شەوی یەک شەممە ،٤ی گەڵارێزان، دوابەدوای ناڕەزایی دەربڕینی سێ زیندانی بە ناوەکانی داوود قاسمزادە، بەهادین قاسمزادە و ئارەش عەلیزادە لە بەندی ئەمنی زیندانی ناوەندیی ورمێدا و گواستنەوەی ئەم سێ زیندانییە بۆ بەردەم بەشی پاسەوانیی سەرەکیی زیندان، هێزەکانی گاردی زیندان بە ئامادەبوونی «برووجێنی»، بەرپرسی گشتیی زیندانەکانی پارێزگای ئازەربایجانی ڕۆژئاوا، ئەو سێ کەسەیان بە باتۆم داوەتە بەر لێدان و ئەشکەنجەیان کردوون. هەروەها دیسانەوە دەستبەند و پێبەندیان لە هەرسێکیان داوە و گەڕاندوونیانەتەوە بۆ ژوورە تاکەکەسییەکانی بەندی ئەمنی زیندان.
بەپێی زانیارییەکانی تۆڕی مافەکانی مرۆڤی کوردستان، کۆتاساتەکانی شەوی ٤ی گەڵاڕێزان، ئەم سێ بەندکراوە کە بە مەبەستی تەمێکردن لە نزیک ٦ مانگ لەمەوپێشەوە گوازراونەتەوە بۆ ژوورە تاکەکەسییەکانی بەندی ئەمنی زیندان، ناڕەزاییان دەربڕی کە دوای ئامادەبوونی هێزەکانی گاردی زیندان و ئاگرکەوتنەوە لە بەندەکەدا، هەرسێکیان گواسترانەوە بۆ بەردەم بەشی پاسەوانیی سەرەکیی زیندان.
سەرۆکی زیندانی ورمێ لەبەر تووشبوون بە کۆرۆنا لەوێ نەبووە، هەر بۆیە بەرپرسی گشتیی زیندانەکانی پارێزگای ئازەربایجانی ڕۆژئاوا بۆ خۆی چۆتە نێو زیندانەوە و بە فەرمانی ناوبراو و لە حاڵێکدا کە داوود قاسمزادە بە هۆی کێشەی نوخاعیەوە لەسەر ویلچەر بووە، زۆر بە قورسی بە باتۆم لێیان دابوون و سەرلەنوێ ڕەوانەی ژوورە تاکەکەسییەکانی بەندی ئەمن کرابوونەوە.
سەرچاوەیەکی ئاگادار، تۆڕی مافەکانی مرۆڤی کوردستانی ئاگادار کردۆتەوە کە سەرلەبەیانیی ئەمڕۆ داوود قاسمزادە گواستراوەتەوە بۆ نەخۆشخانەی زیندان لەوێ خەوێنراوە. ئاسەواری لێدان و ئەشکەنجە لەسەر جەستەی ئەم زیندانییە ماوەتەوە.
تۆڕی مافەکانی مرۆڤی کوردستان شەوی ڕابردوو بە بڵاوکردنەوەی ڕاپۆرتێک، باسی ناڕەزایی و ئاگرکەوتنەوە لە بەندی ئەمنی زیندانی ناوەندیی ورمێی کردبوو.
ورمێ؛ ئەشکەنجەدانی سێ بەندکراوی ناڕازی لە بەردەم بەرپرسی گشتیی زیندانەکانی پارێزگادا
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوە