به‌پێی هه‌واڵی گه‌یشتوو به تۆڕی مافه‌كانی مرۆڤی كوردستان، هاووڵاتییه‌كی شاری شنۆی سه‌ر به پارێزگای ئازه‌ربایجانی ڕۆژئاوا به ناوی حسێن عه‌بدوڵڵازاده، دوای دوو حه‌فته لێپرسینه‌وه له دەستبەسەرگەی ئیداره‌ی ئیتڵاعاتی شاری ورمێ، گواسترایه‌وه بۆ به‌ندیخانه‌ی ناوه‌ندیی ورمێ.
ئه‌م هاووڵاتییه كورده له ڕێكه‌وتی ١٠ی مانگی گوڵاندا له لایه‌ن هێزه ئه‌منیه‌تییه‌كانی ئیداره‌ی ئیتڵاعاتی شاری شنۆوە ده‌ستبه‌سه‌ر ده‌كرێ و ده‌گواسترێته‌وه بۆ گرتووخانه‌ی ئه‌منیه‌تیی ئیداره‌ی ئیتڵاعاتی ورمێ، ناوبراو ئێستا لە بەندی ٣-٤ی ئەو زیندانەدایە کە تایبەتە بە تۆمەتبارانی ماده هۆشبه‌رەكان.
