لە ڕۆژانی ڕابردوودا لقی دووهەمی لێپرسینەوەی دادسەرای گشتی و شۆڕشی شاری سنە بە بیانووی بەردەوامبوونی لێکۆڵینەوەکانی ئیدارەی ئیتلاعات، بڕیاری دەستبەسەربوونی فەرانەک جەمشیدی و ئەفشین شێخولئیسلامی، دوو چالاکی مەدەنی و ژینگەپارێزی خەلکی سنەی بۆ یەک مانگیتر تازە کردەوە.
بەپێی زانیارییەکانی تۆڕی مافەکانی مرۆڤی کوردستان، ئەفشین شێخولئیسلامی هێشتا هەر لە ژووری تاکەکەسیدایە و بە درێژایی ئەم ماوەیە تەنیا چەند جارێک توانیویەتی بە کورتی پێوەندی لەگەڵ بنەماڵەکەیدا بگرێت.
فەرانەک جەمشیدییش بە ڕۆژ بۆ لێپرسینەوە دەبرێتە دەستبەسەرگەی ئیدارەی ئیتلاعاتی سنە و شەوان دەگەڕێنرێتەوە بۆ کانوونی ئیسڵاح و تەربیەت کە بەندی ژنانیش لەوێیە. تۆمەتی «پڕوپاگەندەی دژ بە حکوومەت» و «چالاکیی دژی ئاسایشی نەتەوەیی» دراوەتە پاڵ ئەم چالاکە ژینگەپارێزە.
ئەفشین شێخولئیسلامیی وەتەنی ٧ی پووشپەڕ لە ماڵەکەی خۆیدا لە سنە بە دەستی هێزە ئەمنییەکانی سەر بە وەزارەتی ئیتلاعات دەستبەسەر کرا. ئەم چالاکە مەدەنییە پێشتریش لە کاتی دەستگیرکردنی بەربڵاو و دەستەجەمعیی چالاکانی ژینگەپارێز و ئەندامانی لقی کوردستانی حیزبی وەحدەتی میللیدا، لە ڕێکەوتی ٢٨ی خەزەڵوەری ١٣٩٧ لە سنەدا دەستبەسەر کرا و دوای مانگێک لە ٢٨ی سەرماوەزدا بە دانانی بارمتەی ٥٠٠ میلیۆن تمەنی ئازاد کرا. دواتر لە دادگادا بە تۆمەتی «پڕوپاگەندەی دژ بە حکوومەت» لە ٢٨ی ڕەشەمەی ١٣٩٨دا حوکمی ٩١ ڕۆژ زیندانی بۆ بڕایەوە، بەڵام بە حسێبکردنی ماوەی دەستبەسەربوون و هەروەها لەبەر دۆخی نالەباری زیندانەکان لە ئەنجامی کەوتنەوەی پەتای کۆرۆنادا، پاشماوەی حوکمەکەی ئەو و ٤ چالاکی دیکە بەخشرا.
سنە؛ بڕیاری دەستبەسەربوونی فەرانەک جەمشیدی و ئەفشین شێخولئیسلامی تازە کرایەوە
دەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەلە هەمەدان زیندانییەک لە سێدارە درا
بەرەبەیانی ئەمڕۆ ٢٦ی بەفرانبار (١٦ی ژانڤییە) سزای لەسێدارەدانی بەندکراوێک بە ناوی ئەکرەم کەریمپوور کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانی بۆ...
زیاتر بخوێنەوە