تۆڕی مافەکانی مرۆڤی کوردستان لە ڕاپۆرتی مانگانەی خۆیدا ئاوڕ لە حاڵەتەکانی پێشێلکردنی مافەکانی مرۆڤ لە کوردستان و پێشێلکردنی مافی هاووڵاتیانی کورد لە ناوچە و شارەکانی ئێران لە یەک مانگی ڕابردوودا دەداتەوە.
بە هۆی قەدەغەبوونی چالاکیی ڕێکخراوە سەربەخۆکانی مافی مرۆڤەوە لە ئێراندا و گوشاری سەر بنەماڵەی قوربانیانی پێشێلکردنی مافەکانی مرۆڤ، ئامادەکردنی ڕاپۆرتی بەڵگەدار و ورد ڕووبەڕووی گرفتی فراوان دەبێتەوە.
هەر بۆیە ئامار و زانیارییەکانی ناو ئەم ڕاپۆرتە سەرجەم حاڵەتەکانی پێشێلکردنی مافەکانی مرۆڤ ناگرێتەوە. ئەم ڕاپۆرتە لەسەر بنەمای هەواڵ و ڕاپۆرتە بڵاوکراوەکانی تۆڕی مافەکانی مرۆڤی کوردستان و هەروەها لێکۆڵینەوە و پشتڕاستکردنەوەی ڕاپۆرت و هەواڵی ڕێکخراوە و ماڵپەڕە چالاکەکانی تر لەم بوارەدا ئامادە کراوە.
بەپێی ئامارە کۆکراوەکانی تۆڕی مافەکانی مرۆڤی کوردستان، لە ڕەزبەری ١٤٠٢دا (سێپتامبەر و ئۆکتۆبەری ٢٠٢٣)
- کۆڵبەر و کاسبکار
ـ دوو کۆڵبەری کورد بە دەسڕێژی هێزە سنوورپارێزەکانی کۆماری ئیسلامیی ئێران لە ناوچە سنوورییەکانی بانە و مەریوانی پارێزگای کوردستان کوژراون و لانیکەم ١٤ کۆڵبەری دیکە لە ئەنجامی دەسڕێژی ئەم هێزانەدا لە ناوچە سنوورییەکانی پارێزگاکانی ئازەربایجانی ڕۆژئاوا، کوردستان و کرماشان بریندار بوون. کۆڵبەرێکیش بە تەقینەوەی مین لە ڕێگای کۆڵبەریدا لە ناوچەی سنووریی پیرانشاری پارێزگای ئازەربایجانی ڕۆژئاوا بریندار بووە.
ـ کاسبکارێکی کورد لە ئەنجامی ڕاوەدوونای هێزەکانی پۆلیسی ئینتیزامیی کۆماری ئیسلامیی ئێراندا و بە هۆی وەرگەڕانی ئۆتۆمبیلەکەیەوە لە شاری سەقزی پارێزگای کوردستان گیانی لە دەست داوە.
- لەسێدارەدان
ـ لانیکەم ٩ بەندکراو کە بە تۆمەتی «کوشتنی بەئەنقەست» یان تۆمەتی پێوەندیدار بە «مادە هۆشبەرەکان»ـەوە سزای لەسێدارەدانیان بۆ دەرچووبوو، لە زیندانەکانی خوڕەمئاوا، هەمەدان، ڕەشت و کەرەج لە سێدارە دراون.
* ڕوونکردنەوە: تۆڕی مافەکانی مرۆڤی کوردستان بە هۆی گرنگایەتیی پرەنسیبی «مافی ژیان»ـەوە، لە بڵاوکردنەوە و تۆمارکردنی هەواڵ و ئاماری لەسێدارەدانەکاندا، بەدەر لە گرێدراویی نەتەوەیی لەسێدارەدراوان و شوێنی لەسێدارەدانیان، هەموو ئەو حاڵەتانەی کە لە سەرچاوەی باوەڕپێکراوەوە پێی ڕادەگەیەنرێت، دوای لێکۆڵینەوە و پشتڕاستکردنەوە بڵاو دەکاتەوە.
