سەکینە پەروانە ڕەوانەی ژووری تاکەکەسی کرا
سەرچاوە: تۆڕی مافەکانی مرۆڤی کوردستان — https://kurdistanhumanrights.org/ku/news-ku/prisoners-ku/2020/11/10/p9426
بهپێی زانیارییهكانی تۆڕی مافهكانی مرۆڤی كوردستان، سەکینە پەروانە، زیندانیی سیاسیی کورد کە ڕۆژی ڕابردوو لە هەشتەمین ڕۆژی مانگرتنەکەیدا لێوەکانی دووریبوویەوە، بە فەرمانی بەرپرسانی زیندانی قۆچان ڕەوانەی ژووری تاکەکەسی کرا.
هۆکاری مانگرتنی ئەم زیندانییە سیاسییە دەگەڕێتەوە بۆ ئەگەری دوورخستنەوەی بۆ زیندانی ئێسفەهان. ناوبراو هەروەها بە دوورینەوەی لێوەکانی داوای کردووە بەدواداچوون بۆ شکاتەکانی بکرێت لەمەڕ ئەو ئەشکەنجانەی لە کۆتایی خاکەلێوەی ئەمساڵدا لە نەخۆشخانەی دەروونپزیشکیی ئەمینئاوای شاری ڕەی ڕووبەڕووی کراوەتەوە.
ئەم زیندانییە سیاسییە لە کۆتایی خاکەلێوەی ئەمساڵدا لە ژووری تاکەکەسیی زیندانی قەرچەکی وەرامینەوە ڕەوانەی نەخۆشخانەی دەروونپزیشکیی ئەمینئاوای شاری ڕەی کرا و سەرەڕای داواکاریی پزیشکەکان بۆ گەڕاندنەوەی بۆ زیندان، بۆ ماوەی مانگێک لە دۆخێکی دژوار و لەم بەندیخانەیەدا ڕایانگرت.
سەکینە پەروانە پێشتر بە بڵاوکردنەوەی نامەیەک لە ڕێکەوتی ٥ی پووشپەڕدا باسی ڕەوتی دەستبەسەرکران و ئەو ئازار و ئەشکەنجانەی کردبوو کە لە کاتی زیندانیبووندا ڕووبەڕووی کراوەتەوە. بهپێی قسهكانی خانمی سهكینه، بەرپرسە ئهمنییەکانی كۆماری ئیسلامی له سهرهتاكانی پاییزی ١٣٨٩دا به بیانووی چاوپێكهوتن لهگهڵ بنهماڵهکەیدا له شاری سلێمانیی كوردستانی ئێراق، دوای ئەوەی دەینێرنە سنووری ئێران و ئێراق، ماوهی ١٠ ڕۆژ له دهستبهسهرگهكانی مهریوان و سنهدا گێڕاویانە و دواتر ناردوویانهته زیندانی ئێڤین. قۆناغی دهستبهربوونی ناوبراو لە دۆخێکی دژوار و لە ژێر سهختترین ئهشكهنجهی جهستهییدا، له بهندهكانی دووی ئهلف، ٢٠٩ و ژنانی زیندانی ئێڤیندا تێپەڕیوە.
پەیام دوڕئەفشان، پارزهری ئهم بهندكراوه سیاسییه کە خۆیشی ئێستا لە بەندیخانەدایە، رۆژی ٥ی جۆزهردانی ئەمساڵ ڕایگەیاند که لقی ٢٦ی دادگای ئینقلابی تاران سزای ٥ ساڵ زیندان و ٢ ساڵ قەدەغەکردنی ئهندامێتی له دهسته و لایهنه سیاسییهكانی بە سەر ئەو خانمەدا سەپاندووە. بەپێی حوكمی دادگا، تۆمهتی پهروانە بریتییە لە «ئهندامێتی له گرووپهكانی دژ به حکوومەتدا به مەبەستی تێکدانی ئاسایشی وڵات».
سەکینە پەروانە لە خاکەلێوەی ئەمساڵدا لەبەر نووسین و وتنەوەی دروشم لە زیندانی ئێڤیندا، گواسترایەوە بۆ زیندانی قەرچەکی وەرامین و دوای ٤ ڕۆژ مانەوە لە ژووری تاکەکەسیدا ڕەوانەی نەخۆشخانەی دەروونپزیشکیی ئەمینئاوای شاریڕەی کرا. ناوبراو لە ١٤ی پووشپەڕ و لە حاڵێکدا کە کە ئاسەواری لێدان و ئەشکەنجە بەسەر جەستەیەوە دیار بوو، دیسان گەڕێنرایەوە بۆ زیندانی ئێڤین و دادگایەک لە گەلاوێژی ئەمساڵدا بە تۆمەتی «ئاژاوەنانەوە لە زینداندا» حوکمی ٢ ساڵ زیندانی بەسەردا سەپاند.
بابەتی پەیوەندیدار
-
سەکینە پەروانە لە درێژەی مانگرتنەکەیدا لێوەکانی دوورییەوە
-
پێنج بهندكراوی سیاسیی كورد له بهندیخانهكانی ورمێ و قۆچان بەردەوامن لە مانگرتنەکەیان
-
سهكینه پهروانه گواسترایهوه بۆ بهندیخانهی ناوهندیی مهشههد
-
گواستنەوەی سەکینە پەروانە لە زیندانی ئێڤینەوە بۆ شوێنێکی نادیار
-
موژگان كاوسی هێشتا مانگرتنهكهی بهردهوامه و سهكینه پهروانه كۆتایی به مانگرتنهكهی هێنا
-
دوو ژنە بەندکراوی سیاسیی کورد لە زیندانی ئێڤین دەستیان دایە مانگرتن لە خواردن