تۆڕی مافه‌كانی مرۆڤی کوردستان

ئێوارەی یەکشەممە ١٦ی بەفرانباری ١٤٠٣ (٥ی ژانڤییەی ٢٠٢٥) محەممەد عەزیزی، هاووڵاتیی ٣٥ ساڵانی خەڵکی قەسری شیرینی کرماشان، لە تێرمیناڵی سنووریی «پەروێزخان»ی ئەم شارەدا کەوتە بەر دەسڕێژی هێزە ئینتیزامییەکان و کوژرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، هێزە ئینتیزامییەکان کاتێک کە هەوڵی دەستبەسەرکردنی محەممەد عەزیزییان دەدا لە مەودای نزیکەوە دەسڕێژیان لێ کردووە و لە ئەنجامی ئەم دەسڕێژەدا شان و زگی بە سێ گوللە...

دوای تێپەڕینی حەوت ڕۆژ لە دەستبەسەرکردنی حەوت هاووڵاتیی دەستبەسەرکراوی کوردی خەڵکی سەرپێڵی زەهاوی کرماشان بە ناوەکانی کۆمار ساڵحی، پەیمان ڕەنجبەر، هێمن پاڵانی، خالید کەمەری، ئومید ساڵحی، ئەیمەن سەفایی و عیرفان مورادی، هێشتا هیچ زانیارییەک لەسەر چارەنووسیان بەردەست نەکەوتووە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی ٢٥ی سەرماوەزی ١٤٠٣ (١٥ی دیسامبەری ٢٠٢٤) هێزەکانی دەزگای ئیتلاعاتی سوپای پاسداران بە شێوەی هاوکات هەڵیانکوتاوەتە سەر ماڵەکانی...

مەسعەب سەبزەواری، کۆڵبەری لاوی خەڵکی گوندی «قشڵاق»ی ناوچەی شاهۆی ڕوانسەر، دوای دوو ڕۆژ مانەوە لە نەخۆشخانەی تاڵەقانیی کرماشان، بە هۆی سەختبوونی برینەکانیەوە گیانی لە دەست دا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم کۆڵبەرە لاوە بەرەبەیانی ڕۆژی چوارشەممە ٢١ی سەرماوەزی ١٤٠٣ (١١ی دیسامبەری ٢٠٢٤) لە ناوچە سنوورییەکانی نەوسوود لە مەودای نزیکەوە و بەبێ ئاگادارکردنەوەی پێشوەخت کەوتبووە بەر دەسڕێژی هێزە سنوورپارێزەکانی ئێران و...

دوای تێپەڕینی ١٧ ڕۆژ لە دەستبەسەرکردنی یەزدان قەنبەری، هاووڵاتیی یارسانی خەڵکی کرماشان، تا ئێستا هیچ زانیارییەک لەسەر چارەنووسی بەردەست نەکەوتووە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی ٢٨ی ڕەزبەری ١٤٠٣ (١٩ی ئۆکتۆبەری ٢٠٢٤) هێزەکانی وەزارەتی ئیتلاعات هێرشیان کردووەتە سەر ماڵی ئەم هاووڵاتییە لە گەڕەکی کەڕناچیی کرماشان و بەبێ مۆڵەتی یاسایی دەستبەسەریان کردووە. سەرەڕای بەدواداچوون و سەردانکردنی بنەماڵەکەی بۆ دامودەزگا ئەمنی و دادوەرییەکان، تا...

ڕۆژی شەممە ١٤ی ڕەزبەر (٥ی ئۆکتۆبەر) ئەمیرحسەین حەقجوویان، کوڕەخاڵ و هاوڕێی نزیکی ڕەزا ڕەسایی، هاووڵاتیی کوردی یارسان و لە دەستبەسەرکراوانی سەرهەڵدانی ژن، ژیان، ئازادی کە گەلاوێژی ئەمساڵ (ئاگۆستی ٢٠٢٤) بە تۆمەتی «بەشداریکردن لە کوشتن»ی کاربەدەستێکی ئەمنی لە سێدارە درا، دوای ١٢ ڕۆژ دەستبەسەربوون بە دانانی بارمتە و بە شێوەی کاتی لە زیندانی ناوەندیی کرماشان ئازاد کرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە،...

سەرلەبەیانیی ڕۆژی دووشەممە ٢ی ڕەزبەری ١٤٠٣ (٢٣ی سێپتامبەری ٢٠٢٤) ئەمیرحسەین حەقجوویان، کوڕەخاڵ و هاوڕێی نزیکی ڕەزا ڕەسایی، هاووڵاتیی کوردی یارسان و لە دەستبەسەرکراوانی سەرهەڵدانی ژن، ژیان، ئازادی کە گەلاوێژی ئەمساڵ (ئاگۆستی ٢٠٢٤) بە تۆمەتی «بەشداریکردن لە کوشتن»ی کاربەدەستێکی ئەمنی لە سێدارە درا، لە لایەن هێزەکانی دەزگای ئیتلاعاتی سوپای پاسدارانەوە دەستبەسەر کرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، هێزەکانی دەزگای ئیتلاعاتی سوپای پاسداران...

سزای لەسێدارەدانی سەجاد بەندەگی، بەندکراوی خەڵکی هەرسینی کرماشان کە پێشتر بە تۆمەتی پێوەندەیدار بە «مادە هۆشبەرەکان»ـەوە سزای لەسێدارەدانی بۆ دەرچووبوو، لە زیندانی قزلحەساری کەرەج جێبەجێ کرا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم زیندانییە ڕۆژی سێشەممە ٢٠ی خەرمانانی ١٤٠٣ (١٠ی سێپتامبەری ٢٠٢٤) بە مەبەستی جێبەجێکردنی سزاکە ڕەوانەی ژووری تاکەکەسی کرابوو و بەرەبەیانی ڕۆژی چوارشەممە ٢١ی خەرمانانی ١٤٠٣ (١١ی سێپتامبەری ٢٠٢٤) لە سێدارە...

موحسین ئیسفەندیاری‌تەبار و لوتفوڵڵا پەرویز، چالاکانی مەدەنیی خەڵکی گیەڵانی کرماشان، دوای چەندین حەفتە دەستبەسەربوون بە دانانی بارمتە و بە شێوەی کاتی لە زیندان ئازاد کران. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی یەکشەممە ١٨ی خەرمانانی ١٤٠٣ (٨ی سێپتامبەری ٢٠٢٤) موحسین ئیسفەندیاری‌تەبار بە بارمتەی یەک میلیارد تمەنی و لوتفوڵڵا پەرویز بە بارمتەی دوو میلیارد تمەنی ئازاد کراون. ئەم دوو هاووڵاتییە کوردە ڕۆژی ٨ی...

لە چەند حەفتەی ڕابردوودا لانیکەم ٨ هاووڵاتی و چالاکی مەدەنیی کوردی خەڵکی گیەڵانی کرماشان بە ناوەکانی موحسین ئیسفەندیاری‌تەبار، ئارش ئولفەتی، ماریا خانی، جەهانگیر ئازادی، لوتفوڵڵا پەرویز، حەمیدڕەزا ڕەحیمیان، سەلمان پەرهان و موستەفا ڕوستەمی لە لایەن هێزەکانی دەزگای ئیتلاعاتی سوپای پاسدارانی شۆڕشی ئیسلامییەوە لە شارەکانی تاران، هەمەدان و گیەڵان دەستبەسەر کراون و گوازراونەتەوە بۆ دەستبەسەرگەی ئەم دەزگا سەربازی-ئەمنییە لە شاری کرماشان. سەرچاوەیەکی ئاگادار لەم بابەتە لە...