- ژنکوشتن
ـ سێ ژنی کورد لە شارەکانی سەردەشت و پیرانشاری پارێزگای ئازەربایجانی ڕۆژئاوا لە لایەن پیاوانی بنەماڵەوە کوژراون.
- تەقینەوەی مین
ـ هاووڵاتییەکی خەڵکی بانەی پارێزگای کوردستان به تەقینەوەی مین لە ناوچەی سلێمانیی هەرێمی کوردستان گیانی لە دەست داوە.
- دەستبەسەرکردن
ـ لانیکەم ٤٨ هاووڵاتی و چالاکی کورد لە شارە جیاوازەکانی پارێزگاکانی ئازەربایجانی ڕۆژئاوا، کوردستان، ئیلام و تاران، بە تۆمەتی سیاسی لە لایەن هێزە ئەمنییەکانەوە دەستبەسەر کراون. ئەگەرچی هەندێ لەم دەستبەسەرکراوانە بە دانانی کەفالەت یان بارمتە بە شێوەی کاتی ئازاد کراون، بەڵام ئەوانی دیکە هێشتا لە دەستبەسەرگە یان زینداندان و لەسەر چارەنووسی هەندێکیشیان هیچ زانیارییەک لە بەردەستدا نییە. یەک کەسیش بە مەبەستی جێبەجێکردنی سزای بەندکران دەستبەسەر و ڕەوانەی زیندان کراوە.
- سەپاندنی سزا
ـ لانیکەم ١٢ هاووڵاتی و چالاکی کورد لە لایەن دادگاکانی شۆڕشی ئیسلامی و کەیفەریی شارەکانی سەقز، سنە، مەهاباد، ئیلام، ورمێ، مەشهەد، تاران و کرماشانەوە سزای بەندکران، قامچی و لەسێدارەانیان بەسەردا سەپاوە.
ـ ڕەزا (غوڵامڕەزا) ڕەسایی، هاووڵاتیی کوردی یارسانی خەڵکی شاری سەحنەی پارێزگای کرماشان، لە لایەن لقی ٢ی دادگای کەیفەریی یەکی کرماشانەوە بە تۆمەتی «هاودەستی لە کوشتنی بەئەنقەست»ی نادر بەیرامیدا، سەرۆکی دەزگای ئیتلاعاتی سوپای پاسدارانی شاری سەحنە، «هاودەستی لە ئەنجامدانی بریندارکردنی بەئەنقەستدا بەبێ کوشتن»، «نمایشکردن و خۆنواندن بە چەقۆوە» و «تێکدانی ئارامیی گشتی لە ڕێگای ئاژاوە و مشتومڕەوە» سزای لەسێدارەدان (قەساسی نەفس)، پێدانی دیە، ساڵێک بەندکران و ٧٤ قامچیی بەسەردا سەپاوە.
ئەم هاووڵاتییە دوابەدوای ڕێوڕەسمی بیست و یەکەمین ساڵیادی گیانبەختکردنی سەیدخەلیل عالینژاد، هونەرمەندی ناسراو و لە ڕێبەرانی کۆمەڵگەی یارسان، کە ڕۆژی ٢٧ی گەڵاڕێزانی ١٤٠١ (١٨ی نۆڤامبەری ٢٠٢٢) لە شاری سەحنەی پارێزگای کرماشان بەڕێوە چوو و لەژێر کاریگەریی سەرهەڵدانە سەرانسەرییەکەی دوای کوشتنی حکومەتیی ژینا ئەمینیدا بوو بە گۆڕەپانی خۆپیشاندانی جەماوەری، لە شەهریاری پارێزگای تاران دەستبەسەر کرا.
لەم ڕێوڕەسمەدا هێزە سەربازی-ئەمنییە جێگیرکراوەکان لە وەڵامی دروشمەکانی خەڵکدا بە گازی فرمێسکڕێژ و گوللە هێرشیان کردە سەر بەشداربوان و ژمارەیەکی زۆریان دەستبەسەر کرد. ڕۆژێک دوای ئەو ڕێوڕەسمە، هەواڵنێرییە دەوڵەتییەکانی ئێران ڕایانگەیاند کە نادر بەیرامی، لە کاربەدەستە پلەباڵا ئەمنییەکانی شاری سەحنە، لەو ڕێوڕەسمەدا کوژراوە.
