به پێی زانیارییه‌كانی تۆڕی مافه‌كانی مرۆڤی كوردستان، سه‌ر له‌به‌یانیی ئه‌مڕۆ دووشه‌ممه ٢٩ی به‌فرانبار(١٨ی ژانویه) سزای ئیعدامی به‌ندكراوێكی تۆمه‌تبار به كوشتنی به ئه‌نقه‌ست به ناوی فاتێح قادری له زیندانی سنه جێبه‌جێ كرا. ناوبراو ڕۆژی پێنج شه‌ممه ٢٥ی به‌فرانبار(١٤ی ژانویه)، بۆ جێبه‌جێ كرانی سزاكه‌ی بۆ ژووری تاكه كه‌سی گواسترابوویه‌وه.
فاتێح قادری. ٤٦ ساڵان و خه‌ڵكی گوندی ده‌ل ی شاری سه‌وڵاوای پارێزگای كوردستانه، كه نزیكه‌ی ٣ساڵ پێش به تۆمه‌تی كوشتنی به ئه‌نقه‌ست ده‌ستبه‌سه‌ر کرا بوو و سزای قه‌ساسی نه‌فس(ئێعدام)ی بەسەردا سەپابوو.
