تۆڕی مافه‌كانی مرۆڤی کوردستان

بەرەبەیانی ڕۆژی پێنجشەممە ٢٩ی خەرمانانی ١٤٠٣ (١٩ی سێپتامبەری ٢٠٢٤) چەند ئەندامێکی کۆمەڵەی زەحمەتکێشانی کوردستان لە نزیک گوندی «پیرانە کۆن»ی مەریوان کەوتنە بۆسەی هێزەکانی سوپای پاسداران و لە ئەنجامی تێکهەڵچوونی نێوانیاندا، ڕێبوار کەریمیان، بەرپرسی سەربازیی ئەو حیزبە، گیانی بەخت کرد. دوابەدوای ئەو تێکهەڵچوونە کە بۆ ماوەی چەندین کاتژمێر درێژەی هەبوو، لە ئەنجامی تۆپبارانکردنی ناوچەکە لە لایەن هێزەکانی سوپای پاسدارانەوە، لە بەشێکی بەربڵاوی بەرزاییە سنوورییەکانی «سوورێن»...

سینا محەممەدی، چالاکی مەدەنیی خەڵکی شارۆچکەی بڵوانئاوای سەر بە دێولان، بە شێوەیەکی توندوتیژ لە لایەن هێزە ئەمنییەکانەوە دەستبەسەر کرا و گوازرایەوە بۆ شوێنێکی نادیار. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی چوارشەممە ٢٨ی خەرمانانی ١٤٠٣ (١٨ی سێپتامبەری ٢٠٢٤) هێزە ئەمنییەکان هەڵیانکوتاوەتە سەر ماڵی سینا محەممەدی لە شارۆچکەی بڵوانئاوا و ئەم چالاکە مەدەنییەیان بەبێ مۆڵەتی یاسایی دەستبەسەر کردووە. تا ئێستا لەسەر شوێنی ڕاگرتن و...

فەردین مستەفایی، بەڕێوەبەری کاناڵی تێلێگرامیی «سەقز ڕووداو» و ئەندامی فیدراسیۆنی نێونەتەوەیی ڕۆژنامەوانان، لە لایەن هێزەکانی وەزارەتی ئیتلاعاتەوە لە شاری سەقز دەستبەسەر کرا و گوازرایەوە بۆ شوێنێکی نادیار. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی چوارشەممە ٢٨ی خەرمانانی ١٤٠٣ (١٨ی سێپتامبەری ٢٠٢٤) ئەم ڕۆژنامەوانە لە کافتریایەکی شاری سەقزدا و بەبێ مۆڵەتی یاسایی لە لایەن هێزە ئەمنییەکانەوە دەستبەسەر کراوە. تا ئێستا لەسەر شوێنی ڕاگرتن و...

سزای لەسێدارەدانی حاتەم ئوزدەمیر، زیندانیی سیاسیی کوردی هاووڵاتیی کوردستانی تورکیا، لە لایەن دیوانی باڵای ئێرانەوە پەسەند کرا. ئەم زیندانییە سیاسییە لە گوڵانی ئەمساڵدا (مەیی ٢٠٢٤) لە لایەن لقی ٣ی دادگای شۆڕشی ئیسلامیی ورمێوە بە سەرۆکایەتیی دادوەر نەجەفزادە بە تۆمەتی «موحارەبە» سزای لەسێدارەدانی بەسەردا سەپابوو. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، لە ڕۆژانی ڕابردوودا دیوانی باڵای ئێران سزای لەسێدارەدانی ئەم زیندانییە سیاسییە کوردەی...

لە ڕۆژانی ڕابردوودا ئارام سادقی و ئارمان نەوشادی، دوو هاووڵاتیی خەڵکی شارەکانی سنە و دیواندەرە، لە لایەن هێزە ئەمنییەکانەوە دەستبەسەر کراون. بەپێی ئەو زانیاریانەی بە تۆڕی مافەکانی مرۆڤی کوردستان گەیشتووە، ڕۆژی دووشەممە ٢٦ی خەرمانانی ١٤٠٣ (١٦ی سێپتامبەری ٢٠٢٤) ئارمان نەوشادی، هاووڵاتیی خەڵکی دیواندەرە، لە ماڵەکەی خۆی لەم شارەدا لە لایەن هێزە ئەمنییەکانەوە بەبێ مۆڵەتی یاسایی دەستبەسەر کراوە. هەروەها ئارمان سادقی، هاووڵاتیی خەڵکی سنە، ڕۆژی ٢٠ی خەرمانان...