تۆڕی مافه‌كانی مرۆڤی کوردستان

ئەمین حسەینی، کۆڵبەری ٤٧ ساڵانی خەڵکی گوندی «دەرەکێ»ی سەر بە سەوڵاوا، بە هەرەسی بەفر لە ناوچەی سنووریی ژاڵانەی هەورامان گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، لەم ڕووداوەدا کە ڕۆژی یەکشەممە ٢١ی ڕێبەندانی ١٤٠٣ (٩ی فێبرییەی ٢٠٢٥) لە کاتی کۆڵبەری لە «ملەی ژاڵانە» ڕووی دا، ئەم کۆڵبەرە دوابەدوای هەرەسی بەفر، بزر بوو و دوای چەند کاتژمێر گەڕان و هەوڵی...

سزای لەسێدارەدانی سەیوان یەعقووبی، هاووڵاتیی خەڵکی سەوڵاوا کە پێشتر بە تۆمەتی «کوشتنی بەئەنقەست» سزای قەساسی نەفس (لەسێدارەدان)ی بۆ دەر چووبوو، لە زیندانی ناوەندیی سنە جێبەجێ کرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم بەندکراوە ڕۆژی چوارشەممە ٢٦ی بەفرانباری ١٤٠٣ (١٥ی ژانڤییەی ٢٠٢٥) بە مەبەستی جێبەجێکردنی سزاکە ڕەوانەی ژووری تاکەکەسیی زیندانی ناوەندیی سنە کرابوو و بەرەبەیانی ڕۆژی پێنجشەممە ٢٧ی بەفرانبار (١٦ی ژانڤییە) هەر...

محەممەدکەریم ئەزەغ، کۆڵبەری خەڵکی گوندی «بڵبەر»ی سەوڵاوا، لە کاتی کۆڵبەریدا لە ناوچە سنوورییەکانی نەوسوود بە هۆی جەڵدەی دڵەوە گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی شەممە ٣ی سەرماوەزی ١٤٠٣ (٢٣ی نۆڤامبەری ٢٠٢٤) ئەم کۆڵبەرە لە کاتی کۆڵبەریدا لە نزیک گوندی «دزاوەر»ی سەر بە نەوسوود بە هۆی زەخت و گوشاری کۆڵبەرییەوە جەڵدەی دڵی کردووە و گیانی لە دەست داوە. محەممەدکەریم...

دوای تێپەڕینی ١٠ ڕۆژ لە دەستبەسەرکردنی چوار هاووڵاتیی خەڵکی گوندی «دێوەزناو»ی سەوڵاوا، تا ئێستا هیچ زانیارییەک لەسەر چارەنووسی سینا ئەسەدی حەکیم، حەمید ساڵحینژاد، محەممەد کەریمی و جەعفەر ئەردەڵان بەردەست نەکەوتووە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم چوار هاووڵاتییە دوای دەستبەسەرکران گوزاراونەتەوە بۆ دەستبەسەرگەی ئیدارەی ئیتلاعاتی سنە و تا ئێستا لە مافی دیدار و پێوەندیگرتن لەگەڵ بنەماڵە و وەرگرتنی پارێزەر بێبەشن. بەرەبەیانی ڕۆژی...

هێزەکانی وەزارەتی ئیتلاعاتی کۆماری ئیسلامیی ئێران هێرشیان کردووەتە سەر گوندی «دێوەزناو»ی سەوڵاوا و بە شێوەیەکی توندوتیژ چوار هاووڵاتیی کوردیان بە ناوەکانی سینا ئەسەدی حەکیم، حەمید ساڵحینژاد، محەممەد کەریمی و جەعفەر ئەردەڵان دەستبەسەر کردووە کە یەکیان منداڵە. هاووڵاتییەکی دانیشتووی ئەم گوندە لە وتووێژ لەگەڵ تۆڕی مافەکانی مرۆڤی کوردستاندا وتی: «بەرەبەیانی ڕۆژی سێشەممە ١٥ی گەڵاڕێزانی ١٤٠٣ (٥ی نۆڤامبەری ٢٠٢٤) بە دەیان ئەندامی هێزەکانی سەر بە وەزارەتی ئیتلاعات...

لە ئەنجامی تێکهەڵچوونێکی چەکداری لە نێوان هێزەکانی سوپای پاسدارانی شۆڕشی ئیسلامیی ئێران و هێزەکانی یەکێک لە حیزبە ئۆپۆزیسیۆنە کوردەکاندا، لانیکەم ئەندامێکی سوپای پاسداران کوژرا و سێ کەسی دیکەیش بریندار بوون. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی سێشەممە ١ی گەڵاڕێزانی ١٤٠٣ (٢٢ی ئۆکتۆبەری ٢٠٢٤) هێزەکانی سوپای پاسداران لە گوندی «دێوەزناو»ی سەوڵاوا گەمارۆی تیمێک لە ئەندامانی حیزبێکی ئۆپۆزیسیۆنی کوردیان داوە و لە دەوروبەری...

لە درێژەی شەپۆلی نوێی دەستبەسەرکردنی چالاکان و هاووڵاتیانی کورد لە سەروبەندی دووەم ساڵڕۆژی سەرهەڵدانی ژن، ژیان، ئازادیدا، مزەفەر دارایی، هاووڵاتیی خەڵکی دیواندەرە و ڕاشد ئەدوایی، هاووڵاتیی خەڵکی سەوڵاوا، لە لایەن هێزە ئەمنییەکانەوە دەستبەسەر کران و گوازرانەوە بۆ شوێنی نادیار. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی یەکشەممە ١٨ی خەرمانانی ١٤٠٣ (٨ی سێپتامبەری ٢٠٢٤) هێزە ئەمنییەکان هەڵیانکوتاوەتە سەر ماڵی مزەفەر دارایی لە شاری...

نازم سەفەری، کۆڵبەری لاوی خەڵکی سەوڵاوا، لە ئەنجامی دەسڕێژی هێزە سنوورپارێزەکاندا لە ناوچە سنوورییەکانی نەوسوودی پارێزگای کرماشان گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی شەممە ٦ی گولاوێژی (٢٧ی جولای) لە نزیک گوندی «دزاوەر»ی سەر بە نەوسوود، دەستەیەک کۆڵبەر لە مەودای نزیکەوە و بەبێ ئاگادارکردنەوەی پێشوەخت کەوتنە بەر دەسڕێژی هێزە سنوورپارێزەکانی ئێران و لە ئەنجامی ئەم دەسڕێژەدا کۆڵبەرێکی لاو...

ڕۆژی پێنجشەممە ٣٠ی خاکەلێوە (١٨ی ئاوریل) هێزە ئەمنییەکان هێرشیان کردووەتە سەر گوندی «دێوەزناو»ی سەر بە شاری سەوڵاوا و سێ هاووڵاتیی خەڵکی ئەم گوندەیان بە ناوەکانی ئومید شەهداد، عومەر حسەینی و عەلی حسەینی دەستبەسەر کردووە و گواستوونیانەتەوە بۆ شوێنێکی نادیار. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، هێزە ئەمنییەکان هەڵیانکوتاوەتە سەر ماڵەکانی ئومید شەهداد، عومەر حسەینی و عەلی حسەینی لە گوندی «دێوەزناو»دا و ئەم...