بەپێی ئەو ئامارانەی تۆڕی مافەکانی مرۆڤی کوردستان کۆی کردۆتەوە، لە ڕەزبەری ئەمساڵدا لانیکەم ٢٥ هاووڵاتی، هونەرمەند و چالاکی کورد لە شارەکانی تاران، ئەیوانی ڕۆژئاوا، ئابدانان، ئیلام، مەریوان، کامێران، سنە، شنۆ، بۆکان، پیرانشار و سەردەشت لە پارێزگاکانی تاران، ئیلام، کوردستان و ئازەربایجانی ڕۆژئاوا، لە لایەن هێزە ئەمنییەکان دەستبەسەر کراون. لەمانە ٤ کەسیان بە مەبەستی جێبەجێکردنی حوکمی زیندانیکردن ڕەوانەی بەندیخانە کراون و ٢١ کەسی‌تر لە لایەن هێزەکانی ڕێکخراوی ئیتلاعاتی سپای پاسداران و وەزارەتی ئیتلاعاتەوە دەستبەسەر کراون و گواستراونەتەوە بۆ دەستبەسەرگە نهێنییەکانی ئەم دوو ڕێکخراوە ئەمنییە.
لەم مانگەدا تەنیا یەک کەس بە دانانی بارمتە ئازاد کراوە و ئەوانی دیکە هێشتا هەر دەستبەسەرن و زۆربەشیان هێشتا مۆڵەتی پێوەندیگرتن لەگەڵ بنەماڵەیان پێ نەدراوە.
لە ناوەڕاستی مانگی ڕەزبەردا حوکمی بڕینەوەی پەنجەکانی دەستی دوو برای بەندکراو بە ناوەکانی شەهاب و مێهرداد تەیمووری لە دیوانی باڵای ئێراندا پەسەند کراوە.
هەروەها حوکمی لەسێدارەدانی بەرزان نەسروڵڵازادە، منداڵ-تۆمەتباری بەندکراو و هووشمەند عەلیپوور، زیندانیی سیاسیی کورد، هەڵوەشایەوە و گۆڕدرا بۆ حوکمی زیندانیکردن. دوای هەڵوەشانەوەی حوکمی لەسێدارەدانی ئەم دوو زیندانییە سیاسی و مەزهەبییە، بەرزان نەسروڵڵازادە دوای ١١ ساڵ لە زیندان ئازاد کرا و حوکمی هووشمەند عەلیپووریش گۆڕدراوە بۆ ٣٨ مانگ زیندانیکردن.
ناو و فامیل / شوێنی دەستبەسەربوون / بەروار / بەستێنی چالاکی / تۆمەت / دوایین بارودۆخ
عەبدول پەرتەو/ مەریوان/ ١ی ڕەزبەر/ هاووڵاتی/ نادیار/ نادیار
باپیر بەرزە/ پیرانشار/ ١ی ڕەزبەر/ هاووڵاتی/ هاوکاریکردنی حیزبێکی ئۆپۆزیسیۆنی کورد/ جێبەجێکردنی حوکمی زیندان/ زیندانی نەغەدە
پشتیوان پەرتەو/ مەریوان/ ٣ی ڕەزبەر/ هاووڵاتی/ نادیار/ نادیار
میلاد وەیسی/ سنە/ ٩ی ڕەزبەر/ هاووڵاتی/ نادیار/ نادیار
ڕوستەم ئیبراهیمی/ کامێران/ ناوەڕاستی ڕەزبەر/ هاووڵاتی/ نادیار/ ئازادبوون بە دانانی بارمتە
کەیهان شیرینی/ سنە/ ناوەڕاستی ڕەزبەر/ هاووڵاتی/ هاوکاریکردنی حیزبێکی ئۆپۆزیسیۆنی کورد/ نادیار
فەرهاد تاری‌مورادی/ سنە/ ١٠ی ڕەزبەر/ چالاکی مەدەنی/ چالاکیی دژی ئاسایشی نەتەوەیی/ گواستنەوە بۆ زیندانی سنە بە مەبەستی جێبەجێکردنی حوکمی زیندان و لێدانی قامچی
بەهرام قاسمی/ سنە/ ناوەڕاستی ڕەزبەر/ هاووڵاتی/ هاوکاریکردنی حیزبێکی ئۆپۆزیسیۆنی کورد/ نادیار
مامۆستا ڕەسوول حەمزەپوور/ پیرانشار/ ١٣ی ڕەزبەر/ چالاکی ئایینی/ نادیار/ نادیار
ئەمین عەلیزادە/ ئابدانان/ ١٣ی ڕەزبەر/ دەروێشی گونابادی/ نادیار/ نادیار
تەقی مورادی/ ئابدانان/ ١٣ی ڕەزبەر/ دەروێشی گونابادی/ نادیار/ نادیار
خەدیجە مەهدیپوور/ ئەیوانی ڕۆژئاوا/ ١٤ی ڕەزبەر/ هاووڵاتی/ نادیار/ نادیار
لوقمان پیرخزرانیان/ تاران/ ١٥ی ڕەزبەر/ هونەرمەند/ نادیار/ بەندی ٢٠٩ی زیندانی ئێڤین
نێدا پیرخزرانیان/ تاران/ ١٥ی ڕەزبەر/ چالاکی مەدەنی/ نادیار/ بەندی ٢٠٩ی زیندانی ئێڤین
ئەندیشە سەدری/ تاران/ ١٥ی ڕەزبەر/ هونەرمەند/ نادیار/ بەندی ٢٠٩ی زیندانی ئێڤین
ئاڤاشین زاگرۆس/ مەریوان/ ٢٠ی ڕەزبەر/ ئەندامی پەژاک/ ئەندامبوون لە پەژاکدا/ گواستنەوە بۆ دەستبەسەرگەی ئەمنی لە سنە
شادمان بەنی‌بەشەر/ سنە/ ٢٠ی ڕەزبەر/ چالاکی مەدەنی/ بانگەشەی دژ بە حکوومەت/ گواستنەوە بۆ زیندانی سنە بە مەبەستی چێبەجێکردنی حوکمی ٦ مانگ زیندان
ئەفشار فەتحی/ سنە ١٩ی ڕەزبەر/ چالاکی مەدەنی/ بانگەشەی دژ بە حکوومەت/ گواستنەوە بۆ زیندانی سنە بە مەبەستی چێبەجێکردنی حوکمی ١ ساڵ زیندان
موحەممەدعەلی خالەنژاد/ سەردەشت/ کۆتایی ڕەزبەر/ هاووڵاتی/ نادیار/ نادیار
حامید دادستان/ مەریوان/ کۆتایی ڕەزبەر/ هاووڵاتی/ نادیار/ نادیار
سۆران دادستان/ مەریوان/ کۆتایی ڕەزبەر/ هاووڵاتی/ نادیار/ نادیار
حەمدی دەبستانی/ مەریوان/ کۆتایی ڕەزبەر/ هاووڵاتی/ نادیار/ نادیار
عوسمان خوداکەرەمی/ بۆکان/ ١٩ی ڕەزبەر/ هاووڵاتی/ نادیار/ نادیار
مەلا جەمشید حەمیدی/ شنۆ/ ٢٤ی ڕەزبەر/ هاووڵاتی/ نادیار/ گواستنەوە بۆ دەستبەسەرگەی ئیدارەی ئیتلاعاتی ورمێ
سومەییە کارگەر/ تاران/ ٢٧ی ڕەزبەر/ هاووڵاتی/ نادیار/ نادیار