بهپێی زانیارییهكانی تۆڕی مافهكانی مرۆڤی كوردستان، زهینهب جهلالیان، بهندكراوی سیاسیی كورد، له بهندی قهرهنتینهی بەندیخانەی قهرچهكدا و لە رێكهوتی ٣١ی جۆزهردانەوە دهستی داوەتە مانگرتن، داواكاریی ناوبراو گهڕاندنهوهیە بۆ بهندیخانهی شاری خۆی یان گواستنهوه بۆ بهندیخانهی ئێوین.
ئهم بهندكراوه سیاسییه له ڕێكهوتی ١٠ی مانگی گوڵانی ئهمساڵدا له گرتووخانەی شاری “خۆی”ـەوە گواستراوهتهوه بۆ زیندانی قهرچهك، ئەو ڕایگهیاندبوو ئهگهر له ڕۆژانی داهاتوودا نهیگهڕێننهوه بۆ گرتووخانهی خووی، مان له خواردن دەگرێت. ناوبراو كه لهم دواییانهدا تووشی نهخۆشیی كۆڤید ١٩ بووه، هەروەها داوای پێڕاگهیشتنی پزیشكیی له دهرهوهی زیندان کردووە.
سهرچاوهیهكی ئاگادار له بارودۆخی زهینهب جهلالیان، دوای دهربڕینی پهرۆشی و نیگەرانیی خۆی له ئاست دۆخی تهندروستیی ئهم بهندكراوه سیاسییه و هەروەها نەگونجاوبوونی شوێنی مانەوەی و نەبوونی خزمەتگوزاریی پزیشکیی پێویست و پشتگوێخستنی بهرپرسانی زیندانی قهرچهك، وتی: “نزیكهی مانگێكه زهینهب تووشی نهخۆشیی كۆڤید ١٩ بووه، لهم ماوهیهدا تهنیا یهك جار براوهته نهخۆشخانهی دهرهوهی زیندان و دوای پشكنین و تاقیكردنهوه تایبهتهكان، پزیشكه پسپۆڕهكان ڕایانگهیاندووه كه تووشبوونی ناوبراو به نهخۆشیی كۆڤید ١٩ حهتمییه و به پێی وێنهكانی سیتی ئێسكهن، ڤایرۆسی كۆرۆنا شانهی سییهكانی گرتۆتەوە، پێویستە ناوبراو له شوێنێكی ئارام و دوور لە سترێس بێت و پێداویستیی تهندروستیی گونجاوی بۆ دابین بکرێت، ههروهها پێویستە تا کاتی دەربازکردنی ئەم دۆخە و ڕزگاربوون لە کۆرۆنا، خواردنی سالم و پاک بخوات و له ژێر چاودێریی پزیشكیشدا بمێنێتهوه، ئەگەر پێچهوانهی ئهمه بێت، پێدهچێ كۆئهندامی ههناسهكێشانی تووشی زیانێكی گەورە ببێت”.
تۆڕی مافهكانی مرۆڤی كوردستان ئاگادار بووهتهوه کە هاوكات لهگهڵ دهسپێكردنی مانگرتنهكهی زهینهب جهلالیاندا، “سوههیلا حیجاب و سهكینه پهروانه”یش، دوو بهندكراوی سیاسیی دیکەی كوردی زیندانی قهرچهك، بهردهوامن له مانگرتنهكهیان. سهكینه پهروانه له ٥ی جوزهردانهوه و سوههیلا حیجاب له ١٧ی جۆزهردانەوە دهستیان به مانگرتن کردووە و داوایان کردووە بگوێزرێنەوە بۆ زیندانی ئێوین.
سهكینه پهروانه ڕۆژی ڕابردوو به هۆی لاوازیی جهستهییەوە له ئاكامی مانگرتندا ڕهوانهی نهخۆشخانهی بهندیخانه كراوە.
قهرچهك؛ زهینهب جهلالیان دهستی دایه مانگرتن
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوە