دوای تێپەڕینی سێ ڕۆژ بەسەر گواستنەوەی لەناکاوی سەکینە پەروانە و نەبوونی زانیاری لەسەر چارەنووسی ناوبراو، تۆڕی مافه‌كانی مرۆڤی كوردستان ئاگادار كراوه‌ته‌وه كه ئه‌م به‌ندكراوه سیاسییه گوێزراوه‌ته‌وه بۆ زیندانی قۆچان له پارێزگای خوراسانی ڕه‌زه‌وی و ئێستە له ژووری تاكه‌كه‌سیدایه. به‌رپرسانی زیندان به سه‌كینه‌یان وتووە له‌وانه‌یه له ڕۆژانی داهاتوودا دوور بخرێته‌وه بۆ شارێكی دیكه و ئه‌م به‌ندكراوه سیاسییه‌ش به مه‌به‌ستی ده‌ربڕینی ناڕه‌زایی لە ئاست هەلومەرجی ئێستەی و ئه‌گه‌ری گواستنەوەی دووبارەی بۆ زیندانێكی دیكه، له سه‌رله‌به‌یانیی ڕۆژی شه‌ممه‌وه مان له خواردن گرتووە.
سه‌رچاوه‌یه‌كی ئاگادار له بارودۆخی ئه‌م به‌ندكراوه سیاسییه به تۆڕی مافه‌كانی مرۆڤی كوردستانی وت: «ڕۆژی ٦ی گه‌ڵاڕێزان به‌بێ ئاگادارکردنەوەی پێشوەخت و تەنانەت بەبێ ئەوەی مۆڵەتی کۆکردنەوەی کەلوپەلە شەخسییەکانی پێ بدەن، سەکینە پەروانەیان له به‌ندی ژنانی زیندانی ئێڤینەوە بۆ شوێنێكی نادیار گواسته‌وه. ناوبراو دوای سێ ڕۆژ براوەتە زیندانی قۆچان و لەوێش ڕه‌وانه‌ی ژووری تاكه كه‌سی كراوە، هاوکات به‌رپرسانی زیندان پێیان وتووە ئه‌گه‌ری دوورخستنه‌وه‌ی بۆ زیندانی ئیسفه‌هان لە ئارادایە».
به وته‌ی ئه‌م سه‌رچاوه‌یە، ئه‌م به‌ندكراوه سیاسییه نزیكه‌ی مانگێك ده‌بێ مۆڵەتی پێوه‌ندیگرتن له‌گه‌ڵ بنه‌ماڵه‌کەیی پێ نه‌دراوه و هەر بۆیە ئەویش لە بەرانبەر ئەو زه‌خت و زۆرانه و هەروەها ئەگەری دوورخستنه‌وه‌ی بۆ زیندانی ئیسفه‌هان و بارودۆخی دژواری ژووری تاكه‌كه‌سیی زیندانی قۆچاندا دەنگی هەڵبڕیوە و له ڕۆژی شه‌ممه‌وه مان لە خواردن گرتووە.
ئه‌م سه‌رچاوه‌یە له درێژه‌دا باسی له‌وه كرد كه سه‌كینه په‌روانه دوای دەسپێکردنی مانگرتنەکەی، به‌رسانی زیندانی ئاگادار کردۆتەوە ئه‌گه‌ر دووری بخه‌نه‌وه بۆ زیندانی ئیسفه‌هان ئەوا لێوەکانی ئەدوورێتەوە و درێژه به مانگرتنه‌كه‌ی ئه‌دات.
سەکینە پەروانە پێشتر بە بڵاوکردنەوەی نامەیەک لە ڕێکەوتی ٥ی پووشپەڕدا باسی ڕەوتی دەستبەسەرکران و ئەو ئازار و ئەشکەنجانەی کردبوو کە لە کاتی زیندانیبووندا ڕووبەڕووی کراوەتەوە. به‌پێی قسه‌كانی خانمی سه‌كینه، بەرپرسە ئه‌منییەکانی كۆماری ئیسلامی له سه‌ره‌تاكانی پاییزی ١٣٨٩دا به بیانووی چاوپێكه‌وتن له‌گه‌ڵ بنه‌ماڵه‌کەیدا له شاری سلێمانیی كوردستانی ئێراق، دوای ئەوەی دەینێرنە سنووری ئێران و ئێراق، ماوه‌ی ١٠ ڕۆژ له ده‌ستبه‌سه‌رگه‌كانی مه‌ریوان و سنه‌دا گێڕاویانە و دواتر ناردوویانه‌ته زیندانی ئێڤین. قۆناغی ده‌ستبه‌ربوونی ناوبراو لە دۆخێکی دژوار و لە ژێر سه‌ختترین ئه‌شكه‌نجه‌ی جه‌سته‌ییدا، له به‌نده‌كانی دووی ئه‌لف، ٢٠٩ و ژنانی زیندانی ئێڤیندا تێپەڕیوە.
پەیام دوڕئەفشان، پارزه‌ری ئه‌م به‌ندكراوه سیاسییه کە خۆیشی ئێستا لە بەندیخانەدایە، رۆژی ٥ی جۆزه‌ردانی ئەمساڵ ڕایگەیاند که لقی ٢٦ی دادگای ئینقلابی تاران سزای ٥ ساڵ زیندان و ٢ ساڵ قەدەغەکردنی ئه‌ندامێتی له ده‌سته و لایه‌نه سیاسییه‌كانی بە سەر ئەو خانمەدا سەپاندووە. بەپێی حوكمی دادگا، تۆمه‌تی په‌روانە بریتییە لە «ئه‌ندامێتی له گرووپه‌كانی دژ به حکوومەتدا به مەبەستی تێکدانی ئاسایشی وڵات».
سەکینە پەروانە لە خاکەلێوەی ئەمساڵدا لەبەر نووسین و وتنەوەی دروشم لە زیندانی ئێڤیندا، گواسترایەوە بۆ زیندانی قەرچەکی وەرامین و دوای ٤ ڕۆژ مانەوە لە ژووری تاکەکەسیدا ڕەوانەی نەخۆشخانەی دەروونپزیشکیی ئەمین‌ئاوای شاری‌ڕەی کرا. ناوبراو لە ١٤ی پووشپەڕ و لە حاڵێکدا کە کە ئاسەواری لێدان و ئەشکەنجە بەسەر جەستەیەوە دیار بوو، دیسان گەڕێنرایەوە بۆ زیندانی ئێڤین و دادگایەک لە گەلاوێژی ئەمساڵدا بە تۆمەتی «ئاژاوەنانەوە لە زینداندا» حوکمی ٢ ساڵ زیندانی بەسەردا سەپاند.
قۆچان؛ سه‌كینه په‌روانه مانی له خواردن گرت
حوجەت هەواسیزادە لە کەرەج لە سێدارە درا
سزای لەسێدارەدانی بەندکراوێکی خەڵکی کووهدەشت بە ناوی حوجەت هەواسیزادە کە پێشتر بە تۆمەتی «مادەی هۆشبەر» ئەو سزایەی بۆ دەر چووبوو، لە زیندانی قزلحەساری کەرەج...
زیاتر بخوێنەوەڕاپۆرتی ساڵانەی تۆڕی مافەکانی مرۆڤی کوردستان ـ ١٤٠٣ی هەتاوی
ڕاپپۆرتی ساڵی ١٤٠٣ کۆماری ئیسلامیی ئێران دوای مردنی ئیبراهیم ڕەییسی، سەرکۆماری پێشووی ئێران و لە ئەندامانی «لیژنەی مەرگ» بۆ بەکۆمەڵکوشتنی زیندانیانی سیاسی لە هاوینی...
زیاتر بخوێنەوەبەیاننامەی هاوبەشی ڕێکخراوەکانی مافی مرۆڤی ئازەربایجان و کوردستان: بەرەنگاری شەڕنانەوەکانی کۆماری ئیسلامی لە ورمێ ببینەوە
ڕۆژی ٢٨ی ڕەشەمەی ١٤٠٣ (١٨ی مارسی ٢٠٢٥) ڕێوڕەسمێک بە بۆنەی نەورۆزەوە لە لایەن هاووڵاتیانی کوردی ورمێوە لەم شارەدا بەڕێوە چوو. لەم ڕێوڕەسمەدا دەیان هەزار...