ـ نایب عەسکەری، زیندانیی سیاسیی کورد کە پێشتر بە شێوەی غیابی لە لایەن لقی دووی دادگای شۆڕشی ئیسلامیی ورمێوە بە تۆمەتی «بەغی» لە ڕێگای ئەندامبوونەوە لە پارتی ژیانی ئازادی کوردستاندا (پەژاک) سزای لەسێدارەدانی بەسەردا سەپابوو، دوای پێشکەشکردنی داوای لێکۆڵینەوەی دووبارە و بەڕێوەچوونی چەندین کۆبوونەوەی دادگا بە ئامادەبوونی خۆی، دیسانەوە لە لایەن هەمان دادگاوە سزای لەسێدارەدانی بەسەردا سەپایەوە.
- مانگرتنی بەندکراوان
ـ نایب عەسکەری و عەبدالعەزیر گوڵمحەممەدی، دو زیندانیی سیاسیی کورد، لە زیندانی ورمێ مانیان لە خواردن گرت.
نایب عەسکەری ڕۆژی ٦ی ڕەزبەر (٢٨ی سێپتامبەر) وەک ناڕەزایەتییەک لە ئاست بەردەوامبوونی گوشاری دامودەزگا ئەمنییەکاندا بۆ سەپاندنی دووبارەی حوکمی لەسێدارەدان، مانی لە خواردن گرت. ئەم زیندانییە سیاسییە کە بۆ ماوەی ٣ ڕۆژ لە مانگرتندا بوو، بە دەستووری بەرپرسانی زیندان ڕەوانەی ژووری تاکەکەسی کرا.
ـ عەبدولعەزیز گوڵمحەممەدی ڕۆژی ٢٢ی ڕەزبەر (١٤ی ئۆکتۆبەر) وەک ناڕەزایەتییەک لە ئاست ڕەتکردنەوەی داواکارییەکەیدا بۆ پێدانی مۆڵەتی پشووی کاتی لە لایەن دەزگای ئیتلاعاتی سوپای پاسدارانەوە، مانی لە خواردن گرت و تا کاتی ئامادەکردنی ئەم ڕاپۆرتە درێژەی پێ داوە.
- دۆخی جەستەیی بەندکراوان
ـ ئەرسەلان خودکام، زیندانیی سیاسیی کوردی مەحکووم بە بەندکرانی هەتاهەتایی لە زیندانی ناوەندیی ورمێدا، بە هۆی بێبەشکرانەوە لە خزمەتگوزاریی پزیشکی، مەترسیی نابینابوونی چاوێکی لە ئارادایە.
ئەم زیندانییە سیاسییە کە لە پێنج ساڵ و نیو لەمەوپێشەوە لە زینداندایە، لەم ماوەیەدا و بە هۆی دۆخی دژواری دەستبەسەری، بەندکران، ئەشکەنجەدان و هەروەها بێبەشکردنەوە لە خزمەتگوزاریی پزیشکی، تووشی چەندین نەخۆشیی جەستەیی و دەروونی بووە.
ئەرسەلان خودکام لە ناوەڕاستی ڕەزبەردا (ئۆکتۆبەر) بە هۆی دابەزینی زەختەوە برابووە نەخۆشخانەکەی زیندان، بەڵام لەبەر لێدانی دەرزیی هەڵە، دۆخی تەندروستیی خراپتر بووە و بینایی چاوێکیشی دابەزیوە، بە شێوەیەک کە مەترسیی نابینابوونی لە ئارادایە.
