لە ماوەی ڕۆژانی ڕابردوو فایەق یووسفی، ئەندامی گرووپی شاخەوانیی «هەڵۆ»ی سەقز و جەلال ڕوستەمی، لە چالاکوانی مەدەنیی کامێران، بۆ جێبەجێکردنی حوکمەکانیان ڕەوانەی زیندان کراون.
بهپێی زانیارییهكانی تۆڕی مافهكانی مرۆڤی كوردستان، ڕۆژی شەممە ١٠ی گەڵاڕێزان، فایەق یووسفی بۆ جێبەجێکردنی حوکمی ٦ مانگ بەندکران خۆی ڕادەستی زیندانی سەقز کرد.
ناوبراو ڕۆژی ١٨ی پووشپەڕی ١٣٩٨ لە لایەن هێزە ئەمنییەکانەوە دەستبەسەر کرا و دوای دوو مانگ بە دانانی بارمتە لە زیندان ئازاد کرا. ئەم هاووڵاتییە کوردە ٢٥ی گەڵاڕێزانی ساڵی ڕابردوو بە تۆمەتی «ئەندامێتیی حیزبی دیمۆکراتی کوردستان»ی لەسەر لاچوو و بە تۆمەتی «بانگەشەی دژ بە حکوومەت» لە لایەن دادگای شۆڕشی ئیسلامیی سەقزەوە حوکمی ١٠ مانگ زیندانی بۆ بڕایەوە. ئەم حوکمە لە دادگای پیاچوونەوەدا کەم کرایەوە بۆ ٦ مانگ.
هەروەها لەم ڕۆژانەی ڕابردوودا جەلال ڕوستەمی، چالاکوانی مەدەنیی کورد کە حوکمی ٥ ساڵ بەندکرانەکەی لە دادگای پیاچوونەوەی سنەدا گۆڕاوە بۆ ٢ ساڵ و نیو، بۆ جێبەجێکردنی حوکمەکەی ڕەوانەی زیندانی کامێران کراوە.
جەلال ڕوستەمی لە ٢٣ی ڕەشەمەی ١٣٩٧دا لە لایەن هێزە ئەمنییەکانەوە لە شاری ڕامسەری پارێزگای مازەندەران دەستبەسەر کرابوو و دوای دوو ڕۆژ گواستبوویانەوە بۆ دەستبەسەرگری ئیدارەی ئیتلاعاتی سنە. ناوبراو دوای کۆتاییهاتنی لێپرسینەوەکان، ڕۆژی ٢٣ی گوڵانی ١٣٩٨ گواسترایەوە بۆ زیندانی ناوەندیی سنە و ٢٩ی گوڵان بە دانانی بارمتەی ٥٠٠ میلیۆن تمەنی ئازاد کرا.
ئەم چالاکە مەدەنییە کوردە، سەرماوەزی ساڵی ڕابردوو لە لایەن لقی یەکەمی دادگای شۆڕشی ئیسلامیی سنەوە بە سەرۆکایەتیی دادوەر «سەعیدی» بە تۆمەتی «ئەندامێتی لە پارتی ژیانی ئازادی کوردستاندا» حوکمی ٥ ساڵ و بە تۆمەتی «بانگەشەی دژ بە حکوومەت» حوکمی ١ ساڵ زیندانی بۆ بڕابوویەوە.
دوو هاووڵاتیی کورد بۆ جێبەجێکردنی حوکمەکانیان ڕەوانەی زیندانەکانی سەقز و کامێران کران
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوە