دوو چالاکی مەدەنی کورد بە ناوەکانی بێهزاد کەمانگەر و رەفیق کاکی رۆژی ١٨ی خەرمانان/ 09.09 بە دانانی بارمتەی قورس لە بەندیخانەی کامیاران ئازاد کران.
بەپێی زانیارییەکانی تۆڕی مافەکانی مرۆڤی کوردستان، بێهزاد کەمانگەر بە دانانی بارمتەی ٥٠٠ میلیۆن تمەنی و رەفیق کاکی بە دانانی بارمتەی ٣٠٠ میلیۆن تمەنی لە بەندیخانەی کامیاران ئازاد کران.
ئەم دوو چالاکە مەدەنییەی کورد وێڕای پێنج چالاکی دیکە لە کامیاران بە ناوەکانی بورهان کەمانگەر، سیروان مورادی، ئارمان قۆیتاسی، ئەمجەد سەیفی و موحەمەد خاتری لە رێکەوتی ١٥ی گەلاوێژ/ 08.06 لەلایەن هێزە ئەمنییەکانی ئیدارەی ئیتلاعاتی سنەوە دەستبەسەر کران. بە پێی هەواڵەکان، لە کۆی ئەم کۆمەڵە چالاکە  بورهان کەمانگەر، سیروان مورادی  و محەمەد خاتری (لە ئاوایی شاهینی)  هێشتا دەستبەسەرن و لێپێچینەوەیان لەگەڵدا دەکرێت و ئەوانی دیکە بە دانانی بارمتە ئازاد کراون.