سەکینە پەروانە، زیندانیی سیاسیی کورد، لە ڕۆژی ١٠ی گەڵاڕێزانەوە بە مەبەستی دەربڕینی ناڕەزایی لە ئاست ئەگەری دوورخستنەوەی بۆ زیندانی ئێسفەهان مانی لە خواردن گرتووە و لەبەر پشتگوێخستنی داواکارییەکەی لە لایەن بەرپرسانی زیندانەوە درێژەی بە مانگرتنەکەی داوە.
سه‌رچاوه‌یه‌كی ئاگادار له بارودۆخی ئه‌م به‌ندكراوه سیاسییه به تۆڕی مافه‌كانی مرۆڤی كوردستانی وت: «ڕۆژی ٦ی گه‌ڵاڕێزان به‌بێ ئاگادارکردنەوەی پێشوەخت سەکینە پەروانەیان له به‌ندی ژنانی زیندانی ئێڤینەوە بۆ دەستبەسەرگەی سپای قۆچان گواستەوە. کەچی داواکری گشتی قووچان ڕایگەیاندبوو کە ئاگاداری هۆکاری گواستنەوەی بۆ ئەم شارە نییە و لە ڕۆاژانی داهاتوودا بۆ زیندانی ئیسفه‌هان دوور دەخرێتەوە».
ئه‌م سه‌رچاوه‌یە لە درێژەدا وتی: «ئه‌م به‌ندكراوه سیاسییه دوای گوازرانەوە بۆ زیندانی قۆچان ڕەوانەی ژووری تاکەکەسی کراوە و بەرپرسانی زیندانیش وتوویانە نازانین بۆ ڕەوانی ئێرە کراوە و دەبێ ڕەوانەی زیندانی ئیسفه‌هان بکرێت. هەر بۆیە ئەویش بۆ ناڕەزایی دەربڕین لە ئاست ئەگەری دوورخستنەوەیدا بۆ زیندانی ئێسفەهان له ڕۆژی ١٠ی گەڵاڕێزانەوە مانی لە خواردن گرتووە».
سەکینە پەروانە پێشتر بە بڵاوکردنەوەی نامەیەک لە ڕێکەوتی ٥ی پووشپەڕدا باسی ڕەوتی دەستبەسەرکران و ئەو ئازار و ئەشکەنجانەی کردبوو کە لە کاتی زیندانیبووندا ڕووبەڕووی کراوەتەوە. به‌پێی قسه‌كانی خانمی سه‌كینه، بەرپرسە ئه‌منییەکانی كۆماری ئیسلامی له سه‌ره‌تاكانی پاییزی ١٣٨٩دا به بیانووی چاوپێكه‌وتن له‌گه‌ڵ بنه‌ماڵه‌کەیدا له شاری سلێمانیی كوردستانی ئێراق، دوای ئەوەی دەینێرنە سنووری ئێران و ئێراق، ماوه‌ی ١٠ ڕۆژ له ده‌ستبه‌سه‌رگه‌كانی مه‌ریوان و سنه‌دا گێڕاویانە و دواتر ناردوویانه‌ته زیندانی ئێڤین. قۆناغی ده‌ستبه‌ربوونی ناوبراو لە دۆخێکی دژوار و لە ژێر سه‌ختترین ئه‌شكه‌نجه‌ی جه‌سته‌ییدا، له به‌نده‌كانی دووی ئه‌لف، ٢٠٩ و ژنانی زیندانی ئێڤیندا تێپەڕیوە.
پەیام دوڕئەفشان، پارزه‌ری ئه‌م به‌ندكراوه سیاسییه کە خۆیشی ئێستا لە بەندیخانەدایە، رۆژی ٥ی جۆزه‌ردانی ئەمساڵ ڕایگەیاند که لقی ٢٦ی دادگای ئینقلابی تاران سزای ٥ ساڵ زیندان و ٢ ساڵ قەدەغەکردنی ئه‌ندامێتی له ده‌سته و لایه‌نه سیاسییه‌كانی بە سەر ئەو خانمەدا سەپاندووە. بەپێی حوكمی دادگا، تۆمه‌تی په‌روانە بریتییە لە «ئه‌ندامێتی له گرووپه‌كانی دژ به حکوومەتدا به مەبەستی تێکدانی ئاسایشی وڵات».
سەکینە پەروانە لە خاکەلێوەی ئەمساڵدا لەبەر نووسین و وتنەوەی دروشم لە زیندانی ئێڤیندا، گواسترایەوە بۆ زیندانی قەرچەکی وەرامین و دوای ٤ ڕۆژ مانەوە لە ژووری تاکەکەسیدا ڕەوانەی نەخۆشخانەی دەروونپزیشکیی ئەمین‌ئاوای شاری‌ڕەی کرا. ناوبراو لە ١٤ی پووشپەڕ و لە حاڵێکدا کە کە ئاسەواری لێدان و ئەشکەنجە بەسەر جەستەیەوە دیار بوو، دیسان گەڕێنرایەوە بۆ زیندانی ئێڤین و دادگایەک لە گەلاوێژی ئەمساڵدا بە تۆمەتی «ئاژاوەنانەوە لە زینداندا» حوکمی ٢ ساڵ زیندانی بەسەردا سەپاند.
