بەپێی ئەو زانیارییانەی کەوتووەتە دەست تۆڕی مافەکانی مرۆڤی کوردستان، بەرەبەیانی ئەمڕۆ شەممە ١٦ی گوڵان (٦ی مەی) سزای لەسێدارەدانی دوو بەندکراو بە ناوەکانی سەلاحەدین مەجیدی و عەبدوڵڵا خان‌محەممەدی کە پێشتر بە تۆمەتی پێوەندیدار بە «مادە هۆشبەرەکان»ـەوە سزای لەسێدارەدانیان بۆ دەرچووبوو، لە زیندانی سەڵماس جێبەجێ کراوە.
ئەم دوو بوندکراوە ڕۆژی پێنجشەممە ١٤ی گوڵان (٤ی مەی) بە مەبەستی جێبەجێکردنی سزاکەیان ڕەوانەی ژووری تاکەکەسیی زیندانی سەڵماس کرابوون.
سەلاحەدین مەجیدی و عەبدوڵڵا خان‌محەممەدی خەڵکی گوندی «هەفتەوان»ی سەڵماس، نزیکەی ٣ ساڵ لەمەوپێش بە تۆمەتی پێوەندیدار بە «مادە هۆشبەرەکان»ـەوە دەستبەسەر کرابوون و سزای لەسێدارەدانیان بەسەردا سەپابوو.