لەسێدارەدان:
ژمارە | ناو و پاشناو | خەڵکی | تۆمەت | بەرواری لەسێدارەدان | شوێنی لەسێدارەدان | ڕوونکردنەوە |
---|---|---|---|---|---|---|
1 | ساسان فەرزیپوور | خوڕەمئاوا | کوشتنی بەئەنقەست | ٣٠ی سێپتامبەر | زیندانی پارسیلۆنی خوڕەمئاوا | لەدایکبووی ١٩٩٢ی شاری خوڕەمئاوا، ساڵی ٢٠١٨ بە تۆمەتی «کوشتنی بەئەنقەست» دەستبەسەر کرا و سزای لەسێدارەدان (قەساسی نەفس)ی بەسەردا سەپا. |
2 | محەممەدباقر بازگیر | خوڕەمئاوا | کوشتنی بەئەنقەست | ٣٠ی سێپتامبەر | زیندانی پارسیلۆنی خوڕەمئاوا | ساڵی ٢٠٢١ بە تۆمەتی کوشتنی مەلایەک دەستبەسەر کرا. |
3 | حسەین بەهرەمەند | ربط سردشت | مادە هۆشبەرەکان | ١١ی ئۆکتۆبەر | زیندانی هەمەدان | |
4 | حسەین محەممەدی | بۆکان | مادە هۆشبەرەکان | ١٢ی ئۆکتۆبەر | زیندانی لاکانی ڕەشت | |
5 | یاسر گوڵزەردیان | کوهدشت | مادە هۆشبەرەکان | ١٧ی ئۆکتۆبەر | زیندانی خوڕەمئاوا | دوای ٦ ساڵ بەندکران لە سێدارە درا |
6 | سەجاد مورادی | مادە هۆشبەرەکان | ١٧ی ئۆکتۆبەر | زیندانی خوڕەمئاوا | ||
7 | فەتحوڵڵا ڕەشنۆ | کووهەدشت | مادە هۆشبەرەکان | ١٩ی ئۆکتۆبەر | زیندانی خوڕەمئاوا | |
8 | وەحید کاکاوەند | کووهەدشت | مادە هۆشبەرەکان | ١٩ی ئۆکتۆبەر | زیندانی خوڕەمئاوا | |
9 | خەسرەو نەقیانی | کووهەدشت | مادە هۆشبەرەکان | ٢٢ی ئۆکتۆبەر | زیندانی ناوەندیی کەرەج | ٣٠ ساڵان، دوای نزیکەی ٥ ساڵ بەندکران لە سێدارە درا |
ژنکوشتن:
ژمارە | ناو و پاشناو | شوێنی ڕووداو | بەرواری ڕوودان | ڕوونکردنەوە |
---|---|---|---|---|
1 | فاتمه محەممەدپەناهی | سەردەشت | ٢٩ی سێپتامبەر | قوربانیی منداڵ هاوسەری کە تەنها ١٧ ساڵی تەمەن بوو و دەیویست لە هاوسەرەکەی جیا ببێتەوە و بە دەستی دوو زڕبرای کوژرا. |
2 | شەهین ئیبراهیمزاده | گوندی گوڵانی سەردەشت | ٥ی ئۆکتۆبەر | ٢١ ساڵان، بە دەستی باوک و مامی خنکێنرا. |
3 | ترووسکه عوبدوڵڵازاده | پیرانشار | ١٤ی ئۆکتۆبەر | ٢١ ساڵان و قوربانیی منداڵ هاوسەری کە بە دەستی باوک و مامی و بە لێدان و ئەشکەنجە و خنکاندن کوژرا. |
دەستبەسەرکردنەکان:
ژمارە | ناو و پاشناو | شوێنی دەستبەسەرکران | بەرواری دەستبەسەرکران | بواری چالاکی | شوێنی ڕاگرتن و دوایین بارودۆخ |
---|---|---|---|---|---|
1 | محەممەد زەندکەریمی | دێولان | کۆتایی سێپتامبەر | هاووڵاتی | نادیار |
2 | سەجاد شەروەندی | ئیلام | کۆتایی سێپتامبەر | هاووڵاتی | نادیار |
3 | نەرگس سلێمانی | قوروه | کۆتایی سێپتامبەر | هاووڵاتی | نادیار |
4 | فریشته فیدایی | قوروه | کۆتایی سێپتامبەر | هاووڵاتی | نادیار |
5 | سینا دلێری | ئیلام | کۆتایی سێپتامبەر | هاووڵاتی | نادیار |
