تۆڕی مافه‌كانی مرۆڤی کوردستان

مورتەزا ئیسماعیلیان، هادی ڕوستەمی، مێهدی شاهیوەند و مێهدی شەرەفیان، چوار بەندکراوی سزادراو بە بڕینەوەی ئەندامی جەستە، لە زیندانەکانی ورمێ و تەورێز لە بەردەم مەترسیی جیدیی جێبەجێکردنی ئەو سزایەدان. لە سەرەتای جۆزەردانی ئەمساڵدا (کۆتایی مەیی ٢٠٢٥) مورتەزا ئیسماعیلیان بە مەبەستی جێبەجێکردنی سزاکە لە زیندانی ناوەندیی ورمێوە ڕەوانەی زیندانی تەورێز کرا. هەروەها ڕۆژی یەکشەممە ١٨ی جۆزەردانی ١٤٠٤ (٨ی ژوەنی ٢٠٢٥) هادی ڕوستەمی، مێهدی شاهیوەند و مێهدی شەرەفیان...

مورتەزا ئیسماعیلیان، بەندکراوی سزادراو بە بڕینەوەی ئەندامی جەستە، لە ڕۆژانی ڕابردوودا لە زیندانی ناوەندیی ورمێوە ڕەوانەی شوێنێکی نادیار کراوە. بەردەوامبوونی ئەم دۆخە نادیارە بووەتە هۆی پەرەسەندنی نیگەرانییەکان لە ئاست مەترسیی جێبەجێکردنی سزاکەدا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم بەندکراوە کوردەی خەڵکی ورمێ لە ڕۆژانی ڕابردوودا بە بیانووی گواستنەوە بۆ زیندانی ناوەندیی تەورێز لە زیندانی ناوەندیی ورمێ براوەتە دەرەوە، بەڵام دوای تێپەڕینی...

جێگری داواکاری گشتیی ورمێ سێ بەندکراوی سزادراو بە بڕینەوەی ئەندامی جەستە، هادی ڕوستەمی، مێهدی شاهیوەند و مێهدی شەرەفیانی بۆ نووسینگەی جێبەجێکردنی سزاکانی زیندانی ناوەندیی ورمێ بانگهێشت کردووە و پێی ڕاگەیاندوون کە پاش کۆتاییهاتنی دوایین مۆڵەتی یەک مانگە بۆ وەرگرتنی ڕەزامەندیی سکاڵاکارەکان، لە ڕۆژانی داهاتوودا و بە مەبەستی جێبەجێکردنی سزاکان، ڕێکارە یاساییەکان بۆ گواستنەوەی ئامێری «گیۆتین» بۆ ناو زیندان دەگیرێتە بەر. پێش لەمە و دوابەدوای بڵاوکردنەوەی...

بەپێی ڕاگەیاندننامەی جێگری داواکاری گشتیی ورمێ بۆ سێ بەندکراوی سزادراو بە بڕینەوەی ئەندامی جەستە بە ناوەکانی هادی ڕوستەمی، مێهدی شاهیوەند و مێهدی شەرەفیان، لە ئەگەری وەرنەگرتنی ڕەزامەندیی سکاڵاکاران لە ماوەی یەک مانگی داهاتوودا، سزاکەیان دەخرێتە بواری جێبەجێکردنەوە. تۆڕی مافەکانی مرۆڤی کوردستان زانیاریی بە دەست هێناوە کە ڕۆژی پێنجشەممە ٢٣ی ڕەشەمەی ١٤٠٣ (١٣ی مارسی ٢٠٢٥) ئەم سێ بەندکراوە بانگهێشت کراون بۆ نووسینگەی جێبەجێکردنی سزاکانی زیندانی ناوەندیی...