قۆچان؛ سەکینە پەروانە لە زیندان بەردەوامە لە مانگرتن
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوەRelated News
مانگرتنی هێمایینی سەکینە پەروانە بۆ یادی لەدایکبوونی عەلی موزەفەری لە گیانبەختکردوانی سەرهەڵدانی ژن، ژیان، ئازادی
ئەمڕۆ هەینی ١٤ی گوڵان (٣ی مەی) زیندانیی سیاسیی کورد سەکینە پەروانە لە ساڵڕۆژی لەدایکبوونی عەلی موزەفەریدا، منداڵی تەمەن ١٧ ساڵی خەڵکی شاری قووچانی خوراسانی ڕەزەوی کە لە سەرهەڵدانی ژن، ژیان، ئازادیدا گیانی بەخت کرد، لە بەندی ژنانی زیندانی ئێڤینی تاران بە شێوەی هێمایین و بۆ ماوەی ڕۆژێک مانی لە خواردن گرت. عەلی موزەفەری، هاووڵاتیی کوردی ١٧ ساڵانی خەڵکی قووچان، ڕۆژی ٣١ی خەرمانانی ١٤٠١ (٢١ی سێپتامبەری...
ڕاپۆرتێک لەسەر دوایین دۆخی سێ زیندانیی سیاسیی مانگرتووی کورد لە ژوورە تاکەکەسییەکانی زیندانی ورمێدا
ڕۆژی پێنجشەممە ٣٠ی خاکەلێوە (١٨ی ئاوریل) شاکر بێهرووز، زیندانیی سیاسیی کورد کە دژ بە کردنەوەی دۆسیەیەکی دادوەریی نوێ مانی لە خواردن گرتووە، بە فەرمانی بەرپرسانی زیندانی ناوەندییی ورمێ ڕەوانەی ژووری تاکەکەسی کراوە. هاوکات کەیوان ڕەشۆزادە و ئەردەوان تەهووریان، دوو زیندانیی ساسیی کورد کە لە ژووری تاکەکەسیی ئەم زیندانەدان و مانیان لە خواردن گرتووە، لە لایەن هێزەکانی گاردی زیندانەوە ئەشکەنجە دراون. بەپێی ئەو زانیاریانەی کەوتووەتە دەست...
گواستنەوەی سەکینە پەروانە بۆ زیندانی ئێڤینی تاران
ڕۆژی چوارشەممە ١٥ی خاکەلێوە (٣ی ئاوریل) سەکینە پەروانە، زیندانیی سیاسیی کورد کە سزای ٧ ساڵ و ٦ مانگ بەندکرانی لە زیندانی مەشهەددا تێدەپەڕاند، گوازرایەوە بۆ بەندی ژنانی زیندانی ئێڤینی تاران. سەکینە پەروانە ڕۆژی ١٥ی خاکەلێوەی ١٤٠٢ (٤ی ئاوریلی ٢٠٢٣) لە ترمیناڵی مەشهەد لە لایەن هێزەکانی دەزگای ئیتلاعاتی سوپای پاسدارانەوە دەستبەسەر کرا و گوازرایەوە بۆ دەستبەسەرگەی ئەم دەزگا سەربازی-ئەمنییە و دوای ١٠ ڕۆژ لێپرسینەوە ڕەوانەی زیندانی...
داواکاریی زیاتر لە ٨٠٠ بەندکراو بۆ گۆڕینی سەرۆکی زیندانی ورمێ؛ پەرەسەندنی ڕێژەی خۆکوشتنی بەندکراوان بە هۆی گوشار و ئازارەکانی سەرۆکی زیندانەوە
زیاتر لە ٨٠٠ بەندکراوی زیندانی ناوەندیی ورمێ لە نامەیەکی سەرئاوەڵادا داوایان کردووە پەیمان خانزادە، سەرۆکی زیندانی ناوەندیی ئەم شارە، لە پۆستەکەی دوور بخرێتەوە. لەم نامەیەدا کە نوسخەیەکی بە مەبەستی بڵاوکردنەوە بۆ تۆڕی مافەکانی مرۆڤی کوردستان نێردراوە، بەندکراوان ئاماژەیان بە ئازاردانی زیندانیان و بنەماڵەکانیان لە لایەن سەرۆکی زیندانی ناوەندیی ورمێوە کردووە و وتوویانە کە بە هۆی ئەم گوشار و ئازارانەوە چەندین بەندکراو لەم مانگانەی دواییدا هەوڵی...
مانگرتنی موتەلیب ئەحمەدیان و سەکینە پەروانە لە زیندانەکانی ئێڤین و مەشهەد وەک ناڕەزایەتییەک لە بەرانبەر لەسێدارەدانی چوار زیندانیی سیاسیی کورددا
موتەلیب ئەحمەدیان لە زیندانی ئێڤین و سەکینە پەروانە لە زیندانی مەشهەد، وەک ناڕەزایەتییەک لە ئاست لەسێدارەدانی چوار زیندانیی سیاسیی کورد لە زیندانی قزلحەساری کەرەجدا مانیان لە خواردن گرت. بەپێی ئەو زانیاریانەی کەوتووەتە دەست تۆڕی مافەکانی مرۆڤی کوردستان، موتەلیب ئەحمەدیان لە ڕۆژی ٩ی ڕێبەندانەوە (٢٩ی ژانڤییە) هاوکات لەگەڵ لەسێدارەدانی پژمان فاتیحی، موحسین مەزڵووم، محەممەد فەرامەرزی و وەفا ئازەرباردا مانگرتنەکەی خۆی دەست پێ کرد. ئەم زیندانییە سیاسییە...