تۆڕی مافه‌كانی مرۆڤی كوردستان زانویەتی کە ڕۆژی سێشه‌ممه‌ ١٣ی مانگی جۆزه‌ردان، نزیكه‌ی بیست كه‌س له‌و كرێكارانه‌ی كه‌ به‌ شێوه‌ی گرێبه‌ست له‌ “کۆمپانیای پەرەپێدانی سەرچاوەکانی ئاو و وزەی ئێران” له‌ به‌نداوی «ژاوه» كار ده‌كه‌ن، به‌رانبه‌ر به‌ دواکەوتنی مووچە و هه‌روه‌ها وه‌رنه‌گرتنی جێژنانه ‌و ساڵانه‌ی ساڵی ڕابردوو، ناره‌زایه‌تییان ده‌ربڕی. ئه‌م كرێكارانه‌ هه‌ڕەشه‌یان كردووه‌ ئه‌گه‌ر داواكارییه‌كانیان جێبه‌جی نه‌كرێت ده‌ست لە کار دەکێشنەوە و مان دەگرن.
به‌نداوی خەزێنەیی ژاوه‌ كه‌وتۆ‌ته‌ ناوچه‌ی ژاوه‌رۆی سنه‌ و له‌ سه‌ر ڕووباری سیروان بەستراوە و نزیكه‌ی ٥٠ كریكار به‌ شێوه‌ی ڕه‌سمی یان گرێبه‌ست کاری تێدا دەکەن.