هادی ڕوستەمی، مێهدی شەرەفیان و مێهدی شاهیوەند، سێ بەندکراوی سزادراو بە بڕینەوەی ئەندامی جەستە کە لە خەرمانانی ١٣٩٦ـەوە (سێپتامبەری ٢٠١٦) لە زیندانی ناوەندیی ورمێدان، لە نامەیەکی سەرئاوەڵادا بۆ دامەزراوەکانی مافی مرۆڤ لەسەر مەترسیی خێرای جێبەجێکردنی سزاکەی خۆیان هۆشدارییان داوە. ئەم بەندکراوانە لە نامەکەیاندا ئاماژەیان بە جێبەجێکردنی سزای بڕینەوەی ئەندامی جەستەی دوو برای بەندکراو، شەهاب تەیمووری و مێهرداد تەیمووری، داوە و وتوویانە کە سەرۆکی لقی ٨ی جێبەجێکردنی سزاکانی...

شەهاب و مێهرداد تەیمووری، دوو برای بەندکراو کە ڕۆژی سێشەممە ٨ی گەڵاڕێزانی ١٤٠٣ (٢٩ی ئۆکتۆبەری ٢٠٢٤) سزای بڕینەوەی چوار پەنجەی دەستی ڕاستیان لە زیندانی ناوەندیی ورمێ جێبەجێ کرا، دوای چەند کاتژمێر مانەوە لە نەخۆشخانە گەڕێنرانەوە بۆ بەشی وەرگرتنی زیندان. هاوکات پێنج بەندکراوی تر، هادی ڕوستەمی، مێهدی شەرەفیان، مێهدی شاهیوەند، کەسرا کەرەمی و مورتەزا ئیسماعیلیان، لە بەردەم مەترسیی جێبەجێکردنی هەمان سزادان. سەرچاوەیەکی ئاگادار بە تۆڕی مافەکانی مرۆڤی کوردستانی وت: «ڕۆژی سێشەممە...

شەهاب و مێهرداد تەیمووری، دوو برای بەندکراوی سزادراو بە بڕینەوەی پەنجەکانی دەست، بە هۆکاری نادیار لە زیندانی شابادی کرماشانەوە گوازراونەتەوە بۆ ژووری تاکەکەسیی زیندانی ناوەندیی ورمێ. دەوترێت دوای ئەوەی تیمێکی سەر بە پزیشکیی دادی ورمێ پشکنینی پزیشکیی بۆ ئەم دوو برا بەندکراوە کردووە، نیگەرانییەکان لە بەرانبەر ئەگەری جێبەجێکردنی سزاکە و بڕینەوەی چوار پەنجەی دەستی ڕاستیاندا پەرەی سەندووە. بەپێی ئەو زانیاریانەی بە تۆڕی مافەکانی مرۆڤی کوردستان...

ناسر عەتەباتی، سەرۆکی گشتیی فەرمانگەی داد (دادگوستەری)ی ئازەربایجانی ڕۆژئاوا و مەجیدی، داواکاری گشتیی ورمێ، لەم ڕۆژانەی دواییدا لە کاتی بەسەرکردنەوەی زیندانی ناوەندیی ورمێ و لە دیداری چوار بەندکراوی سزادراو بە بڕینەوەی پەنجەکانی دەستدا، هادی ڕوستەمی، مێهدی شەرەفیان، کەسرا کەرەمی و مورتەزا ئیسماعیلیان، هەڕەشەی جێبەجێکردنی سزاکەیان لێ کردوون. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، لەم دیدارەدا کە لەسەر داوای خودی ئەو زیندانیانە ئەنجام...

هادی ڕوستەمی، زیندانیی مەحکووم بە بڕینەوەی ئەندامی جەستە، ڕۆژی شەممە ٢٥ی سەرماوەز (١٦ی دیسامبەر) لە زیندانی ناوەندیی ورمێوە گوازراوەتەوە بۆ زیندانی تارانی گەورە (فەشافوویە). ئەم زیندانییە وەک ناڕەزایەتییەک لە بەرانبەر ئەم گواستنەوەیەدا لە ڕۆژی ڕابردووەوە لە قەرەنتینەی ئەو زیندانەدا مانی لە خواردن گرتووە. تۆڕی مافەکانی مرۆڤی کوردستان زانیاریی بە دەست هێناوە کە هادی ڕوستەمی دوانیوەڕۆی ڕۆژی هەینی ٢٤ی سەرماوەز (١٥ی دیسامبەر) بانگ کراوە بۆ بەردەم...