6 | ئەحمەد ئیبراهیمی | ئیلام | کۆتایی سێپتامبەر | هاووڵاتی | نادیار |
7 | کامیار خالقپەنا | سنە | کۆتایی سێپتامبەر | هاووڵاتی | نادیار |
8 | پدرام فەیزی | کامێران | کۆتایی سێپتامبەر | هاووڵاتی | نادیار |
9 | ڕەسوول فیدایی فەر | قوروه | کۆتایی سێپتامبەر | هاووڵاتی | نادیار |
10 | کەیوان کەمانگەرنەسەب | سنە | ٢٥ی سێپتامبەر | چالاکی مەدەنی | نادیار |
11 | شاهۆ عەزیزی | سەقز | ٢٥ی سێپتامبەر | هاووڵاتی | نادیار |
12 | حسەین سەنگەرئابادی | قوروه | ٢٦ی سێپتامبەر | هاووڵاتی | نادیار |
13 | سوڵماز حەسەنزاده | سەقز | ٢٧ی سێپتامبەر | خوشکی محەممەد حەسەنزاده | نادیار |
14 | شەیدا ڕەزایی | سەقز | ٢٧ی سێپتامبەر | هاووڵاتی | نادیار |
15 | شیرین خەیات | سەقز | ٢٧ی سێپتامبەر | هاووڵاتی | نادیار |
16 | سیمین خەیات | سەقز | ٢٧ی سێپتامبەر | هاووڵاتی | نادیار |
17 | مستەفا ڕەوشەنی | بۆکان | ٢٧ی سێپتامبەر | هاووڵاتی | نادیار |
18 | کیانووش چراغی | دێلوڕان | ٢٧ی سێپتامبەر | هاووڵاتی | نادیار |
19 | قەهرەمان لوتفی | بۆکان | ٢٧ی سێپتامبەر | هاووڵاتی | نادیار |
20 | تاهیر ئەمانی | بۆکان | ٢٧ی سێپتامبەر | هاووڵاتی | نادیار |
21 | سەلام مەحموودی | پیرانشار | ٢٧ی سێپتامبەر | هاووڵاتی | نادیار |
22 | سەیدئەسعەد یووسفی | بۆکان | ٢٧ی سێپتامبەر | هاووڵاتی | نادیار |
23 | سەیدبەهائەدین حسەینی | دیواندەره | ٢٧ی سێپتامبەر | هاووڵاتی | نادیار |
24 | ئەرسەلان دیوارگەر | سنە | ٢٨ی سێپتامبەر | هاووڵاتی | ڕۆژی ١٧ی ئۆکتۆبەر بە شێوەی کاتی بە بارمتە ئازاد کرا |
25 | مستەفا دەرئوفتاده | پیرانشار | ٢٨ی سێپتامبەر | هاووڵاتی | نادیار |
26 | باران عەزیمی | سەوڵاوا | ٢٨ی سێپتامبەر | هاووڵاتی | نادیار |
27 | فواد حسەینی | سەوڵاوا | ٢٨ی سێپتامبەر | هاووڵاتی | نادیار |
28 | مەسعوود ئەمیری | تاران | ٢٩ی سێپتامبەر | هاووڵاتی | نادیار |
29 | فەرهاد شیری | دیواندەره | ١ی ئۆکتۆبەر | هاووڵاتی | نادیار |
30 | ئەحمەد تەکلیفی | ئاودانان | ٢ی ئۆکتۆبەر | هاووڵاتی | نادیار |
31 | کەیوان ڕەحیمی | سەقز | ٥ی ئۆکتۆبەر | چالاکی بواری ڕاگەیاندن | نادیار |
32 | میلاد ڕەحیمی | قوروە | ٧ی ئۆکتۆبەر | هاووڵاتی | نادیار |
33 | عەلی بەرادەران | تیکاب | سەرەتای ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
34 | عەلی سەروی | تیکاب | سەرەتای ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
35 | عارف زەمانی | تیکاب | سەرەتای ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
