لە بەردەوامی کوشتنی رۆژانهی کۆڵبەران و کاسبکارانی كورد، تەنیا لە ماوەی سێ حهفتهی ڕابردوو چوار کۆڵبەر و کاسبکاری سهر سنوور بە تەقەی راستەوخۆی پاسەوانانی سنووری ئێران كۆژراون و لانیکەم ۸ كهسی دیكهش بریندار بوونە. کۆڵبەرێکیش بە هۆی کەوتنەخوارهوه لە بەرزاییەکانی سنووری ناوچەی هەورامان بریندار بووە.
بە پێی ئهو ههواڵانهی بە دهستی تۆڕی مافەکانی مرۆڤی کوردستان گهیشتوون، روژی ۸ی گەلاوێژ /30.07.2019، کۆڵبەرێک بە ناوی “عەلی بەهرامی”بە هۆی کەوتنە خوار لە بەرزایەکانی سنووری”تەتە”ی هەورامان بریندار بووە.
هەروەها لە رۆژی ۱۱ی گەلاوێژ/02.08.2019 پاسەوانانی سنووری کۆماری ئیسلامی ئێران گرووپێکی کۆڵبەریان لە ناوچەکانی سنووری ماکۆ كردووهته ئامانجی تەقەی راستەوخۆ کە لە ئاکامدا کۆڵبەرێک بە ناوی “هاشم تەلاوەر” دانیشتووی شاری” بازید”ی باکووری کوردستان کوژرا.دهوترێت كه ئەو کۆڵبەر زۆر بە گرانی بریندار بووە بەڵام پاسەوانی سنووری زۆر بە درەنگەوە بردوویانەتە نەخۆشخانە و بۆیە گیانی لە دەستداوە. تەرمی ئەو کۆڵبەرە دوای حەفتەیەک رادەستی بنەماڵەی کراوە.
رۆژی ۱۳ی گەلاوێژ/04.08.2019 لە ناوچەی سنووری پیرانشار دوو کۆڵبەر بە ناوەکانی”رەشید خەندانی”و”خەلیل قادری”، رۆژی ۱۸ی گەلاوێژ/09.08.2019 لە ناوچەی سنووری “دووپەزە”شارستانی سەردەشت کۆڵبەرێک بە ناوی” یۆنس پیرۆتی” و لە ناوچەکانی سنووری خۆی کۆڵبەرێک بە ناوی” ناجی ئەبووبەکری”، رۆژی ۱۶ی گەلاوێژ /07..8.2019 لە ناوچەکانی سنووری سەردەشت کۆڵبەرێک بە ناوی” شاکر کولانی” و رۆژی ۱۹ی گەلاوێژ /10.08.2019 لە گوندی ” دزاور”لە ناوچەی هەورامان کۆڵبەرێک بە ناوی” مێهدی منفەرد” بە هۆی تەقەی پاسەوانانی سنووری ئێران بریندار بوونه.
هەروەها رۆژی ۱۷ی گەلاوێژ/08.08.2019 لە ناوچەی سنووری ” قامیشلە”ی شاری مەریوان کۆڵبەرێکی ۱۶ساڵان بە ناوی “ئیسماعیل ساوجی نژاد”دانیشتووی گوندی ” ساوجێ” و ۱۹ی گەلاوێژ لە ناوچەی سنووری شاری خۆی کۆڵبەرێک بە ناوی “رەزا ئیبڕاهیمی” بە تەقەی راستەوخۆی پاسەوانانی سنووری ئێران کوژراون.
تۆڕی مافەکانی مرۆڤی کوردستان ههفتهی ڕابردوو بە بڵاو کردنەوەی دوو ڕاپۆرت هەواڵی کوژرانی ” فاخر عبدوڵڵاهی” و بریندار بوونی دوو کۆڵبەری تر بە ناوەکانی” محەممەد چوکەڵی” و “محەممەد حوسێنزادە”دابوو.
کوژرانی ۴ کۆڵبەر و کاسبکاری سهر سنوور و برینداری بوونی ۹ی دیكه لە ماوهی سێ حهفتهی ڕابردوو
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە