لەم چەند ڕۆژەی ڕابردوودا سێ هاووڵاتیی کورد بە ناوەکانی ئەیوب ئاقاڕەزایی، سامان ئەسەدحەکیم و محەممەد شافعیزادە لە شارەکانی دیواندەرە و سەوڵاوای پارێزگای کوردستان لە لایەن هێزە ئەمنییەکانەوە دەستبەسەر کراون و گواستراونەوە بۆ شوێنێکی نادیار.
بهپێی زانیارییهكانی تۆری مافهكانی مرۆڤی كوردستان، لە دەمەوبەیانی ئەمڕۆ یەکشەممە ١١ی گەڵاڕێزاندا دەستەیەک لە هێزە ئەمنییەکان هەڵیانکوتاوەتە سەر گوندی دێوەزناوی سەر بە شاری سەوڵاوا و دوای گەمارۆدانی ماڵی دوو هاووڵاتیی ئەو گوندە بە ناوەکانی سامان ئەسەدحەکیم و محەممەد شافعیزادە، ناوبراوانیان دەستبەسەر کردووە و بۆ شوێنێکی نادیاریان گواستۆتەوە.
پێشتر و لە چەند مانگی ڕابردوودا ٣ هاووڵاتیی دیکەی ئەم گوندە بە ناوەکانی مێعراج مورتەزایی، هیوا عەزیزپوور و نەسروڵڵا حەیدەرنژاد لە لایەن هێزەکانی ئیدارەی ئیتلاعاتی مەریوانەوە دەستبەسەر کرابوون. مێعراج مورتەزایی لە ٧ی ڕەزبەردا و دوای تێپەڕینی دوو مانگ بەسەر دەستبەسەربوونیدا بە دانانی بارمتە ئازاد کرا، بەڵام تا ئێستا هیچ زانیارییەک لەسەر چارەنووسی ئەو دوو هاووڵاتییەکەیتر لە بەردەستدا نییە.
هەروەها ڕۆژی چوارشەممە ٧ی گەڵاڕێزان، چالاکێکی ژینگەپارێزی خەڵکی دیواندەرە بە ناوی ئەیوب ئاقاڕەزایی لە لایەن هێزە ئەمنییەکانەوە دەستبەسەر کراوە و گواستراوەتەوە بۆ شوێنێکی نادیار.
تا ئێستا هیچ زانیارییەک لەسەر تۆمەتەکان و شوێنی دەستبەسەرکردنی ئەمکەسانە بەردەست نەکەوتووە.
وێنەکان لە ڕاستەوە بۆ چەپ: موحەممەد شافعیزادە، سامان ئەسەدحەکیم و ئەیوب ئاقاڕەزایی
دەستبەسەرکردنی سێ هاووڵاتیی کورد لە شارەکانی دیواندەرە و سەوڵاوا
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوە