تۆڕی مافه‌كانی مرۆڤی کوردستان

برینداربوونی کۆڵبەرێک بە تەقەی هێزەکانی پاسەوانی سنوور لە نەوسوود

بەپێی ئەو زانیارییانەی بە دەستی تۆڕی مافەکانی مرۆڤی کوردستان گەیشتووە، ڕۆژی ڕابردوو ٢٣ی جۆزەردان(١٣ی ژوئەن) هێزەکانی پاسەوانی سنوور لە ناوچە سنوورییەکانی نەوسوودی پارێزگای کرماشان تەقەیان لە دەستەیەک کۆڵبەر کردووە و لە ئەنجامدا کۆڵبەرێک بە ناوی وەلی ڕوستەمی بریندار بووە. ئەم کۆڵبەرە کە بە چەکی ساچمەزەنی ئەو هێزانەی بریندار بووە، بۆ دەرمانکردن ڕەوانەی ناوەندێکی پزیشکیی پاوە کراوە. وەلی ڕوستەمی خەڵکی گوندی پشتکوڕی شاری سەلاسی باوەجانیی پارێزگای کرماشانە.

زیاتر