36 | ئەمین قەهرەمانی | تیکاب | سەرەتای ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
37 | مەعرووف سالمی | تیکاب | سەرەتای ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
38 | زاهید مەجنوونی | تیکاب | سەرەتای ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
39 | مێهدی مەجنوونی | تیکاب | سەرەتای ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
40 | ئەیووب ئەحمەدی | سنە | ٨ی ئۆکتۆبەر | هاووڵاتی | گواستنەوە بۆ دەستبەسەرگەی میاندواو |
41 | پوویا خزری | مەهاباد | ١٠ی ئۆکتۆبەر | هاووڵاتی | گواستنەوە بۆ دەستبەسەرگەی ورمێ |
42 | پێشەوا ئیبراهیمپوور | مەهاباد | ١٠ی ئۆکتۆبەر | هاووڵاتی | نادیار |
43 | ناسر سەرگەڕان | سەقز | ١١ی ئۆکتۆبەر | پارێزەر، مامۆستای زانکۆ و چالاکی کەسانی خاوەن پێداویستیی تایبەت | لە لایەن هێزەکانی ئیدارەی ئیتلاعاتەوە دەستبەسەر کراوە و گوازراوەتەوە بۆ سنە |
44 | ئێقباڵ مەجیدی | سنە | ١٤ی ئۆکتۆبەر | هاووڵاتی | نادیار |
45 | ئامیار عەبدوڵڵازاده | قوروه | ١٥ی ئۆکتۆبەر | خوێندەڤان | کاتژمێر ٩ی سەرلەبەیانی بانگهێشت کرا بۆ ئیدارەی پەروەردە و فێرکاری و لەوێ لە لایەن هێزە ئەمنییەکانەوە دەستبەسەر کرا و کەوتە بەر ئەشکەنجە و لێدانیانەوە، لە ئەنجامی ئەشکەنجەکاندا گورچیلەی تووشی خوێنلێچوون بوو و کاتژمێر ١٥ی دوانیوەڕۆ ئازاد کرا. |
46 | مێهدی قەنبەری | قوروه | ١٧ی ئۆکتۆبەر | هاووڵاتی | گواستنەوە بۆ دەستبەسەرگەی ئیدارەی ئیتلاعاتی سنە |
47 | نیما خالیدیان | قوروه | ١٧ی ئۆکتۆبەر | هاووڵاتی | نادیار |
48 | یاسین سەمسام | شنۆ | ٢١ی ئۆکتۆبەر | هاووڵاتی | بە مەبەستی جێبەجێکردنی سزای ٤ ساڵ و ٩ مانگ بەندکران دەستبەسەر و ڕەوانەی زیندان کرا |
سەپاندنی سزا:
ژمارە | ناو و پاشناو | دانیشتووی | تۆمەت | بەرواری دەرکردنی حوکم | لقی دادگا | سزا | ڕوونکردنەوە |
---|---|---|---|---|---|---|---|
1 | کامران ساختمانگەر | سنە | بانگەشەی دژ بە حکومەت لە تۆڕە کۆمەڵایەتییەکان و وتووێژ لەگەڵ تەلەڤیزیۆنەکانی دەرەوەدا | کۆتایی سێپتامبەر | لقی یەکەمی دادگای شۆڕشی ئیسلامیی سنە | مانگێک بەندکران و غەرامەی پارە | |
2 | مەجید خادمی | کوردی دانیشتووی بێهبەهان | کۆتایی سێپتامبەر | لقی ١٠١ی دادگای کەیفەریی ٢ی بێهبەهان | ۴ ساڵ و ۴ مانگ بەندکران و ۴۵ قامچی. ۲ ساڵ لە سزای بەندکرانەکە بۆ ماوەی ۵ ساڵ هەڵپەسێردراوە. | ||
3 | فیرووز عەبدوڵڵاهی | سەقز | ئەندامبوون لە حیزبی دیمۆکراتی کوردستانی ئێراندا و بانگەشەی دژ بە حکومەت | کۆتایی سێپتامبەر | لقی یەکەمی دادگای شۆڕشی ئیسلامیی سەقز | ۱ ساڵ بەندکران | |
