ئێوارەی دوێنێ هێزەکانی بنکەی پۆلیسی دەوڵەتئاوای کرماشان دوای کەوتنەدوای ئۆتۆمبیلێک، تەقەیان لێ کرد و لە ئەنجامدا منداڵێکی ١٧ ساڵان بە ناوی ئەشکان عەزیزی دەستبەجێ گیانی لەدەست دا و منداڵێکیتر بە ناوی بورهان عەزیزی بە قووڵی بریندار بوو.
کەسێکی نزیکی ئەشکان عەزیزی کە لەبەر هۆکاری ئەمنی نەیویست ناوی ئاشکرا بکرێت، سەبارەت بەم ڕووداوە بە تۆڕی مافەکانی مرۆڤی کوردستانی وت: «لە دەوروبەری کاتژمێر ١٩ی دوێنێ ئێوارەدا ئۆتۆمبیلێکی بنکەی پۆلیسی دەوڵەتئاوای کرماشان بە بیانووی نەبوونی پلاک کەوتۆتە دوای ئۆتۆمبیلێکی جۆری پژۆی ٤٠٥ و لە نزیک کۆماڵی نیشتەجێبوونی مێهری ئەم شارۆچکەیەدا دەسڕێژیان لێ کردووە و لە ئەنجامدا گوللە بەر ئەشکان عەزیزی کەوتووە و کوشتوویەتی».
بە وتەی ئەم سەرچاوەیە بورهان عەزیزییش کە لەگەڵ ئەشکاندا بووە بە قووڵی بریندار بووە.
ئەم سەرچاوەیە لە درێژەدا وتی: «لە حاڵێکدا دەسڕێژ لەم ئۆتۆمبیلە کراوە کە پلاکەکە لەسەر جامی پشتەوەی ئۆتۆمبیلەکە بووە و ئەو دوو کەسە کە هەردووکیان تەمەنیان ژێر ١٨ ساڵ بووە، لەبەر ئەوەی ئیجازەی لێخوڕینیان نەبووە، ترساون و هەڵاتوون».
ئەم سەرچاوەیە دەڵێت تەرمی ئەشکان گواستراوەتەوە بۆ پزیشکیی یاسایی و وتی: «تا ئێستا تەرمەکەی ڕادەستی بنەماڵەکەی نەکراوەتەوە. بنەماڵەی ئەشکان داوای یاساییان لەسەر هێزەکانی پۆلیسی بنکەی دەوڵەتئاوا تۆمار کردووە، بەڵام تا ئێستا هێچ ڕوونکردنەوە و وەڵامێکیان پێ نەدراوەتەوە».
شارۆچکەی دەوڵەتئاوا کە دەکەوێتە ڕۆژئاوای شاری کرماشانەوە، لە ڕیزی گەڕەکە پڕحەشیمەت و بێبەشکراوەکانی کرماشاندایە کە زۆرینەی دانیشتووانی کوردی یارسان و سوننەن. هێزەکانی پۆلیس پێشتریش لەگەڵ ئەم خەڵکە بەشەڕ هاتوون و تەقەیان لە هاووڵاتییانی ئەم شارۆچکەیە و شارۆچکەکەی تەنیشتی، واتە «دەرەدرێژ»، کردووە. دەوڵەتئاوا لەو گەڕەکانەی کرماشان بوو کە لە جووڵانەوە جەماوەری و سەراسەرییەکەی گەڵاڕێزانی ١٣٩٨دا ببووە گۆڕەپانی خۆپیشاندانی جەماوەری و لەم جووڵانەوەیەدا لانیکەم ٥ هاووڵاتیی کوردی ئەم گەڕەکە کەوتنە بەر گوللەی هێزە دەوڵەتییەکان و گیانیان لەدەست دا.
کرماشان؛ کوژران و برینداربوونی دوو منداڵ بە تەقەی هێزەکانی پۆلیس
![](https://kurdistanhumanrights.org/wp-content/uploads/2020/10/Ashkan-Azizi-1.jpg)
دەستبەسەرکردنی پێنج هاووڵاتی و چالاکی مەزهەبیی کورد لە پیرانشار
لە چەند ڕۆژی ڕابردوودا ٥ هاووڵاتی و چالاکی مەزهەبیی کورد بە ناوەکانی سومەییە قادری، حسەین بایەزیدی، محەممەد سوڵتانی، محەممەد مورادی و هادی یووسفپوور لە...
زیاتر بخوێنەوەدەستبەسەرکردنی دوو هاووڵاتیی کورد دوای بانگهێشتکران بۆ دەزگای ئیتلاعاتی سوپای میاندواو
ڕۆژی چوارشەممە ٢٩ی خاکەلێوە (١٧ی ئاوریل) دوو هاووڵاتیی کوردی خەڵکی گوندی «حاجی حەسەنی شامات»ی سەر بە شاری میاندواو بە ناوەکانی موحسین قادرڕەش و ئومید...
زیاتر بخوێنەوەڕەتکردنەوەی داوای دادگاییکردنەوەی دووبارەی ڕەزا ڕەسایی لە دیوانی باڵای ئێراندا
لقی یەکەمی دیوانی باڵای ئێران داوای سەرلەنوێ دادگاییکردنەوەی ڕەزا ڕەسایی، زیندانیی سیاسیی کوردی مەحکووم بە ئێعدامی ڕەت کردەوە. دیوانی باڵای ئێران بەبێ لەبەرچاوگرتنی کێشە...
زیاتر بخوێنەوە