زیاتر بخوێنەوەهەواڵی پەیوەندیدارە
مەترسیی جێبەجێکردنی سزای بڕینەوەی ئەندامی جەستە؛ ڕاپۆرتێک لەسەر بارودۆخی چوار بەندکراو لە زیندانەکانی ورمێ و تەورێزدا
مورتەزا ئیسماعیلیان، هادی ڕوستەمی، مێهدی شاهیوەند و مێهدی شەرەفیان، چوار بەندکراوی سزادراو بە بڕینەوەی ئەندامی جەستە، لە زیندانەکانی ورمێ و تەورێز لە بەردەم مەترسیی جیدیی جێبەجێکردنی ئەو سزایەدان. لە سەرەتای جۆزەردانی ئەمساڵدا (کۆتایی مەیی ٢٠٢٥) مورتەزا ئیسماعیلیان بە مەبەستی جێبەجێکردنی سزاکە لە زیندانی ناوەندیی ورمێوە ڕەوانەی زیندانی تەورێز کرا. هەروەها ڕۆژی یەکشەممە ١٨ی جۆزەردانی ١٤٠٤ (٨ی ژوەنی ٢٠٢٥) هادی ڕوستەمی، مێهدی شاهیوەند و مێهدی شەرەفیان...
نادیاربوونی چارەنووسی مورتەزا ئیسماعیلیان، بەندکراوی سزادراو بە بڕینەوەی ئەندامی جەستە
مورتەزا ئیسماعیلیان، بەندکراوی سزادراو بە بڕینەوەی ئەندامی جەستە، لە ڕۆژانی ڕابردوودا لە زیندانی ناوەندیی ورمێوە ڕەوانەی شوێنێکی نادیار کراوە. بەردەوامبوونی ئەم دۆخە نادیارە بووەتە هۆی پەرەسەندنی نیگەرانییەکان لە ئاست مەترسیی جێبەجێکردنی سزاکەدا. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم بەندکراوە کوردەی خەڵکی ورمێ لە ڕۆژانی ڕابردوودا بە بیانووی گواستنەوە بۆ زیندانی ناوەندیی تەورێز لە زیندانی ناوەندیی ورمێ براوەتە دەرەوە، بەڵام دوای تێپەڕینی...
بەردەوامیی بێبەشکردنی وریشە مورادی لە خزمەتگوزاریی پزیشکی
وریشە مورادی، زیندانیی سیاسیی کوردی سزادراو بە لەسێدارەدان کە گیرۆدەی چەندین نەخۆشیی جیاوازی وەک هەڵدڕانی دیسکی مل و تەنگبوونەوەی کەناڵی مرۆخە بووە، تا ئێستایش لە وەرگرتنی خزمەتگوزاریی پزیشکی بێبەش کراوە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم زیندانییە سیاسییە لە ڕەشەمەی ١٤٠٢دا (مارسی ٢٠٢٤) لە لایەن پزیشکی پسپۆڕی مێشک و دەمارەوە پشکنینی بۆ کراوە و سەرەڕای ڕاسپاردە و جەختکردنی ئەم پزیشکە و...
دوورخستنەوەی سێ زیندانیی سیاسیی کورد بۆ زیندانەکانی کرمان، زاهیدان و مەشهەد
وەحید چاوەران، ناسر ڕەزایی و محەممەدحسەین حاسڵی کە لە ڕەوتی سەرهەڵدانی «ژن، ژیان، ئازادی»دا دەستبەسەر کرابوون و سزای ١٢ ساڵ بەندکران و دوورخستنەوەیان بەسەردا سەپابوو، بۆ زیندانەکانی زاهیدان، کرمان و وەکیلئابادی مەشهەد دوور خرانەوە. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ئەم سێ زیندانییە ڕۆژی یەکشەممە ١٤ی گوڵانی ١٤٠٤ (٤ی مەیی ٢٠٢٥) بەبێ ئاگادارکردنەوەی پێشوەخت و بە شێوەی نهێنی لە زیندانی ناوەندیی ئیلامەوە...
ڕێگریکردنی دەزگای ئیتلاعاتی سوپای پاسداران لە پێدانی مۆڵەتی پشووی کاتی بە خالید زەمانی لە حەڤدەیەم ساڵی بەندکراندا
سەرەڕای ڕەزامەندیی شۆرای پۆلێنبەندیکردنی زیندانی ناوەندیی یەزد و داواکاری گشتیی ئەم شارە بۆ پێدانی مۆڵەتی پشووی کاتی بە زیندانیی سیاسیی کورد خالید زەمانی و دانانی بارمتەی ١٠ میلیارد تمەنی لە لایەن بنەماڵەکەیەوە، دەزگای ئیتلاعاتی سوپای پاسداران ڕێگری لە پێدانی ئەو مۆڵەتە کردووە. ئەم زیندانییە سیاسییە بە هۆی دژایەتیکردن و ڕێگریکردنی ئەم دەزگا سەربازی-ئەمنییەوە تا ئێستا لە مافی ئازادیی مەرجدار و مۆڵەتی پشووی کاتی بێبەش بووە. بەپێی...