4 | عەبدوڵڵا حەمزه | سەقز | عضویت در یکی از احزاب کرد اپوزسیون حکومت ایران و ارتباط گیری با آن | ٢٦ی سێپتامبەر | لقی یەکەمی دادگای شۆڕشی ئیسلامیی سەقز | ۱ ساڵ بەندکران | |
5 | سەکینه پەروانه | قووچان | پیانگێڕی دژ بە ئاسایشی نیشتمانیی ئێران٬ بانگەشەی دژ بە حکومت و سووکایەتیکردن بە ڕێبەر | ٦ی ئۆکتۆبەر | لقی یەکەمی دادگای شۆڕشی ئیسلامیی مەشهەد | ۷ ساڵ و ۶ مانگ بەندکران | |
6 | یووسف بەکری | مەهاباد | هاوکاریکردن لەگەڵ حیزبی دیمۆکراتی کوردستانی ئێراندا و بەشداریکردن لە بزاڤی ژن، ژیان، ئازادیدا | سەرەتای ئۆکتۆبەر | لقی یەکەمی دادگای شۆڕشی ئیسلامیی مەهاباد | ۴۰ مانگ بەندکران | |
7 | غوڵامڕەزا ڕەسایی | سەحنه | «هاودەستی لە کوشتنی بەئەنقەستدا»، «هاودەستی لە ئەنجامدانی بریندارکردنی بەئەنقەستدا بەبێ کوشتن»، «نمایشکردن و خۆنواندن بە چەقۆوە» و «تێکدانی ئارامیی گشتی لە ڕێگای ئاژاوە و مشتومڕەوە» | ٧ی ئۆکتۆبەر | لقی دووی دادگای کەیفەریی ۱ی کرماشان | لەسێدارەدان، پێدانی دیه٬ ۱ ساڵ بەندکران و ۷۴ قامچی | |
8 | ئیدریس مینبەری | سنە | تێکدانی ئارامیی گشتی | ٩ی ئۆکتۆبەر | لقی ۱۰۶ی دادگای کەیفەریی ۲ی سنە | ۱ ساڵ بەندکران٬ دوورخستنەوە بۆ زیندانی دیزڵئاوای کرماشان و ۴۰ قامچیی پله ۶ | |
9 | ئەمیرحسەین مووسەویان | ئاودانان | بانگەشەی دژ بە حکومەت و سووکایەتیکردن بە ڕێبەر | ١٦ی ئۆکتۆبەر | لقی دووهەمی دادگای شۆڕشی ئیسلامیی ئیلام | ۱۶ مانگ بەندکران کە ۱۳ مانگی هەڵپەسێردراوە و ۳ مانگەکەی تریش کەم کراوەتەوە بۆ ۳ میلیۆن تمەن غەرامەی پارە. | |
10 | نایب عەسکەری | ورمێ | بەغی لە ڕێگای ئەندامبوونەوە لە پارتی ژیانی ئازادی کوردستاندا (پژاک) | ١٦ی ئۆکتۆبەر | لقی دووهەمی دادگای شۆڕشی ئیسلامیی ورمێ | دەرکردنەوەی دووبارەی سزای لەسێدارەدان | |
11 | میکاییل مینبەری | سنە | ئەندامبوون لە حیزبێکی کوردی ئۆپۆزیسیۆنی حکومەتی ئێراندا و بانگەشەی دژ بە حکومەت | ١٧ی ئۆکتۆبەر | لقی یەکەمی دادگای شۆڕشی ئیسلامیی سنە | ۶ ساڵ بەندکران و وەک سزای تەواوکەر دو ساڵ قەدەغەکردنی چوونەدەرەوە لە ئێران و بۆ ماوەی ۴ مانگ سەردانکردنی بەردەوامی ئیدارەی ئیتلاعاتی سنە | |
12 | ساڵح نیکبەخت | تاران | بانگەشەی دژ بە حکومەت | ١٧ی ئۆکتۆبەر | لقی ٢٨ی دادگای شۆڕشی ئیسلامیی تاران | ۱ ساڵ بەندکران و وەک سزای تەواوکەر قەدەغەکردنی چالاکی لە تۆڕە کۆمەڵایەتییەکاندا بۆ ماوەی ٢ ساڵ |
کۆڵبەران:
ژمارە | ناو و پاشناو | خەڵکی | شوێنی ڕووداو | ڕێکەوتی ڕووداو | کوژراو – بریندار | ڕوونکردنەوە |
---|---|---|---|---|---|---|
