حوسێن محەمەدیان، بهندكراوی خەڵکی بۆکان کە لە ساڵی ١٣٨٣ی هەتاوییەوە/ ٢٠٠٤ بە تۆمەتی کوشتن بە قەساس مەحکوم کراوە، لە پازدەهەمین ساڵی بەندکرانیدا لە بهندیخانهی ناوهندی تەورێز دەستی دایە مانگرتن تا چارەنوسی یەکلا ببێتەوە.
بە پێی زانیارییەکانی تۆڕی مافەکانی مرۆڤی کوردستان، ئەم بهندكراوه لە سالۆنی ٩ی بهندیخانهی ناوەندی تەورێزدایە و لە رۆژی ١٢ی خەرمانانەوە/ ٢٠١٩.٠٩.٠٣ بۆ روون بوونەوەی بارودۆخی دەستی داوەتە مانگرتنی وشک. ئەم زیندانییە داوا دەکات یان سزای ئیعدامەکەی جێبەجێ بکرێت یان پاش ١٥ ساڵ بەندکران و ناروون بوونی بارودۆخی دوسیهكهی بە دانانی بارمتە ئازاد بکرێت.
رۆژی هەینی رابردوو حوسێن موحەمەدیان گواسترایەوە بۆ نەخۆشخانەی بهندیخانه و پزیشکەکانی نەخۆشخانەکە پێیانڕاگەیاندووە بەردەوام بوونی مانگرتنی وشک بۆ ئەو دەتوانێ مەترسیدار بێت. بەڵام ئەم بهندكراوه پێداگری لەسەر بەردەوام بوونی مانگرتنەکەی دەکات.
حوسێن محەمەدیان سالی ١٣٨٣ی هەتاوی/ ٢٠٠٤ لەگەڵ هاووڵاتییەکی دیکە بە ناوی ئیسماعیل موستەخدیم بە تۆمەتی کوشتنی بە ئەنقەست لە تەورێز دەستبەسەر کرا و سزای تۆڵەی کوشتنەوە یان قەساسی بۆ بڕایەوە.
بنەماڵەی ئەم دوو بهندكراوه لە ساڵانی رابردوودا نەیانتوانیوە بنەماڵەی کوژراوەکە رازی بکەن تا حوکمی قەساسەکە هەڵبوشێننەوە و لێیان خۆش بن، هەر بۆیە ئەم دۆخە تا ئێستا بەردەوامە.
لەم ماوەیەشدا ئیسماعیل موستەخدم توشی نەخۆشی شێرپەنجە بووە. دەگوترێت ئەم زیندانییە لە کاتی وەرگرتنی چارەسەرە شیمیاییەکان ویستوویەتی لە بهندیخانه رابکات بەڵام نەیتوانیوە و بەم هۆیەشەوە پرۆسەی چارەسەرکردنەکەی وەستێنراوە.
مانگرتنی بهندكراوێكی مەحکوم بە ئیعدام لە پازدەهەمین ساڵی بەندکرانیدا
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە