تۆڕی مافه‌كانی مرۆڤی کوردستان

دوابه‌داوای ده‌ستپێكردنی شه‌پۆلی دووهه‌می ڤایرۆسی كۆرۆنا له ‌شاره ‌جۆرواجۆره‌كانی پارێزگای كوردستان (سنه)‌، ڕاپۆرته‌‌كان باس له ‌بڵاوبوونه‌وه‌ی ئه‌م ڤایرۆسه له‌ بەندیخانەی شاری كامێران دەکەن.به‌پێی ئه‌و ڕاپۆرتانه‌ی به‌ده‌ستمان گه‌یشتووه‌، ڕۆژی ڕابردوو به‌ندكراوێك به‌ناوی "ڕۆسته‌م قوربانی"، دوای ئه‌رێنیبوونی تێستی كۆرۆنا و ناجێگیریی باری ته‌ندروستی، ڕه‌وانه‌ی نه‌خۆشخانه‌ی ئه‌م شاره ‌كراوه‌.ده‌گوترێ به ‌هۆی ڕێژه‌ی زۆری به‌ندكراوان و نه‌بوونی پێداویستییە ته‌ندروستی و پزیشكییەکانەوە، ئه‌م به‌ندیخانه‌یه ‌لە دۆخێکی ‌قه‌یراناویدایە.

رۆژی ٢٣ی رەزبەر/ 10.15 سەرەڕای ئەوەیکە بارمتەی ٥٠٠ میلیۆن تمەنی بۆ حوسێن کەمانگەر چالاکوانی کورد دابین کرابوو تا بە شێوەی کاتی ئازاد بکرێ، بەڵام لە دواساتەکاندا ئیتلاعاتی سنە دەست لە کاروباری دادسەرای گشتی و شۆڕشی کامێران وەردەدات. لە ئەنجامی ئەو دەستێوەردانەدا رێگەنەدرا ئەو چالاکوانە کوردە ئازاد بکرێ. سەرچاوەیەکی ئاگادار بە تۆڕی مافەکانی مرۆڤی کوردستانی گوت: "لە کاتێکدا لێکۆلەری دادسەرای گشتی و شۆڕشی کامێران نامەی ئازادیی...