۆژی دووی رەزبەر/ 09.24 بە رەسمی بەم دوو هاووڵاتییە لە بەندی "رەوان دەرمانی"ی بەندیخانەی ناوەندیی...

محەمەد نەزەری، بەندکراوی سیاسیی کە لە مانگی جۆزەردانی ساڵی ١٣٧٣ی هەتاوییەوە/  1994.05 بە تۆمەتی هاوکاریکردنی حزبی دیموکراتی کوردستانی ئێران (حدکا) لە بەندیخانە دایە، بە بڵاوکردنەوەی نامەیەکی کراوە باسی فشاری ناوەندە ئەمنییەکان بۆ سەر بنەماڵەکەی دەکات. ئەو بەندکراوە سیاسییە لە نامەکەدا نووسیویەتی کە دایکی بەهۆی بەدوواداچوون بۆ کاروباری ئازادکرن و داوای لێخۆشبوونییەوە، لەلایەن ناوەندە ئەمنییەکانەوە زەخت کراوەتە سەریی و هەر لەبەر ئەو زەختانەش جەڵتە لێیداوە و...

بەرەبەیانی رۆژی رابردوو بەندکراوێک  لە بەندی ٣ـ٤ بەندیخانەی ناوەندیی ورمێ بە هۆی راوەستانی دڵییەوە، گیانی لەدەستدا. بە پێی زانیارییەکانی تۆڕی مافەکانی مرۆڤی کوردستان، داریوش کەنگەرلو ٦٥ ساڵ و خەڵکی ورمێ لە نزیک دوو ساڵ و نیو لەمەوبەرەوە ماوەی ١٠ ساڵ بەندکرانی بۆ دەرچوو بوو. لە کاتێکدا ئەم زیندانییە گیانی لەدەستداوە کە پزیشکی یاسایی شاری ورمێ رایگەیاندبوو کە ئەو توانایی ئەوەی نییە لە بەندیخانەدا بێت، چونکە نەخۆشی دڵی بووە و پێشتریش...

حاتەم ئۆزدەمیر، هاوڵاتیی کوردی خەڵکی باکوری کوردستان، ڕۆژی ڕابردوو بە مەبەستی لێکۆڵینەوە لە بەندیخانەی ناوەندیی ورمێوە گواسترایەوە بۆ دەستبەسەرگەی ئیدارەی ئیتلاعاتی ئەو شارە. بە پێی زانیارییەکانی تۆڕی مافەکانی مرۆڤی کوردستان، ئەو هاوڵاتییە کوردە کۆتاییەکانی مانگی گەلاوێژ و پاش دوو مانگ لێکۆڵینەوە لە دەستبەسەرگەی ئیتلاعاتی سپای پاسدارانەوە بۆ بەندیخانەی ناوەندیی ورمێ گواسترابووەوە. هه‌ر بەگوێرەی ئەوە زانیارییانه‌، گواستنەوەی ئەو هاوڵاتییەی خەڵکی باکوری کوردستان لەسەر فەرمانی داواکاری گشتیی ورمێ...

کەمال حەسەن رەمەزان بەندکراوی سیاسیی کورد کە سزای ئیعدامی بەسەردا سەپاوە لە بەندیخانەی ناوەندی ورمێوە بۆ شوێنێکی نادیار گواسترایەوە. تۆڕی مافەکانی مرۆڤی کوردستان زانیویەتی، هێزە ئەمنییەکان کاتژمێر ١١ی ئەمڕۆ چوونەتە ناو بەندیخانەی ورمێ و کەمال حەسەن رەمەزانیان بۆ شوێنێکی نادیار گواستۆتەوە. دەگوترێت گواستنەوەی ئەم بەندکراوە سیاسییە پاش ئەوە دێت کە رۆژی رابردوو بەندکراوانی بەندی سیاسی و مەزهەبی دەستیان دابوویە ناڕەزایەتی و مانگرتن. رۆژی رابردوو پشکنین و لەناوبردنی...