1 | سەباح | گوندی هەڵووژانی مەریوان | تەتەی هەورامان | ٢٣ی سێپتامبەر | بریندار | بە دەسڕێژی هێزە سنوورپارێزەکان |
2 | کەنعان تەباسیده | گوندی هەڵووژانی مەریوان | تەتەی هەورامان | ٢٣ی سێپتامبەر | بریندار | بە دەسڕێژی هێزە سنوورپارێزەکان |
3 | جەوهەر فیکری | سەقز | هەنگەژاڵی بانه | ٢٣ی سێپتامبەر | بریندار | بە دەسڕێژی هێزە سنوورپارێزەکان |
4 | فەرهاد قادرپوور | بانه | کانی سووری بانه | ٢٤ی سێپتامبەر | بریندار | بە دەسڕێژی هێزە سنوورپارێزەکان |
5 | ئەرسەلان سەفیاری | گوندی گزگسکی پیرانشار | پیرانشار | ٢٩ی سێپتامبەر | بریندار | بە تەقینەوەی مین |
6 | ڕەحمان جەمشیدی | پاوه | نۆدشه | ١ی ئۆکتۆبەر | بریندار | بە دەسڕێژی هێزە سنوورپارێزەکان |
7 | محەممەد خالدی | گوندی چیچۆڕانی بانه | هەنگەژاڵی بانه | ١ی ئۆکتۆبەر | کوژراو | بە دەسڕێژی هێزە سنوورپارێزەکان |
8 | فایەق عەلیمحەممەدی | سەقز | بستامی سەقز | ٤ی ئۆکتۆبەر | بریندار | بە دەسڕێژی هێزە سنوورپارێزەکان |
9 | مەولوود بیشیر | پیرانشار | دڵاوانی پیرانشار | ٥ی ئۆکتۆبەر | بریندار | بە دەسڕێژی هێزە سنوورپارێزەکان |
10 | سەفەر ڕوستەمی | سەرپێڵی زەهاو | هەنگەژاڵی بانه | ٧ی ئۆکتۆبەر | بریندار | بە دەسڕێژی هێزە سنوورپارێزەکان |
11 | ئەمیر کەریمی | گوندی گۆشخانیە سەوڵاوا | هەنجیرانی مەریوان | ٧ی ئۆکتۆبەر | بریندار | بە دەسڕێژی هێزە سنوورپارێزەکان |
12 | موحسین وەلیوڵڵاهی | جوانڕۆ | نەوسوود | ٩ی ئۆکتۆبەر | بریندار | بە دەسڕێژی هێزە سنوورپارێزەکان |
13 | هیدایەت قادری | سەلاسی باوەجانی | پاوە | ١٢ی ئۆکتۆبەر | بریندار | بە دەسڕێژی هێزە سنوورپارێزەکان |
14 | بێهرووز مورادی | سەلاسی باوەجانی | پاوه | ١٢ی ئۆکتۆبەر | بریندار | بە دەسڕێژی هێزە سنوورپارێزەکان |
15 | عیماد مەحموودی | سەلاسی باوەجانی | پاوه | ١٢ی ئۆکتۆبەر | بریندار | بە دەسڕێژی هێزە سنوورپارێزەکان |
16 | کەمال ئەشتەری | بۆکان | هەنگەژاڵی بانه | ١٥ی ئۆکتۆبەر | بریندار | بە دەسڕێژی هێزە سنوورپارێزەکان |
17 | فەرید وەتەنی ڕەسوول | گوندی نشکاشی مەریوان | دەرەوەرانی مەریوان | ١٨ی ئۆکتۆبەر | کوژراو | بە دەسڕێژی هێزە سنوورپارێزەکان |
کرێکاران:
ژمارە | ناو و پاشناو | شوێنی ڕووداوەکە | بەرواری ڕوودان | کۆژران-برینداربوون |
---|---|---|---|---|
1 | مارتین حسەینپەناهی | سنە | ٢ۆی ئۆکتۆبەر | منداڵی کاری ١٦ ساڵان، بە ڕووداوی کار لە کارگەیەکدا گیانی لە دەست |
تەقینەوەی مین:
ژمارە | ناو و پاشناو | شوێنی تەقینەوەکە | بەرواری ڕوودان | کۆژران-برینداربوون |
---|---|---|---|---|
1 | پێشەوا عەلیار | سلێمانیی هەرێمی کوردستان | ١٧ی ئۆکتۆبەر | کۆژراو |